ଜୟପୁରରେ ଆୟୋଜିତ ନ୍ୟାସନାଲ୍ ୟୁଥ୍ ପାର୍ଲାମେଣ୍ଟ-୨୦୨୬ରେ ଜଣେ ଛାତ୍ରଙ୍କ ଅଭିନବ ଉପସ୍ଥାପନା ଏବେ ସୋସିଆଲ ମିଡିଆରେ ବେଶ୍ ଚର୍ଚ୍ଚା ସୃଷ୍ଟି କରିଛି। ଗୋରଖପୁର ସାଂସଦ ତଥା ଅଭିନେତା ରବି କିଶନଙ୍କ ସଂସଦୀୟ ଭାଷଣକୁ ହୁବହୁ ନକଲ କରି ମଞ୍ଚରେ ପରିବେଷଣ କରିଥିବା ଛାତ୍ର ଯୁବରାଜ ଚୌଧୁରୀ ଏବେ ଇଣ୍ଟରନେଟରେ ଭାଇରାଲ୍ ହୋଇଛନ୍ତି।
ଯୁବରାଜ କେବଳ ରବି କିଶନଙ୍କ କଥା କହିବା ଶୈଳୀ ନୁହେଁ, ବରଂ ତାଙ୍କର ହାବଭାବ, ସ୍ୱର ଓ ମଞ୍ଚ ଉପସ୍ଥାପନାକୁ ମଧ୍ୟ ଅବିକଳ ଭାବେ ପ୍ରଦର୍ଶନ କରିଥିଲେ। ଏହି ଉପସ୍ଥାପନା ଉପସ୍ଥିତ ଦର୍ଶକଙ୍କୁ ବେଶ୍ ପ୍ରଭାବିତ କରିଥିଲା।
ଯୁବରାଜ ସଂସଦରେ ବ୍ରଡକାଷ୍ଟିଂ ସେବା ବିଲ୍ ଉପରେ ହୋଇଥିବା ଆଲୋଚନା ସମୟରେ ରବି କିଶନ ଦେଇଥିବା ଭାଷଣକୁ ମଞ୍ଚରେ ପୁନଃ ଉପସ୍ଥାପନ କରିଥିଲେ। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବା ପରେ ନିଜେ ରବି କିଶନ ତାହାକୁ ନିଜ X (ପୂର୍ବତନ ଟ୍ୱିଟର) ଆକାଉଣ୍ଟରେ ସେୟାର କରି ଯୁବରାଜଙ୍କୁ ଅଭିନନ୍ଦନ ଜଣାଇଛନ୍ତି।
ରବି କିଶନ ଲେଖିଛନ୍ତି ଯେ, ଯୁବରାଜ ଯେଉଁ ଆତ୍ମବିଶ୍ୱାସ, ଗମ୍ଭୀରତା ଏବଂ ପ୍ରଭାବଶାଳୀ ଶୈଳୀରେ ତାଙ୍କ ସଂସଦୀୟ ବ୍ୟକ୍ତିତ୍ୱକୁ ଉପସ୍ଥାପନ କରିଛନ୍ତି, ତାହା ଅତ୍ୟନ୍ତ ପ୍ରଶଂସନୀୟ। ଦେଶର ଯୁବପିଢ଼ି ଗଣତାନ୍ତ୍ରିକ ମୂଲ୍ୟବୋଧ ଏବଂ ସଂସଦୀୟ ପରମ୍ପରା ପ୍ରତି ଆଗ୍ରହ ଦେଖାଉଥିବାରୁ ସେ ଖୁସି ପ୍ରକାଶ କରିଛନ୍ତି।
ଭିଡିଓଟି ଭାଇରାଲ୍ ହେବା ପରେ ସୋସିଆଲ ମିଡିଆ ୟୁଜର୍ସମାନେ ମଧ୍ୟ ଯୁବରାଜଙ୍କ ସ୍ମୃତିଶକ୍ତି, ମଞ୍ଚ ଉପସ୍ଥାପନା ଓ ଅଭିନୟ ଦକ୍ଷତାର ପ୍ରଶଂସା କରୁଛନ୍ତି। ଅନେକଙ୍କ ମତରେ, ସେ ରବି କିଶନଙ୍କ କଥା କହିବା ଶୈଳୀକୁ ପ୍ରାୟ ସମ୍ପୂର୍ଣ୍ଣ ଭାବେ ଅନୁକରଣ କରିବାରେ ସଫଳ ହୋଇଛନ୍ତି।
ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ବ୍ୟାପକ ଭାବେ ସେୟାର ହେଉଥିବା ବେଳେ ଯୁବରାଜ ଚୌଧୁରୀଙ୍କ ପ୍ରତିଭାକୁ ନେଇ ଚାରିଆଡ଼େ ପ୍ରଶଂସାର ସୁଅ ଛୁଟିଛି।
ଭୁବନେଶ୍ୱରର ବ୍ୟସ୍ତବହୁଳରସୁଲଗଡ଼–ପଳାଶୁଣୀ ଛକମଧ୍ୟର...
ମୁମ୍ବାଇର ଛତ୍ରପତି ଶିବାଜୀ ମହାରାଜ ଆନ୍ତର୍ଜାତିକ ବିମାନବନ...
ପଶ୍ଚିମ ଏସିଆରେ ଚାଲିଥିବା ସଂଘର୍ଷ ମଧ୍ୟରେ ହର୍ମୁଜ୍ ପ୍ରଣା...
ଆସାମରେ ମଣିଷ-ହାତୀ ସଂଘର୍ଷ ଦିନକୁ ଦିନ ଗୁରୁତର ରୂପ ନେଉଛି...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଇଣ୍ଡୋନେସିଆ ଗସ୍ତ ଭାର...
କରୁର ଦଳାଚକଟା ମାମଲାକୁ ନେଇ ସୁପ୍ରିମକୋର୍ଟରେ ଚାଲିଥିବା ଶ...
ଓଡ଼ିଶା ମୁଖ୍ୟମନ୍ତ୍ରୀମୋହନ ଚରଣ ମାଝୀଙ୍କ AI (Artificial...
ଜାମ୍ମୁ-କାଶ୍ମୀରରେ ଆତଙ୍କବାଦ ବିରୋଧୀ ଅଭିଯାନରେ ସୁରକ୍ଷା...
ଓଡ଼ିଶାରହୀରାକୁଦ ଜଳଭଣ୍ଡାରର ଜଳସ୍ତର ବୁଧବାର ମଧ୍ୟ ବୃଦ୍ଧି...
ଓଡ଼ିଶାରଯାଜପୁର ଜିଲ୍ଲାର ଚଣ୍ଡିଖୋଲରେପ୍ରସ୍ତାବିତ୪ ମିଲିୟନ...
