ବଣ୍ଡ୍କୁ ସାଧାରଣତଃ ନିବେଶ ପୋର୍ଟଫୋଲିଓର ତୁଳନାମୂଳକ ଭାବେ ସ୍ଥିର ଅଂଶ ବୋଲି ଧରାଯାଏ। ନିୟମିତ ଆୟ ଓ ଡାଇଭର୍ସିଫିକେସନ୍ ପାଇଁ ଅନେକ ରିଟେଲ୍ ନିବେଶକ ବଣ୍ଡ୍ରେ ଟଙ୍କା ଲଗାଉଛନ୍ତି। କିନ୍ତୁ କେବଳ ବଣ୍ଡ୍ର ସୁଧ ହାର ଦେଖି ନିବେଶ କରିବା ଠିକ୍ ନୁହେଁ।

ଅଧିକ ରିଟର୍ନ ଦେଉଥିବା ବଣ୍ଡ୍ରେ ଅଧିକ ଝୁମ୍ପ ଥାଇପାରେ। ସେହିପରି ଅନେକ ବଣ୍ଡ୍ କିଣିଲେ ମଧ୍ୟ ଯଦି ସେଗୁଡ଼ିକ ଏକାଧିକ ନୁହେଁ, ଏକେ କମ୍ପାନୀ, ବିଜନେସ୍ ଗ୍ରୁପ୍ କିମ୍ବା ସେକ୍ଟର ସହ ଜଡ଼ିତ, ତେବେ ପୋର୍ଟଫୋଲିଓ ପ୍ରକୃତରେ ଡାଇଭର୍ସିଫାଏଡ୍ ହୋଇନପାରେ।

ବିଶେଷଜ୍ଞମାନେ ବଣ୍ଡ୍ ନିବେଶକଙ୍କୁ ନିମ୍ନଲିଖିତ୫ଟି ଭୁଲ୍ ଏଡ଼ାଇବାକୁପରାମର୍ଶ ଦେଇଛନ୍ତି।

୧. ରିସ୍କ ନବୁଝି କେବଳ ଅଧିକ ଯିଲ୍ଡ ପଛରେ ଦୌଡ଼ିବା

ଅଧିକ ରିଟର୍ନ ନିଶ୍ଚିତ ଭାବେ ଆକର୍ଷଣୀୟ। କିନ୍ତୁ କୌଣସି ବଣ୍ଡ୍ ଅଧିକ ଯିଲ୍ଡ କାହିଁକି ଦେଉଛି, ତାହା ପ୍ରଥମେ ବୁଝିବା ଆବଶ୍ୟକ।

ଅଧିକ ଯିଲ୍ଡ ପଛରେ କମ୍ କ୍ରେଡିଟ୍ ରେଟିଂ, ଦୁର୍ବଳ ଆର୍ଥିକ ସ୍ଥିତି, ଅଧିକ ଋଣ, ବ୍ୟବସାୟିକ ଝୁମ୍ପ କିମ୍ବା କମ୍ ଲିକ୍ୱିଡିଟି ଭଳି କାରଣ ଥାଇପାରେ।

ତେଣୁ ନିବେଶକମାନେ କମ୍ପାନୀର ଋଣ ପରିମାଣ, ଇଣ୍ଟରେଷ୍ଟ କଭରେଜ୍ ରେସିଓ, ଅପରେଟିଂ କ୍ୟାଶ୍ ଫ୍ଲୋ, ଶିଳ୍ପର ଭବିଷ୍ୟତ ଓ ପୂର୍ବରୁ ଋଣ ପରିଶୋଧର ରେକର୍ଡ ଯାଞ୍ଚ କରିବା ଉଚିତ୍।

୨. ଅନେକ ବଣ୍ଡ୍ କିଣି ମଧ୍ୟ ଗୋଟିଏ ଇସ୍ୟୁଅର୍ ଉପରେ ନିର୍ଭର କରିବା

ଅନେକ ବଣ୍ଡ୍ କିଣିଲେ ପୋର୍ଟଫୋଲିଓ ଡାଇଭର୍ସିଫାଏଡ୍ ହୋଇଗଲା ବୋଲି ଭାବିବା ଭୁଲ୍। ଯଦି ଅଧିକାଂଶ ବଣ୍ଡ୍ ଗୋଟିଏ କମ୍ପାନୀ, ବିଜନେସ୍ ଗ୍ରୁପ୍ କିମ୍ବା ସେକ୍ଟରରୁ ଆସିଛି, ତେବେ ରିସ୍କ ଏକାଠି ହୋଇପାରେ।

