ଦାରା ସିଂହଙ୍କ ଅକାଳ ମୁକ୍ତି ଆବେଦନକୁ ନେଇ ଓଡ଼ିଶା ସରକାରଙ୍କୁ ତାଗିଦ କରିଛନ୍ତି ସୁପ୍ରିମକୋର୍ଟ। ଆବେଦନର ସମୀକ୍ଷା ପ୍ରକ୍ରିୟାରେ ଅସ୍ୱାଭାବିକ ବିଳମ୍ବ ହେଉଥିବାରୁ ସର୍ବୋଚ୍ଚ ଅଦାଲତ ଅସନ୍ତୋଷ ପ୍ରକାଶ କରିଛନ୍ତି।
୧୯୯୯ ମସିହାରେ ଅଷ୍ଟ୍ରେଲୀୟ ମିଶନାରୀ ଗ୍ରାହାମ୍ ଷ୍ଟେନ୍ସ ଓ ତାଙ୍କର ଦୁଇ ପୁଅଙ୍କ ହତ୍ୟା ମାମଲାରେ ରବୀନ୍ଦ୍ର କୁମାର ପାଲ ଓରଫ ଦାରା ସିଂହ ଆଜୀବନ କାରାଦଣ୍ଡ ଭୋଗୁଛନ୍ତି। ସେ ୨୬ ବର୍ଷରୁ ଅଧିକ ସମୟ ଜେଲ୍ରେ ରହିବା ପରେ ତାଙ୍କ ଆଜୀବନ କାରାଦଣ୍ଡ କମାଇବା ଏବଂ ଅକାଳ ମୁକ୍ତି ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି।
ଜଷ୍ଟିସ୍ ମନୋଜ ମିଶ୍ର ଓ ଜଷ୍ଟିସ୍ ବିଜୟ ବିଷ୍ଣୋଇଙ୍କୁ ନେଇ ଗଠିତ ଖଣ୍ଡପୀଠ ପ୍ରଶ୍ନ କରିଛନ୍ତି ଯେ, ଦାରା ସିଂହ ୨୬ ବର୍ଷରୁ ଅଧିକ ସମୟ ଜେଲ୍ରେ ରହିଥିବା ସତ୍ତ୍ୱେ ସେଣ୍ଟେନ୍ସ ରିଭ୍ୟୁ ବୋର୍ଡ କାହିଁକି ଏପର୍ଯ୍ୟନ୍ତ ସମୀକ୍ଷା ପ୍ରକ୍ରିୟା ଶେଷ କରିନାହିଁ।
ଦାରା ସିଂହଙ୍କ ଜେଲ୍ରେ ଆଚରଣ ଓ ବ୍ୟବହାର ସମ୍ପର୍କିତ ରିପୋର୍ଟ ଡିଜି ପ୍ରିଜନ୍ସଙ୍କ ପକ୍ଷରୁ ପ୍ରସ୍ତୁତ ହୋଇ ସରକାରଙ୍କ ପାଖରେ ପହଞ୍ଚିଥିବା କୋର୍ଟଙ୍କୁ ଜଣାଇଥିଲା।
ତେବେ ସେଣ୍ଟେନ୍ସ ରିଭ୍ୟୁ ବୋର୍ଡର ସମ୍ପୂର୍ଣ୍ଣ ରିପୋର୍ଟ ଏପର୍ଯ୍ୟନ୍ତ ସୁପ୍ରିମକୋର୍ଟରେ ଦାଖଲ ହୋଇନାହିଁ। କିଛି ଆବଶ୍ୟକ ରେକର୍ଡ ଉପଲବ୍ଧ ନଥିବାରୁ ଅଧିକ ସମୟ ଦେବାକୁ ଓଡ଼ିଶା ସରକାର ପକ୍ଷରୁ ଅନୁରୋଧ କରାଯାଇଥିଲା।
ରିଭ୍ୟୁ ପ୍ରକ୍ରିୟାରେ ବିଳମ୍ବକୁ ନେଇ ଖଣ୍ଡପୀଠ ପ୍ରଶ୍ନ ଉଠାଇବା ପରେ ମାମଲାର ଶୁଣାଣି ସ୍ଥଗିତ ରଖାଯାଇଛି। ଆସନ୍ତା ସେପ୍ଟେମ୍ବର ୨ରେ ମାମଲାର ପରବର୍ତ୍ତୀ ଶୁଣାଣି ହେବ।
ଦାରା ସିଂହଙ୍କ ପକ୍ଷରୁ ସୁପ୍ରିମକୋର୍ଟ ଆଇନଜୀବୀ ଏପି ସିଂହ ମଧ୍ୟ ଶୁଣାଣି ସମୟରେ ଉପସ୍ଥିତ ଥିଲେ।
ଆଇନଜୀବୀ ଏପି ସିଂହଙ୍କ କହିବା ଅନୁସାରେ, ଦାରା ସିଂହ ଏବେ ୨୬ ବର୍ଷ ୮ ମାସ ଜେଲ୍ରେ କାଟିସାରିଛନ୍ତି ଏବଂ ପ୍ରାୟ ୨୭ ବର୍ଷ ପୂରଣ ହେବାକୁ ଯାଉଛି। ଏହି ପରିସ୍ଥିତିରେ ମାମଲାରେ ଆଉ ବିଳମ୍ବ ନହେବା ପାଇଁ କୋର୍ଟ ପକ୍ଷରୁ ଶେଷ ସୁଯୋଗ ଦିଆଯାଇଥିବା ସେ କହିଛନ୍ତି।
ଅଷ୍ଟ୍ରେଲୀୟ ଟେନିସ୍ ଖେଳାଳି ନିକ୍ କିର୍ଗିଓସ୍‌ଙ୍କୁ...
ଦକ୍ଷିଣ କୋରିଆ ଓ ଆମେରିକା ମଧ୍ୟରେ ହେଉଥିବା ବାର୍ଷିକ ମିଳି...
ଶ୍ରୀଲଙ୍କା ବିପକ୍ଷ ଗାଲେ ଟେଷ୍ଟରେ ମାନବ ସୁଥାରଙ୍କ ଚମତ୍କା...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ମାନବ ସୁଥାରଙ୍କ ଟେଷ୍ଟ କ୍ରିକେଟ୍ରେ ଚମତ୍କାର ଆରମ୍ଭ ପରେ ତ...
ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ମଙ୍ଗଳବାର ନ...
ଆମେରିକାରୁ ନିର୍ବାସିତ ହେଉଥିବା ୧,୨୦୦ ପର୍ଯ୍ୟନ୍ତ ବିଦେଶୀ...
ଗାଜାରେ ୫ ବର୍ଷୀୟ ପାଲେଷ୍ଟିନୀ ଶିଶୁ ହିନ୍ଦ ରଜବଙ୍କ ମୃତ୍ୟ...
ପ୍ରସିଦ୍ଧ ଖ୍ରୀଷ୍ଟିଆନ୍ ହେଭି ମେଟାଲ୍ ବ୍ୟାଣ୍ଡ Demon Hun...
