ଉତ୍ତରାଖଣ୍ଡରଉଧମ ସିଂହ ନଗର ଜିଲ୍ଲାର ୧୪ ବର୍ଷ ପୁରୁଣା ଏକ ମାମଲାପୁଣିଥରେ ରାଜନୈତିକ ଚର୍ଚ୍ଚାରେ ଆସିଛି। କାଶୀପୁରର ନ୍ୟାୟିକ ମାଜିଷ୍ଟ୍ରେଟ୍ ରାଜେନ୍ଦ୍ର କୁମାରଙ୍କ ଅଦାଲତ ଦୁଇ ଜଣ ବର୍ତ୍ତମାନର ବିଧାୟକଙ୍କ ସମେତ ୨୪ ଜଣ ଅଭିଯୁକ୍ତଙ୍କ ବିରୋଧରେ Non-Bailable Warrant ଜାରି କରିଛନ୍ତି। ପୁଲିସକୁ ଅଭିଯୁକ୍ତମାନଙ୍କୁ ଗିରଫ କରି ଅଦାଲତରେ ହାଜର କରିବାକୁ ନିର୍ଦ୍ଦେଶ ଦିଆଯାଇଛି।

ଏହି ମାମଲା୧୫ ଜୁଲାଇ ୨୦୧୨ର ଘଟଣା ସହ ଜଡିତ। ସେତେବେଳେ ଜସପୁର ଅଞ୍ଚଳରେ ଜଣେ ହିନ୍ଦୁ ଯୁବତୀ ଅନ୍ୟ ସମ୍ପ୍ରଦାୟର ଜଣେ ଯୁବକଙ୍କ ସହ ଚାଲିଯାଇଥିବା ଅଭିଯୋଗ ପରେ ତାଙ୍କୁ ଖୋଜିବା ଦାବିରେ ପ୍ରତିବାଦ ହୋଇଥିଲା। ପରେ କାଶୀପୁର-ଜସପୁର ଜାତୀୟ ରାଜପଥରେ ରାସ୍ତା ଅବରୋଧ କରାଯାଇଥିଲା। ପୁଲିସ ଏହି ଘଟଣାକୁ ନେଇ ମାମଲା ରୁଜୁ କରିଥିଲା।

FIRରେ ସେତେବେଳର BJP ନେତା ଓ ବିଧାୟକଙ୍କ ସମେତଆଦେଶ ଚୌହାନ, ଅରବିନ୍ଦ ପାଣ୍ଡେ, ରାଜକୁମାର ଠୁକ୍ରାଲ, ହରଭଜନ ସିଂହ ଚୀମା ଏବଂ ପୂର୍ବତନ ସାଂସଦ ବଲରାଜ ପାସୀଙ୍କ ନାମ ରହିଥିଲା। ମାମଲାରେ ରାଜପଥ ଅବରୋଧ, ସରକାରୀ କାର୍ଯ୍ୟରେ ବାଧା ଏବଂ ଧାର୍ମିକ ଭାବନାକୁ ଉତ୍ତେଜିତ କରିବା ସମ୍ପର୍କିତ ଧାରା ଲାଗିଥିଲା।

କାଶୀପୁରର ଅଦାଲତ୯ ଅକ୍ଟୋବର ୨୦୧୪ରେଚାର୍ଜସିଟ୍କୁ ଗ୍ରହଣ କରି ମାମଲାର ବିଚାର ଆରମ୍ଭ କରିଥିଲେ। ପରେ୨ ସେପ୍ଟେମ୍ବର ୨୦୧୯ରେଉତ୍ତରାଖଣ୍ଡ ସରକାର ମାମଲାଟି ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଥିଲା। ସେହି ଆଧାରରେ ଅଦାଲତରେ ଆବେଦନ ହୋଇଥିଲେ ମଧ୍ୟ ଟ୍ରାଏଲ୍ କୋର୍ଟ ଏହାକୁ ଖାରଜ କରିଥିଲେ। ଜିଲ୍ଲା ଓ ସେସନ୍ସ କୋର୍ଟରେ ମଧ୍ୟ ଅଭିଯୁକ୍ତମାନଙ୍କୁ ରାହାତ ମିଳିନଥିଲା।

ପରେ ମାମଲାଟି ଉତ୍ତରାଖଣ୍ଡ ହାଇକୋର୍ଟରେ ପହଞ୍ଚିଥିଲା।୧୪ ଅଗଷ୍ଟ ୨୦୨୬ରେଜଷ୍ଟିସ୍ ରବୀନ୍ଦ୍ର ମୈଠାଣୀଙ୍କ ଏକକ ଖଣ୍ଡପୀଠ ତଳ ଅଦାଲତର ଆଦେଶକୁ 

ଚ୍ୟାଲେଞ୍ଜ କରିଥିବା ଆବେଦନକୁ ଖାରଜ କରିଥିଲେ। ମାମଲାଟି ୨୦୧୨ର ହୋଇଥିବାରୁ ଏହାର ବିଚାର ଶୀଘ୍ର ଶେଷ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ।

ହାଇକୋର୍ଟଙ୍କ ନିର୍ଦ୍ଦେଶ ପରେ କାଶୀପୁର ଅଦାଲତ ସମସ୍ତ୨୪ ଅଭିଯୁକ୍ତଙ୍କ ବିରୋଧରେ NBWଜାରି କରିଛନ୍ତି। ଏହି ତାଲିକାରେ ବର୍ତ୍ତମାନର ଦୁଇ ବିଧାୟକ ମଧ୍ୟ ଅଛନ୍ତି। ମାମଲାର ପରବର୍ତ୍ତୀ ଆଇନଗତ ପ୍ରକ୍ରିୟା ଏବେ ଅଦାଲତର ନିର୍ଦ୍ଦେଶ ଅନୁସାରେ ଆଗକୁ ବଢ଼ିବ।