ଟାଟା ଗ୍ରୁପ୍ର ହୋଲ୍ଡିଂ କମ୍ପାନୀଟାଟା ସନ୍ସରେ ଦୀର୍ଘ ୬ ମାସ ଧରି ଚାଲିଥିବା ନେତୃତ୍ୱ ଦ୍ୱନ୍ଦ୍ୱର ଅନ୍ତ ଘଟିଛି। ଟାଟା ସନ୍ସର ଅଧ୍ୟକ୍ଷଏନ୍. ଚନ୍ଦ୍ରଶେଖରନତାଙ୍କ ବର୍ତ୍ତମାନ କାର୍ଯ୍ୟକାଳ ଶେଷ ହେବା ପରେ ଆଉ ଏକ ଟର୍ମ ପାଇଁ ଦାବି କରିବେ ନାହିଁ। ସେ୨୦ ଫେବୃଆରୀ ୨୦୨୭ପର୍ଯ୍ୟନ୍ତ ଅଧ୍ୟକ୍ଷ ଭାବେ ଦାୟିତ୍ୱରେ ରହିବେ।

ଚନ୍ଦ୍ରଶେଖରନଙ୍କ ପୁନଃନିଯୁକ୍ତି ପାଇଁ ସର୍ ଦୋରାବଜୀ ଟାଟା ଟ୍ରଷ୍ଟ ଓ ସର୍ ରତନ ଟାଟା ଟ୍ରଷ୍ଟ ସମର୍ଥନ କରିଥିଲେ। ଟାଟା ସନ୍ସର Nomination and Remuneration Committee ଏବଂ ବୋର୍ଡ ମଧ୍ୟ ଏହି ପ୍ରସ୍ତାବକୁ ସୁପାରିଶ କରିଥିଲେ। କିନ୍ତୁ୨୪ ଫେବୃଆରୀର ବୋର୍ଡ ବୈଠକରେ ଜଣେ ନିର୍ଦ୍ଦେଶକଙ୍କ ବିରୋଧ ପରେ ନିଷ୍ପତ୍ତି ଅଟକି ଯାଇଥିଲା।

ଏହି ବିବାଦ କେବଳ ଚନ୍ଦ୍ରଶେଖରନଙ୍କ ପୁନଃନିଯୁକ୍ତିକୁ ନେଇ ସୀମିତ ରହିନଥିଲା।ଟାଟା ସନ୍ସର IPO, ପୁଞ୍ଜି ବିନିଯୋଗ, ଆର୍ଥିକ ଶୃଙ୍ଖଳା, Air India ଓ Tata Digital ଭଳି ନୂଆ ବ୍ୟବସାୟର ପ୍ରଦର୍ଶନ, ବୋର୍ଡ ପ୍ରତିନିଧିତ୍ୱ ଏବଂ Tata Trustsର ଭୂମିକାମଧ୍ୟ ବଡ଼ ପ୍ରସଙ୍ଗ ହୋଇଥିଲା। Tata Trusts ଟାଟା ସନ୍ସର ପ୍ରାୟ ୬୬% ମାଲିକାନା ରଖିଛି।

ବିଶେଷକରିTata Sons IPOନେଇ ମତଭେଦ ତୀବ୍ର ହୋଇଥିଲା। RBI ଟାଟା ସନ୍ସକୁ ଏକUpper-Layer NBFCଭାବେ ବର୍ଗୀକୃତ କରିଥିବାରୁ ଏହାର listing ନେଇ ନିୟାମକୀୟ ପ୍ରଶ୍ନ ଉଠିଥିଲା। ଟାଟା ସନ୍ସ ପକ୍ଷରୁ ଋଣ କମାଇବା ଓ regulatory status ପରିବର୍ତ୍ତନ ପାଇଁ ପଦକ୍ଷେପ ନିଆଯାଇଥିଲେ ମଧ୍ୟ IPO ପ୍ରସଙ୍ଗ ଶେଷ ହୋଇନଥିଲା।

ଅନ୍ୟପଟେ,Air India ଓ BigBasket ଭଳି ବ୍ୟବସାୟରେ ବିନିଯୋଗ, କ୍ଷତି ଏବଂ capital allocationନେଇ ମଧ୍ୟ ବୋର୍ଡରେ ପ୍ରଶ୍ନ ଉଠିଥିଲା। Air Indiaର ପୁନର୍ଗଠନ ପାଇଁ ଟାଟା ଗ୍ରୁପ୍ ବଡ଼ ପରିମାଣରେ ନିବେଶ କରିଥିବାରୁ ଏହାରୁ କେବେ ଫଳ ମିଳିବ ଏବଂ ଆଉ କେତେ ନିବେଶ କରାଯିବ—ଏହା ମଧ୍ୟ ଚର୍ଚ୍ଚାର ବିଷୟ ହୋଇଥିଲା।

ଚନ୍ଦ୍ରଶେଖରନ କହିଛନ୍ତି ଯେ ଫେବୃଆରୀର ବୋର୍ଡ ବୈଠକ ପରଠାରୁ୬ ମାସ ହୋଇଥିଲେ ମଧ୍ୟ କୌଣସି ସମାଧାନ ବାହାରିପାରିନଥିଲା। ଏହି ସମୟରେ ଟାଟା ସନ୍ସର ଅନେକ ରଣନୀତିକ ପ୍ରକଳ୍ପ ଗୁରୁତ୍ୱପୂର୍ଣ୍ଣ ପର୍ଯ୍ୟାୟରେ ଥିବାରୁ ନେତୃତ୍ୱ ନେଇ ସ୍ପଷ୍ଟତା ଆବଶ୍ୟକ ବୋଲି ସେ କହିଛନ୍ତି।

ଏବେ ଟାଟା ସନ୍ସ ବୋର୍ଡକୁ ଚନ୍ଦ୍ରଶେଖରନଙ୍କ ଉତ୍ତରାଧିକାରୀ ଖୋଜିବାକୁ ପଡ଼ିବ। ସେ ଫେବୃଆରୀ ୨୦୨୭ ପର୍ଯ୍ୟନ୍ତ ଦାୟିତ୍ୱରେ ରହିବାରୁ କମ୍ପାନୀକୁ ଏକ ସୁଚାରୁleadership transitionପାଇଁ ସମୟ ମିଳିବ।