ଶିକ୍ଷକଙ୍କ ପ୍ରତି ସମ୍ମାନ ଓ କୃତଜ୍ଞତାର ଏକ ନିଆରା ଉଦାହରଣ ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲାର ବଣାଇ ଉପଖଣ୍ଡର ଗୋଗୁଆ ଗ୍ରାମରେ। ଦୀର୍ଘ ବର୍ଷ ଧରି ଛାତ୍ରଛାତ୍ରୀଙ୍କୁ ଶିକ୍ଷାଦାନ କରିବା ପରେ ଅବସର ନେଇଥିବା ୪ ଜଣ ଶିକ୍ଷକଙ୍କୁ ପୂର୍ବତନ ଛାତ୍ରଛାତ୍ରୀ, ଗ୍ରାମବାସୀ ଓ ସ୍କୁଲ ପରିବାର ପକ୍ଷରୁ ଭବ୍ୟ ବିଦାୟ ସମ୍ବର୍ଦ୍ଧନା ଦିଆଯାଇଛି।
ଅବସରପ୍ରାପ୍ତ ଶିକ୍ଷକମାନଙ୍କୁ ଫୁଲରେ ସଜାଯାଇଥିବା ଗାଡ଼ିରେ ବସାଇ ପ୍ରାୟ ୨୦ କିଲୋମିଟର ଦୀର୍ଘ ଶୋଭାଯାତ୍ରା କରାଯାଇଥିଲା। ଢୋଲ, ମହୁରୀ ଓ ପାରମ୍ପରିକ ବାଦ୍ୟଯନ୍ତ୍ରର ତାଳେ ଏହି ଶୋଭାଯାତ୍ରା ବିଭିନ୍ନ ଗ୍ରାମ ପରିକ୍ରମା କରିଥିଲା। ରାସ୍ତାରେ ଅନେକ ଲୋକ ଶିକ୍ଷକମାନଙ୍କୁ ସ୍ୱାଗତ ଜଣାଇ ତାଙ୍କ ପ୍ରତି ସମ୍ମାନ ପ୍ରଦର୍ଶନ କରିଥିଲେ।
ପୂର୍ବତନ ଛାତ୍ର ଦୁଷ୍ମନ୍ତ ସାହୁ କହିଛନ୍ତି ଯେ, ଗତ ତିନି ମାସ ମଧ୍ୟରେ ସ୍କୁଲର ସମସ୍ତ ବରିଷ୍ଠ ଶିକ୍ଷକ ଅବସର ନେଇଛନ୍ତି। ସେମାନଙ୍କ ବିଦାୟ ସହିତ ଗୋଗୁଆ ସ୍କୁଲର ଏକ ସ୍ୱର୍ଣ୍ଣିମ ଅଧ୍ୟାୟର ଅବସାନ ଘଟିଛି। ଏବେ ନୂଆ ପିଢ଼ିର ଶିକ୍ଷକମାନେ ସ୍କୁଲର ଦାୟିତ୍ୱ ସମ୍ଭାଳିବେ।
ଅବସରପ୍ରାପ୍ତ ଶାରୀରିକ ଶିକ୍ଷା ଶିକ୍ଷକ ପ୍ରଫୁଲ୍ଲ ସାହୁ କହିଛନ୍ତି, ଅବସର ପରେ ମଧ୍ୟ ସ୍କୁଲର ଆବଶ୍ୟକତା ପଡ଼ିଲେ ସେ ସବୁବେଳେ ସହଯୋଗ କରିବାକୁ ପ୍ରସ୍ତୁତ ରହିବେ। ସେ ଏହା ମଧ୍ୟ କହିଛନ୍ତି ଯେ, ସମ୍ପ୍ରତି ସ୍କୁଲର ଛାତ୍ରୀ ସୁଷ୍ମିତା ଭାରତୀୟ ହକି ଦଳ ପକ୍ଷରୁ ରାଞ୍ଚିରେ ଆୟୋଜିତ ଏକ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ।
ଶୋଭାଯାତ୍ରାର ଶେଷରେ ଶିକ୍ଷକମାନେ ବାଣେଶ୍ୱର ମନ୍ଦିରରେ ପହଞ୍ଚି ସ୍କୁଲର ଉନ୍ନତି, ଛାତ୍ରଛାତ୍ରୀଙ୍କ ଉଜ୍ଜ୍ୱଳ ଭବିଷ୍ୟତ ଏବଂ ସମୃଦ୍ଧି ପାଇଁ ପ୍ରାର୍ଥନା କରିଥିଲେ।
ଏହି ନିଆରା ବିଦାୟ ସମାରୋହ ସମାଜରେ ଶିକ୍ଷକଙ୍କ ପ୍ରତି ଥିବା ସମ୍ମାନ, ଭଲପାଇବା ଓ କୃତଜ୍ଞତାର ଏକ ଉତ୍କୃଷ୍ଟ ଉଦାହରଣ ଭାବେ ପ୍ରଶଂସା ସାଉଁଟିଛି।
ଟାଟା ମାଲିକାନାଧୀନJaguar Land Rover (JLR)ବ୍ରିଟେନ୍ରେ...
ଗୁରୁଗ୍ରାମରDLF Primus ପ୍ରକଳ୍ପକୁ ନେଇ ସୁପ୍ରିମକୋର୍ଟ କଡ...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ମାରୁତି ସୁଜୁକି କାର୍ କିଣିବାକୁ ଯୋଜନା କରୁଥିବା ଗ୍ରାହକଙ୍...
ବୀମା ପଲିସି କିଣିବା ପରେ ଅନେକ ଲୋକଙ୍କ ପାଇଁ ସବୁଠୁ ବଡ଼ ସ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
