ନୂଆଦିଲ୍ଲୀର **ଯଶୋଭୂମି (India International Convention & Expo Centre)**ରେ ଆଜି, ସେପ୍ଟେମ୍ବର ୧୭ରୁ ସେମିକନ୍ ଇଣ୍ଡିଆ ୨୦୨୬ର ପଞ୍ଚମ ସଂସ୍କରଣ ଆରମ୍ଭ ହେଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାର ଉଦ୍‌ଘାଟନ କରିବେ। ତିନିଦିନିଆ ଏହି ସମ୍ମିଳନୀ ଓ ପ୍ରଦର୍ଶନୀ ସେପ୍ଟେମ୍ବର ୧୭ରୁ ୧୯ ପର୍ଯ୍ୟନ୍ତ ଚାଲିବ। ଚଳିତ ବର୍ଷର ଥିମ୍‌ ରହିଛି ‘Silicon to Systems: Building the Ecosystem’।

ସେମିକନ୍ ଇଣ୍ଡିଆ ୨୦୨୬ରେ ୬୦୦ରୁ ଅଧିକ କମ୍ପାନୀ ଅଂଶଗ୍ରହଣ କରୁଥିବା ବେଳେ ୫୨ଟି ଦେଶର ପ୍ରତିନିଧି ଯୋଗଦେବେ। ଏହା ସହ ୪୦୦ରୁ ଅଧିକ ବରିଷ୍ଠ ଅଧିକାରୀ ଏବଂ ୧୫୦ରୁ ଅଧିକ ବକ୍ତା ସମ୍ମିଳନୀରେ ସାମିଲ ହେବେ। ପ୍ରାୟ ୫୦ ହଜାର ଦର୍ଶକ ଏହି କାର୍ଯ୍ୟକ୍ରମକୁ ଆସିବାର ଆଶା ରହିଛି।

ଏହି ସଂସ୍କରଣରେ ଜାପାନ, ଦକ୍ଷିଣ କୋରିଆ, ମାଲେସିଆ, ନେଦରଲ୍ୟାଣ୍ଡ, ସିଙ୍ଗାପୁର ଓ ସ୍ୱିଡେନ୍‌ର ଛଅଟି କଣ୍ଟ୍ରି ପ୍ୟାଭିଲିୟନ୍ ରହିବ। ଏହା ସହ ୧୨ଟି ରାଜ୍ୟର ଷ୍ଟଲ୍‌, ଷ୍ଟାର୍ଟଅପ୍ ପ୍ୟାଭିଲିୟନ୍‌, ଇନୋଭେସନ୍ ଶୋକେସ୍‌, ଷ୍ଟୁଡେଣ୍ଟ ହ୍ୟାକାଥନ୍ ଓ ୱର୍କଫୋର୍ସ ଡେଭଲପମେଣ୍ଟ ପ୍ୟାଭିଲିୟନ୍‌ ମଧ୍ୟ ରହିବ।

ସମ୍ମିଳନୀରେ ଭାରତର ସେମିକଣ୍ଡକ୍ଟର ଇକୋସିଷ୍ଟମ୍‌ର ବିଭିନ୍ନ ଦିଗ ଉପରେ ଆଲୋଚନା ହେବ। ସେମିକଣ୍ଡକ୍ଟର ସାମଗ୍ରୀ, ଉପକରଣ, ଚିପ୍ ଡିଜାଇନ୍‌, ଫ୍ୟାବ୍ରିକେସନ୍‌, ଆଡଭାନ୍ସଡ୍ ପ୍ୟାକେଜିଂ, ଇଲେକ୍ଟ୍ରୋନିକ୍ସ ଓ ସିଷ୍ଟମ୍‌ ପର୍ଯ୍ୟନ୍ତ ସମଗ୍ର ଭାଲ୍ୟୁ ଚେନ୍‌କୁ ପ୍ରଦର୍ଶିତ କରାଯିବ।

ଏହା ସହ ଡିସ୍‌ପ୍ଲେ ଶିଳ୍ପର ଅଗ୍ରଗତି ଉପରେ ସମାନ୍ତରାଳ ଅଧିବେଶନ, ଅନ୍ତର୍ଜାତୀୟ ରାଉଣ୍ଡଟେବୁଲ୍‌ ବୈଠକ ଏବଂ ମହିଳା ନେତୃତ୍ୱ ଉପରେ ଫୋରମ୍‌ ଆୟୋଜନ କରାଯିବ। ଦେଶ ଓ ବିଦେଶର କମ୍ପାନୀ, ନିବେଶକ, ଗବେଷକ, ଷ୍ଟାର୍ଟଅପ୍‌, ଶିକ୍ଷାନୁଷ୍ଠାନ ଓ ନୀତି ନିର୍ମାତାଙ୍କୁ ଏକାଠି କରି ସହଯୋଗ, ନିବେଶ, ନବସୃଜନ ଓ ପ୍ରତିଭା ବିକାଶକୁ ଆଗକୁ ବଢ଼ାଇବା ଏହି ସମ୍ମିଳନୀର ମୁଖ୍ୟ ଲକ୍ଷ୍ୟ।

ସେମିକନ୍ ଇଣ୍ଡିଆ ୨୦୨୬ ମାଧ୍ୟମରେ ‘Sand to Silicon to Systems’ ଭାଲ୍ୟୁ ଚେନ୍‌କୁ ମଧ୍ୟ ପ୍ରଦର୍ଶନ କରାଯାଉଛି। ଏହା ଭାରତରେ ସେମିକଣ୍ଡକ୍ଟର ଡିଜାଇନ୍‌ଠାରୁ ଆରମ୍ଭ କରି ଉତ୍ପାଦନ, ପ୍ୟାକେଜିଂ ଓ ଇଲେକ୍ଟ୍ରୋନିକ୍ସ ସିଷ୍ଟମ୍‌ ପର୍ଯ୍ୟନ୍ତ ଏକ ବ୍ୟାପକ ଇକୋସିଷ୍ଟମ୍‌ ଗଠନ ଉପରେ ଗୁରୁତ୍ୱ ଦେଉଛି।