ଦିଲ୍ଲୀର ଜନ୍ତର ମନ୍ତରରେ **‘କୋକରୋଚ୍ ଜନତା ପାର୍ଟି’ (ସିଜେପି)**ର ଛାତ୍ର ଆନ୍ଦୋଳନ ସମୟରେ ପୋଲିସ ଲାଠିଚାର୍ଜ ଓ କାର୍ଯ୍ୟାନୁଷ୍ଠାନ ଘଟଣାକୁ ନେଇ ଦାଖଲ ହୋଇଥିବା ଜରୁରୀ ଶୁଣାଣି ଆବେଦନକୁ ସୁପ୍ରିମକୋର୍ଟ ଗ୍ରହଣ କରିବାକୁ ମନା କରିଛନ୍ତି।
ବୁଧବାର ଭାରତର ପ୍ରଧାନ ବିଚାରପତିସୂର୍ଯ୍ୟ କାନ୍ତଙ୍କ ନେତୃତ୍ୱାଧୀନ ବେଞ୍ଚ ସମ୍ମୁଖରେ ଜଣେ ଓକିଲ ଏହି ମାମଲାରେ ସ୍ୱତଃପ୍ରବୃତ୍ତ ହସ୍ତକ୍ଷେପ କରିବାକୁ ଅନୁରୋଧ କରିଥିଲେ। ତେବେ ବେଞ୍ଚ ଏହାକୁ ଅସ୍ୱୀକାର କରି କହିଥିଲେ,“ନିଜ ସମୟ ନଷ୍ଟ କରନ୍ତୁ ନାହିଁ ଏବଂ ଆମ ସମୟ ମଧ୍ୟ ନଷ୍ଟ କରନ୍ତୁ ନାହିଁ।”
ଶୁଣାଣି ସମୟରେ ଓକିଲ ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍, ପରୀକ୍ଷା ପରିଚାଳନା ଓ ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ)ର ସଂସ୍କାର ଦାବିରେ ଛାତ୍ରମାନଙ୍କ ଆନ୍ଦୋଳନ ଏବଂ ପୋଲିସ କାର୍ଯ୍ୟାନୁଷ୍ଠାନର ଭିଡିଓ ଦେଖାଇବାକୁ ଚାହୁଁଥିଲେ। ଏହାର ଉତ୍ତରରେ ପ୍ରଧାନ ବିଚାରପତି ସ୍ପଷ୍ଟ କରି କହିଥିଲେ,“ଆମେ ଭିଡିଓ ଦେଖିବାରେ ଆଗ୍ରହୀ ନୁହେଁ। ଆମ ପାଖରେ ଭିଡିଓ ଦେଖିବା ପାଇଁ ସମୟ ନାହିଁ।”
ଉଲ୍ଲେଖଯୋଗ୍ୟ ଯେ,ଜୁଲାଇ ୨୦ରେ ସିଜେପିର‘ସଂସଦ ଚଲୋ’କାର୍ଯ୍ୟକ୍ରମ ସମୟରେ ପୋଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଏଥିରେ ଅନେକ ଛାତ୍ର ଓ ପୋଲିସ କର୍ମଚାରୀ ଆହତ ହୋଇଥିବା ସୂଚନା ମିଳିଥିଲା।
ଏହାପୂର୍ବରୁ ଦିଲ୍ଲୀ ହାଇକୋର୍ଟ ମଧ୍ୟ ଏହି ମାମଲାରେ ଜରୁରୀ ଶୁଣାଣି ପାଇଁ ହୋଇଥିବା ଆବେଦନକୁ ଅସ୍ୱୀକାର କରି“କୋର୍ଟଙ୍କୁ ଏଥିରେ ଟାଣନ୍ତୁ ନାହିଁ”ବୋଲି ମନ୍ତବ୍ୟ ଦେଇଥିଲେ।
ବିଶ୍ୱକପ୍ ଫାଇନାଲରେ ସ୍ପେନ୍‌ ବିପକ୍ଷରେ ୦-୧ ଗୋଲରେ...
ଜାପାନରେ ପ୍ରବଳ ତାତି ଓ ଗ୍ରୀଷ୍ମ ପ୍ରବାହ ଜନଜୀବନକୁ ବିପର୍...
ଭାରତ ଓ ଜିମ୍ବାୱେ ମଧ୍ୟରେ ଜୁଲାଇ ୨୩ରୁ ଆରମ୍ଭ ହେବାକୁ ଥିବ...
ପାକିସ୍ତାନ ଗସ୍ତରେ ଥିବା କାନାଡାର ବୈଦେଶିକ ମନ୍ତ୍ରୀ ତଥା...
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ରୁ ୫ ତାରିଖ...
ଭାରତୀୟ କ୍ରିକେଟ୍ ଦଳର ପୂର୍ବତନ ଅଫ୍‌ ସ୍ପିନର ରବିଚନ...
ଗାଜା ଷ୍ଟ୍ରିପରେ ଇସ୍ରାଏଲ ବ୍ୟାପକ ଭାବେ ମାଟିର କାନ୍ଥ ନିର...
ଟେଷ୍ଟ ଓ ଟି-୨୦ ଆନ୍ତର୍ଜାତୀୟ କ୍ରିକେଟ୍ରୁ ସନ୍ନ୍ୟାସ ନେବା...
ପଶ୍ଚିମ ନେପାଳରେ ବୁଧବାର ପ୍ରତ୍ୟୁଷରେ ଏକ ମୃଦୁ ଭୂମିକମ୍ପ...
