ଭୁବନେଶ୍ୱର: ଆଜି ଓଡ଼ିଶା ଆସୁଛନ୍ତି ଭାରତର ଉପରାଷ୍ଟ୍ରପତି ସିପି ରାଧାକୃଷ୍ଣନ। ତାଙ୍କର ଏହି ଦିନିକିଆ ଗସ୍ତ ସମୟରେ ଭୁବନେଶ୍ୱର ଓ କଟକରେ ଦୁଇଟି ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ରହିଛି। ଏଥିପାଇଁ ଉଭୟ ସହରରେ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି। ଉପରାଷ୍ଟ୍ରପତିଙ୍କ ସୁରକ୍ଷା ପାଇଁ ମୋଟ ୪୭ ପ୍ଲାଟୁନ୍ ପୋଲିସ ଫୋର୍ସ ଓ ୧୪୨ ସେକ୍ସନ୍ ପୋଲିସ କର୍ମଚାରୀ ମୁତୟନ ହେବେ ।
ସୂଚନା ଅନୁସାରେ, ଉପରାଷ୍ଟ୍ରପତି ସିପି ରାଧାକୃଷ୍ଣନ ସକାଳ ୯ଟା ୧୫ରେ ଭୁବନେଶ୍ୱର ବିମାନବନ୍ଦରରେ ପହଞ୍ଚିବେ। ସେଠାରୁ ସେ ମେ'ଫେୟାର ସାଙ୍କଚୁଆରୀ ଯାଇ ୧୭ତମ ଓଡ଼ିଶା ବିଧାନସଭାର ସଦସ୍ୟମାନଙ୍କ ପାଇଁ ଆୟୋଜିତ ଏକ ପ୍ରଶିକ୍ଷଣ କାର୍ଯ୍ୟକ୍ରମର ଉଦ୍ଘାଟନ କରିବେ।
ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ବିଧାନସଭାର କମିଟି ବ୍ୟବସ୍ଥା ଓ ଏହାର କାର୍ଯ୍ୟପ୍ରଣାଳୀ ସମ୍ପର୍କରେ ବିଧାୟକମାନଙ୍କୁ ଅବଗତ କରାଯିବ। ସଂସଦୀୟ କମିଟି ବ୍ୟବସ୍ଥା କିପରି କାର୍ଯ୍ୟ କରେ ଏବଂ ଓଡ଼ିଶା ବିଧାନସଭାରେ ଏହା କିପରି ଅନୁସରଣ କରାଯାଉଛି, ସେ ସମ୍ପର୍କରେ ଆଲୋଚନା ହେବ।
ବିଧାନସଭା ବାଚସ୍ପତି ସୁରମା ପାଢ଼ୀ କହିଛନ୍ତି ଯେ, ଏହି ପ୍ରଶିକ୍ଷଣ କାର୍ଯ୍ୟକ୍ରମ ବିଧାୟକମାନଙ୍କ ଜ୍ଞାନବୃଦ୍ଧିରେ ସହାୟକ ହେବ। ଏହା ଏକ ପାରମ୍ପରିକ ଜ୍ଞାନ ସମୃଦ୍ଧି କାର୍ଯ୍ୟକ୍ରମ ହୋଇଥିବାବେଳେ ଏହାର ଉଦ୍ଘାଟନ ପାଇଁ ଉପରାଷ୍ଟ୍ରପତି ସମ୍ମତି ପ୍ରଦାନ କରିଥିବାରୁ ସେ ତାଙ୍କୁ ଧନ୍ୟବାଦ ଜଣାଇଛନ୍ତି।
ଭୁବନେଶ୍ୱରର କାର୍ଯ୍ୟକ୍ରମ ଶେଷ କରି ଉପରାଷ୍ଟ୍ରପତି କଟକ ଗସ୍ତ କରିବେ। ମଧ୍ୟାହ୍ନ ୧୨ଟାରେ କଟକ ଜିଲ୍ଲାର ବିଦ୍ୟାଧରପୁରସ୍ଥିତ ଅରିଲୋଠାରେ ଥିବା ଶ୍ରୀ ଶ୍ରୀ ବିଶ୍ୱବିଦ୍ୟାଳୟର ନୂତନ ଆଇକନିକ୍ ଟାୱାରକୁ ଉଦ୍ଘାଟନ କରିବେ।
