ଭୁବନେଶ୍ୱରସ୍ଥିତ ପୁମାସ୍ ଇଣ୍ଟରନ୍ୟାସନାଲ ପରିସରରେ ଜୁଲାଇ ୧୯, ୨୦୨୬ ତାରିଖରେ ଆୟୋଜିତ ଖୋର୍ଦ୍ଧା ଜିଲ୍ଲା ଉଷୁ ଚାମ୍ପିଅନସିପ୍–୨୦୨୬ରେ ଏସ୍.ଏସ୍. ମାର୍ଶାଲ ଆର୍ଟସ୍ ସ୍କୁଲ ଐତିହାସିକ ସଫଳତା ହାସଲ କରିଛି। ସଂସ୍ଥା ପକ୍ଷରୁ ଅଂଶଗ୍ରହଣ କରିଥିବା ଖେଳାଳିମାନେ ଉଲ୍ଲେଖନୀୟ ପ୍ରଦର୍ଶନ କରି ଚାମ୍ପିଅନ୍ ଟ୍ରଫି ସହ ‘ମୋଷ୍ଟ ପ୍ରମିସିଂ ଟିମ୍’ ଟ୍ରଫି ହାସଲ କରିଛନ୍ତି।

ଏସ୍.ଏସ୍. ମାର୍ଶାଲ ଆର୍ଟସ୍ ସ୍କୁଲର ୩୫ ଜଣ ଖେଳାଳି ପ୍ରତିଯୋଗିତାରେ ଭାଗ ନେଇଥିବା ବେଳେ ସେମାନେ ସର୍ବମୋଟ ୩୧ଟି ପଦକ ଜିତିବାରେ ସକ୍ଷମ ହୋଇଛନ୍ତି। ସେଥିମଧ୍ୟରେ ୧୬ଟି ସ୍ୱର୍ଣ୍ଣ, ୧୦ଟି ରୌପ୍ୟ ଏବଂ ୫ଟି କାଂସ୍ୟ ପଦକ ରହିଛି।

ଦଳର ଏହି ସଫଳତା ପଛରେ ମୁଖ୍ୟ ପ୍ରଶିକ୍ଷକ ସିଦ୍ଧାର୍ଥ କୁମାର ସାହୁଙ୍କ ନେତୃତ୍ୱ ଓ ପ୍ରଶିକ୍ଷଣ ଏବଂ ଟିମ୍ ମ୍ୟାନେଜର ଚିନ୍ମୟ ପୃଷ୍ଟିଙ୍କ ତତ୍ତ୍ୱାବଧାନ ଉଲ୍ଲେଖନୀୟ ରହିଛି। ସେମାନଙ୍କ ମାର୍ଗଦର୍ଶନରେ ଖେଳାଳିମାନେ ଚମତ୍କାର ପ୍ରଦର୍ଶନ କରି ଏହି ଗୌରବମୟ ସଫଳତା ହାସଲ କରିଛନ୍ତି।

ସ୍ୱର୍ଣ୍ଣ ପଦକ ବିଜେତା:

ସୌଦାମିନୀ ପୃଷ୍ଟି, ଓମ୍ ସତ୍ୟମେଧା ଜେନା, ନାଓମିକା ଦାସମହାପାତ୍ର, ବିଦିଶା କହଁର, ପ୍ରାଶି ମହାନ୍ତି, ଦିବ୍ୟଜ୍ୟୋତି ନାୟକ, ଅମିତ କୁମାର ନାୟକ, ବିୃନ୍ଦା ରାୱତ, ସନ୍ଧ୍ୟା ସାହୁ, ଶୁଭମ ଆଚାର୍ଯ୍ୟ, ସୌମ୍ୟଜିତ ପ୍ରଧାନ, ଶୁଭ ସଙ୍କେତ ମିଶ୍ର, ନୀତିଶ କୁମାର ବୋଇତି, ଦିବ୍ୟଦର୍ଶିନୀ ନାୟକ, ଦିବ୍ୟାଙ୍କ ନାୟକ ଓ ଜାହ୍ନବୀ ରଥ ଶର୍ମା।

ରୌପ୍ୟ ପଦକ ବିଜେତା:

ରୁଦ୍ର ପ୍ରସାଦ ପରିଡା, ମିଭାନ ରଥ, ସମ୍ପୂର୍ଣ୍ଣା ମିଶ୍ର, ସମୃଦ୍ଧି ମିଶ୍ର, ଆଶୁତୋଷ ସ୍ୱାଇଁ, ଗଣେଶ ଦାସ, ଆଗମନ ମହାନ୍ତି, ଆର୍ଭି ଶ୍ରୀଚନ୍ଦନ, କାମେଶ ପ୍ରଧାନ ଓ ସୁବ୍ରତ ଗୋଛାୟତ।

କାଂସ୍ୟ ପଦକ ବିଜେତା:

ସ୍ୱସ୍ତିକା ପ୍ରିୟଦର୍ଶିନୀ, ଆୟୁଷ୍ମାନ ଗୁରୁବଂଶୀ ସାହୁ, ସୌର୍ୟଜିତ୍ ପଟ୍ଟନାୟକ, ଶ୍ରେୟାଂଶ ସାହୁ ଏବଂ ରାଜେଶ ମହାରଣା।

ଏହି ପ୍ରତିଯୋଗିତାରେ ଓଡ଼ିଶା ଅଲିମ୍ପିକ୍ ଆସୋସିଏସନ୍ର ସଭାପତି ଶ୍ରୀ ସମୀର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ବିଜେତା ଖେଳାଳିମାନଙ୍କୁ ପଦକ ଓ ଟ୍ରଫି ପ୍ରଦାନ କରିବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ଶୁଭେଚ୍ଛା ଜଣାଇଥିଲେ।

ଏହି ସଫଳତା ପରେ ଏସ୍.ଏସ୍. ମାର୍ଶାଲ ଆର୍ଟସ୍ ସ୍କୁଲର ଖେଳାଳି, ପ୍ରଶିକ୍ଷକ, ଅଭିଭାବକ ଏବଂ ଶୁଭେଚ୍ଛୁମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।