ଆମେରିକାର ରାଷ୍ଟ୍ରପତି Donald Trump ଗୁରୁବାର ଏକ ଚମତ୍କାରକ ଦାବି କରି କହିଛନ୍ତି ଯେ ଇରାନର ନେତୃତ୍ୱ ତାଙ୍କୁ ସେହି ଦେଶର ପରବର୍ତ୍ତୀ ସୁପ୍ରିମ୍ ଲିଡର୍ କରିବା ପାଇଁ ପ୍ରସ୍ତାବ ଦେଇଥିଲା। କିନ୍ତୁ ସେ ଏହାକୁ ସଂପୂର୍ଣ୍ଣ ଭାବେ ଅସ୍ୱୀକାର କରି “ନାହିଁ, ଧନ୍ୟବାଦ” ବୋଲି କହିଥିବା ସୂଚନା ଦେଇଛନ୍ତି।
ଏକ ରିପବ୍ଲିକାନ୍ ଫଣ୍ଡରେଜର କାର୍ଯ୍ୟକ୍ରମରେ ଉଦ୍ବୋଧନ କରିବା ସମୟରେ ସେ କହିଥିଲେ ଯେ, “କୌଣସି ଦେଶର ମୁଖ୍ୟ ହେବାରୁ ଇରାନର ମୁଖ୍ୟ ହେବାକୁ ମୁଁ ସବୁଠାରୁ କମ୍ ଇଚ୍ଛା କରେ। ସେମାନେ ମୋତେ ସୁପ୍ରିମ୍ ଲିଡର୍ କରିବାକୁ ଚାହୁଁଥିଲେ, କିନ୍ତୁ ମୁଁ ସେଥିପାଇଁ ରାଜି ହେଉନି।”
ଏହି ଦାବି ସେତେବେଳେ ଆସିଛି ଯେତେବେଳେ ଆମେରିକା ଓ ଇରାନ ମଧ୍ୟରେ ପ୍ରାୟ ଗୋଟେ ମାସ ଧରି ଯୁଦ୍ଧ ସଦୃଶ ପରିସ୍ଥିତି ଚାଲିଛି। ଟ୍ରମ୍ପ କହିଛନ୍ତି ଯେ ଇରାନ ସହ ପରୋକ୍ଷ ଆଲୋଚନା ଚାଲିଛି ଏବଂ ସେମାନେ ଏକ ଚୁକ୍ତି ପାଇଁ ଆଗ୍ରହୀ ଅଛନ୍ତି, କିନ୍ତୁ ଦେଶୀୟ ପରିସ୍ଥିତିର ଭୟରୁ ସେମାନେ ସର୍ବସାଧାରଣଙ୍କ ସମ୍ମୁଖରେ କହିପାରୁନାହାନ୍ତି।
ଏହି ସମୟରେ ଇରାନ ପକ୍ଷରୁ ଏହି ଦାବିକୁ ସଂପୂର୍ଣ୍ଣ ଭାବେ ଖଣ୍ଡନ କରାଯାଇଛି। ଇରାନର ସେନା ପ୍ରକ୍ତା କହିଛନ୍ତି ଯେ ଏମିତି କୌଣସି ଆଲୋଚନା ହେଉନାହିଁ ଏବଂ ଆମେରିକା ସହ କୌଣସି ଚୁକ୍ତି କରିବା ପ୍ରସଙ୍ଗ ମଧ୍ୟ ନାହିଁ।
ଖବର ଅନୁଯାୟୀ, ଆମେରିକା ଇରାନକୁ ଏକ ୧୫-ଦଳିଆ ସିଜଫାୟର ପ୍ରସ୍ତାବ ପଠାଇଥିଲା, ଯେଉଁଥିରେ ଇରାନର ଆଣବିକ କାର୍ଯ୍ୟକ୍ରମ ବନ୍ଦ କରିବା ଓ ହେଜବୋଲା ପରି ସଂଗଠନକୁ ସମର୍ଥନ ବନ୍ଦ କରିବା ଅନ୍ତର୍ଭୁକ୍ତ ଥିଲା। କିନ୍ତୁ ଇରାନ ଏହାକୁ ଖଣ୍ଡନ କରି ନିଜର ଅଲଗା ପ୍ରସ୍ତାବ ରଖିଥିବା ସୂଚନା ମିଳିଛି।
ଏହି ସମସ୍ତ ଘଟଣା ମଧ୍ୟପୂର୍ବରେ ତଣାତଣିକୁ ଆହୁରି ବଢ଼ାଇଦେଇଛି ଓ ଆନ୍ତର୍ଜାତୀୟ ସ୍ତରରେ ଚିନ୍ତା ବୃଦ୍ଧି କରିଛି।
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ତାଳଚେରରେ ସୋମବାର ଏକ ଅଭାବନୀୟ ଓ ଦୁଃଖଦ ଘଟଣା ଘଟିଛି। ବ୍ର...
ଭାରତୀୟ ଖାଦ୍ୟ ସୁରକ୍ଷା ଓ ମାନକ ପ୍ରାଧିକରଣ (FSSAI) ଖାଦ୍...
ପ୍ରତିକୂଳ ପାଣିପାଗ ପରିସ୍ଥିତି କାରଣରୁ ସୋମବାର ଓଡ଼ିଶା ମୁ...
ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗିରଫ ହୋଇଥିବା ବାଲି...
ହାଇଦ୍ରାବାଦର କୁକଟପଲ୍ଲୀ ଅଞ୍ଚଳରେ ଥିବା ‘କ୍ଲବ୍ ମସ...
ଭାରତୀୟ ମୂଳର ମହିଳା ବର୍ଷା ଗୋହିଲଙ୍କ ଦୀର୍ଘ ୨୩ ବର୍ଷର ଆଇ...
ଏମ୍ବିବିଏସ୍ ଛାତ୍ରୀ ଚନ୍ଦ୍ରିକା ହେମ୍ବ୍ରମଙ୍କ ରହସ୍ୟଜନକ ମ...