ବିଶେଷଜ୍ଞମାନେଇସ୍ୟୁଅର୍, ସେକ୍ଟର, କ୍ରେଡିଟ୍ ପ୍ରୋଫାଇଲ୍ ଓ ମ୍ୟାଚୁରିଟି ଅନୁସାରେ ବଣ୍ଡ୍ ନିବେଶକୁ ବିଭାଜିତ କରିବାକୁ କହିଛନ୍ତି।

୩. କେବଳ କ୍ରେଡିଟ୍ ରେଟିଂ ଦେଖି ନିବେଶ କରିବା

ବଣ୍ଡ୍ କିଣିବା ପୂର୍ବରୁ କ୍ରେଡିଟ୍ ରେଟିଂ ଏକ ଗୁରୁତ୍ୱପୂର୍ଣ୍ଣ ସଙ୍କେତ। କିନ୍ତୁ ଏହାକୁ ଏକମାତ୍ର ମାପଦଣ୍ଡ କରିବା ଉଚିତ୍ ନୁହେଁ।

ଇସ୍ୟୁଅର୍ର ଆର୍ଥିକ ସ୍ଥିତି, ଲାଭ, ଲିଭରେଜ୍, କ୍ୟାଶ୍ ଫ୍ଲୋ ଓ ପୂର୍ବରୁ ଋଣ ପରିଶୋଧ ରେକର୍ଡ ମଧ୍ୟ ଯାଞ୍ଚ କରିବା ଦରକାର। ବଣ୍ଡ୍ସିକ୍ୟୁର୍ଡ୍ ନା ଅନସିକ୍ୟୁର୍ଡ୍, ତାହା ମଧ୍ୟ ବୁଝିବା ଜରୁରୀ।

୪. ମ୍ୟାଚୁରିଟି ପିରିୟଡ୍କୁ ଅଣଦେଖା କରିବା

ଅଧିକ ରିଟର୍ନ ଦେଉଥିବା ବଣ୍ଡ୍ ପ୍ରତ୍ୟେକ ନିବେଶକଙ୍କ ପାଇଁ ଉପଯୁକ୍ତ ହୋଇନପାରେ। ନିବେଶ ପୂର୍ବରୁକେବେ ଟଙ୍କା ଦରକାର ହେବ, ତାହା ବିଚାର କରିବା ଆବଶ୍ୟକ।

ଦୀର୍ଘ ମ୍ୟାଚୁରିଟି ଥିବା ବଣ୍ଡ୍ ସୁଧ ହାରର ପରିବର୍ତ୍ତନ ପ୍ରତି ଅଧିକ ସମ୍ବେଦନଶୀଳ। ତେଣୁ ନିବେଶକଙ୍କ ଆର୍ଥିକ ଲକ୍ଷ୍ୟ ଓ ଆବଶ୍ୟକ କ୍ୟାଶ୍ ଫ୍ଲୋ ସହ ବଣ୍ଡ୍ର ମ୍ୟାଚୁରିଟିକୁ ମେଳାଇବା ଉଚିତ୍।

୫. ଯେତେବେଳେ ଚାହିଁବେ ବଣ୍ଡ୍ ବିକ୍ରି କରିପାରିବେ ବୋଲି ଭାବିବା

ନିବେଶକମାନେ ପ୍ରାୟତଃ ବଣ୍ଡ୍ରୁ କେତେ ସୁଧ ମିଳିବ ତାହା ଉପରେ ଧ୍ୟାନ ଦିଅନ୍ତି। କିନ୍ତୁ ବଣ୍ଡ୍କୁ ମ୍ୟାଚୁରିଟି ପୂର୍ବରୁ ବିକ୍ରି କରିବା କେତେ ସହଜ, ତାହା ମଧ୍ୟ ଗୁରୁତ୍ୱପୂର୍ଣ୍ଣ।

