ଡିଜିଟାଲ ପେମେଣ୍ଟ ବ୍ୟବସ୍ଥାରେ ବଡ଼ ପରିବର୍ତ୍ତନ ଆସିପାରେ। କେନ୍ଦ୍ର ସରକାର ₹୨,୦୦୦ରୁ ଅଧିକ ବ୍ୟବସାୟିକ UPI ପେମେଣ୍ଟ ଉପରେ Merchant Discount Rate (MDR) ଲାଗୁ କରିବାକୁ ବିଚାର କରୁଛନ୍ତି।

ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ଉପସ୍ଥାପନ କରିଥିବାTaxation and Other Laws (Amendment) Billମାଧ୍ୟମରେ ଇଲେକ୍ଟ୍ରୋନିକ୍ ପେମେଣ୍ଟ ମୋଡ୍ ଉପରେ MDR ଲାଗୁ କରିବାର ବର୍ତ୍ତମାନର କଟକଣା ହଟାଇବା ପ୍ରସ୍ତାବ ରହିଛି।

କେଉଁ UPI ପେମେଣ୍ଟରେ ଲାଗିବ ଚାର୍ଜ?

ପ୍ରସ୍ତାବ ଅନୁଯାୟୀ,₹୨,୦୦୦ରୁ ଅଧିକ ବ୍ୟବସାୟିକ (Merchant) UPI ପେମେଣ୍ଟଉପରେ୦.୨୫%ରୁ ୦.୪୦% ପର୍ଯ୍ୟନ୍ତ MDRଲାଗିପାରେ।

ତେବେବ୍ୟକ୍ତିରୁ ବ୍ୟକ୍ତି (P2P) UPI ଟଙ୍କା ପଠାଇବାଉପରେ କୌଣସି ଚାର୍ଜ ଲାଗିବ ନାହିଁ।

୯୫% UPI କାରବାର ପୂର୍ବଭଳି ମାଗଣା

ସରକାରୀ ଆକଳନ ଅନୁଯାୟୀ, ₹୨,୦୦୦ର ସୀମା ଲାଗୁ ହେଲେ କେବଳ୫% UPI ଟ୍ରାଞ୍ଜାକ୍ସନ୍ଏହାର ପ୍ରଭାବରେ ଆସିବ। ଅର୍ଥାତ୍୯୫% UPI କାରବାର ସମ୍ପୂର୍ଣ୍ଣ ମାଗଣାରହିବ।

ଦୁଧ, ପନିପରିବା, ରାସନ ସାମଗ୍ରୀ କିଣିବା, ଅଟୋ କିମ୍ବା ଟ୍ୟାକ୍ସି ଭଡ଼ା ଭଳି ଦୈନନ୍ଦିନ ଛୋଟ ଛୋଟ ପେମେଣ୍ଟ ଉପରେ ଏହାର କୌଣସି ପ୍ରଭାବ ପଡ଼ିବ ନାହିଁ।

ସରକାର ଏପର୍ଯ୍ୟନ୍ତ ନେଇନାହାନ୍ତି ଚୂଡ଼ାନ୍ତ ନିଷ୍ପତ୍ତି

ସରକାରୀ ଅଧିକାରୀମାନେ ସ୍ପଷ୍ଟ କରିଛନ୍ତି ଯେ, MDR ଲାଗୁ କରିବା ନେଇଏପର୍ଯ୍ୟନ୍ତ କୌଣସି ଚୂଡ଼ାନ୍ତ ନିଷ୍ପତ୍ତି ହୋଇନାହିଁଏବଂ ଏହା କେବେଠାରୁ କାର୍ଯ୍ୟକାରୀ ହେବ ସେନେଇ ମଧ୍ୟ କୌଣସି ଘୋଷଣା କରାଯାଇନାହିଁ।

ବ୍ୟବସାୟୀ ଗ୍ରାହକଙ୍କ ଉପରେ ଭାର ପକାଇ ନପାରନ୍ତି

ଶିଳ୍ପ କ୍ଷେତ୍ରର ସୂତ୍ର ଅନୁଯାୟୀ, ଯଦି MDR ଲାଗୁ ହୁଏ ମଧ୍ୟ ଅନେକ ବ୍ୟବସାୟୀ ଏହି ଛୋଟ ଚାର୍ଜକୁ ଗ୍ରାହକଙ୍କ ଉପରେ ପକାଇବେ ନାହିଁ। ସରକାର MDRର ସର୍ବାଧିକ ସୀମା (Cap) ମଧ୍ୟ ନିର୍ଦ୍ଧାରଣ କରିପାରନ୍ତି।