ଏହି କାର୍ଯ୍ୟକ୍ରମ ପରେ ଅପରାହ୍ନ ୨ଟା ୦୫ରେ ସ୍ୱତନ୍ତ୍ର ବିମାନ ଯୋଗେ ସେ ନୂଆଦିଲ୍ଲୀ ଫେରିଯିବେ ।
ଉପରାଷ୍ଟ୍ରପତିଙ୍କ ଗସ୍ତକୁ ନଜରରେ ରଖି ଭୁବନେଶ୍ୱର ଓ କଟକରେ ପୋଲିସ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ମୋଟ ୪୭ ପ୍ଲାଟୁନ୍ ପୋଲିସ ଫୋର୍ସ ସହ ୧୪୨ ସେକ୍ସନ୍ ପୋଲିସ କର୍ମଚାରୀ ନିୟୋଜିତ ହେବେ ।
ସୁରକ୍ଷା ଦାୟିତ୍ୱରେ ୧୫୧ ଜଣ ସବ୍-ଇନ୍ସପେକ୍ଟର ଓ ଆସିଷ୍ଟାଣ୍ଟ ସବ୍-ଇନ୍ସପେକ୍ଟର, ୪୭ ଜଣ ଇନ୍ସପେକ୍ଟର, ୩୧ ଜଣ ଏସିପି ଓ ଡିଏସ୍ପି, ୯ ଜଣ ଅତିରିକ୍ତ ଡିସିପି ଓ ଏସ୍ପି ଏବଂ ୫ ଜଣ ଡିସିପି ଓ ଏସ୍ପି ରହିବେ ।
ଏହା ସହିତ ଟ୍ରାଫିକ୍ ନିୟନ୍ତ୍ରଣ, ପାର୍କିଂ ବ୍ୟବସ୍ଥା, ଉପରାଷ୍ଟ୍ରପତିଙ୍କ କାରକେଡ୍ ଓ ବିକଳ୍ପ ରାସ୍ତା ପାଇଁ ସ୍ୱତନ୍ତ୍ର ଯୋଜନା କରାଯାଇଛି। ଯାତାୟାତ ସମୟରେ ସାଧାରଣ ଲୋକଙ୍କ ଯେପରି ଅସୁବିଧା ନହୁଏ, ସେଥିପ୍ରତି ମଧ୍ୟ ପୋଲିସ ପ୍ରଶାସନ ଧ୍ୟାନ ଦେଉଛି।
ଉଭୟ ସହରରେ ସୁରକ୍ଷା ଓ ଟ୍ରାଫିକ୍ ପରିଚାଳନା ଉପରେ ପୋଲିସର କଡ଼ା ନଜର ରହିଛି।
ନୂଆଦିଲ୍ଲୀ: ସଫଳତା ପାଇଁ ବଡ଼ ସହରରେ ଜନ୍ମ କିମ୍ବା ଦାମୀ ଇ...
ବେ ହାର୍ଦ୍ଦିକ ହାର୍ଦ୍ଦିକ ପାଣ୍ଡ୍ୟା ପୂର୍ବରୁ ମୁମ୍ବାଇ...
ସ୍ୟାଣ୍ଡପେପର୍ ବିବାଦରେ ପୁଣି ହଲଚଲ, କମିନ୍ସଙ୍କ ଦାବି ଉପର...
ପାକିସ୍ତାନ ବିପକ୍ଷରେ ଆର୍ଯ୍ୟବୀରଙ୍କ ଲଢ଼ୁଆ ଅର୍ଦ୍ଧଶତକ...
ନୂଆଦିଲ୍ଲୀ: ଚାର୍ଟାର୍ଡ ଆକାଉଣ୍ଟାନ୍ସି (CA) Final ନଭେମ୍...
ଭାରତୀୟ ସମ୍ବିଧାନ, ଆଇନ ଓ ମତପ୍ରକାଶର ସ୍ୱାଧୀନତାକୁ ନେଇ ଗ...
ରାଜସ୍ଥାନ: ରାଜସ୍ଥାନ ବୋର୍ଡର ଦଶମ ଓ ଦ୍ୱାଦଶ ଶ୍ରେଣୀର ୨୦୨...
IPL ଫର୍ମାଟ୍‌ରେ ପରିବର୍ତ୍ତନ ଚାହୁଁଛନ୍ତି ମୋହିତ ବର...