ପ୍ରତ୍ୟେକ ବଣ୍ଡ୍ର ସକ୍ରିୟ ବଜାର ନଥାଏ। ତେଣୁ ଜରୁରୀ ସମୟରେ ବଣ୍ଡ୍ ବିକ୍ରି କରିବାକୁ ଚାହିଁଲେ ଉଚିତ୍ ଦାମରେ କ୍ରେତା ମିଳିନପାରନ୍ତି। ଏହାକୁଲିକ୍ୱିଡିଟି ରିସ୍କକୁହାଯାଏ।

💰 ବଣ୍ଡ୍ କ’ଣ ସମ୍ପୂର୍ଣ୍ଣ ନିରାପଦ?

ବଣ୍ଡ୍ରୁ ନିର୍ଦ୍ଦିଷ୍ଟ ସୁଧ ମିଳୁଥିବାରୁ ଏହାକୁ ରିସ୍କ-ଫ୍ରି ଭାବିବା ଠିକ୍ ନୁହେଁ। ବଣ୍ଡ୍ରେ ମୁଖ୍ୟତଃକ୍ରେଡିଟ୍ ରିସ୍କ, ଇଣ୍ଟରେଷ୍ଟ-ରେଟ୍ ରିସ୍କ ଓ ଲିକ୍ୱିଡିଟି ରିସ୍କରହିପାରେ।

ଇସ୍ୟୁଅର୍ ସୁଧ କିମ୍ବା ମୂଳଧନ ପରିଶୋଧ କରିବାରେ ଅସୁବିଧାରେ ପଡ଼ିଲେ କ୍ରେଡିଟ୍ ରିସ୍କ ସୃଷ୍ଟି ହୁଏ। ବଜାର ସୁଧ ହାର ବଢ଼ିଲେ ବଣ୍ଡ୍ର ମାର୍କେଟ୍ ପ୍ରାଇସ୍ କମିପାରେ। ଆଉ ମ୍ୟାଚୁରିଟି ପୂର୍ବରୁ ବିକ୍ରି କରିବା ସମୟରେ କ୍ରେତା ନମିଳିଲେ ଲିକ୍ୱିଡିଟି ରିସ୍କ ରହେ।

ତେଣୁ ‘ଫିକ୍ସଡ୍ ରିଟର୍ନ’ର ଅର୍ଥ ‘ଗ୍ୟାରେଣ୍ଟିଡ୍ ରିଟର୍ନ’ ନୁହେଁ।

👀 ପ୍ରଥମ ଥର ବଣ୍ଡ୍ରେ ନିବେଶ କରୁଥିଲେ କ’ଣ ଦେଖିବେ?

ନିବେଶ ପୂର୍ବରୁ ଇସ୍ୟୁଅର୍ର ବ୍ୟବସାୟ ଓ ଆର୍ଥିକ ସ୍ଥିତି, କ୍ରେଡିଟ୍ ରେଟିଂ, ମ୍ୟାଚୁରିଟି, ଲିକ୍ୱିଡିଟି ଓ ଯିଲ୍ଡ ସହ ଜଡ଼ିତ ରିସ୍କ ଯାଞ୍ଚ କରିବା ଉଚିତ୍।

ସେହିପରି ଗୋଟିଏ କମ୍ପାନୀ କିମ୍ବା ସେକ୍ଟରରେ ଅଧିକ ଟଙ୍କା ନିବେଶ ନକରି ଡାଇଭର୍ସିଫିକେସନ୍ ଉପରେ ଧ୍ୟାନ ଦେବା ଆବଶ୍ୟକ। ବଣ୍ଡ୍ ପୋର୍ଟଫୋଲିଓ ଗଠନ କରିବା ସମୟରେ କେବଳ ଅଧିକ ଯିଲ୍ଡ ନୁହେଁ, ବରଂରିସ୍କ-ଆଡଜଷ୍ଟେଡ୍ ରିଟର୍ନକୁ ପ୍ରାଥମିକତା ଦେବା ଉଚିତ୍।