ନୂଆଦିଲ୍ଲୀ: ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (SBI) ସହ ଜଡ଼ିତ ଗ୍ରାହକ ତଥ୍ୟ ଡାର୍କ ୱେବ୍‌ରେ ଉପଲବ୍ଧ ହୋଇଥିବା ଅଭିଯୋଗକୁ ନେଇ ତଦନ୍ତ କରୁଛି। ପ୍ରାଥମିକ ଭାବେ ପ୍ରାୟ ୩.୭୫ ଲକ୍ଷ ରେକର୍ଡର ବିଶ୍ଳେଷଣ କରାଯାଇଥିବା ବେଳେ, ସେଥିରୁ ୩,୮୯୭ଟି ରେକର୍ଡରେ ବ୍ୟକ୍ତିଗତ ପରିଚୟ ସମ୍ବନ୍ଧୀୟ ତଥ୍ୟ (PII) ଥିବା ଚିହ୍ନଟ ହୋଇଛି।

ରିପୋର୍ଟ ଅନୁସାରେ, ସନ୍ଦେହଜନକ ତଥ୍ୟ ଫାଶ ଘଟଣା ସମ୍ପର୍କରେ SBIକୁ ଅକ୍ଟୋବର ୧୬ରେ ଏହାର Threat Intelligence Service Provider, Defence Cyber Agency ଏବଂ CERT-In ପକ୍ଷରୁ ସୂଚନା ମିଳିଥିଲା। ଏହାପରେ ବ୍ୟାଙ୍କ ନିଜର cyber-incident response ଏବଂ containment protocol ସକ୍ରିୟ କରିଥିଲା। ଘଟଣାର ପ୍ରକୃତି ଓ ପରିସର ଜାଣିବା ପାଇଁ ଏକ ସ୍ୱାଧୀନ CERT-In-empanelled cybersecurity agencyକୁ ମଧ୍ୟ ନିୟୋଜିତ କରାଯାଇଛି।

ପ୍ରାଥମିକ ଭାବେ ଚିହ୍ନଟ ତଥ୍ୟ ମଧ୍ୟରେ ଗ୍ରାହକଙ୍କ ନାମ, ମୋବାଇଲ୍ ନମ୍ବର, ଜନ୍ମତାରିଖ, ଲିଙ୍ଗ, ଇ-ମେଲ୍ ଠିକଣା, ଆବାସିକ ଠିକଣା, ବ୍ରାଞ୍ଚ ଓ Customer Information File (CIF) ସମ୍ବନ୍ଧୀୟ ତଥ୍ୟ ଏବଂ loan/lead records ସହ ଜଡ଼ିତ metadata ଥିବା ରିପୋର୍ଟ ହୋଇଛି।

ତେବେ ଏହି ପର୍ଯ୍ୟାୟରେ ଆକାଉଣ୍ଟ ବ୍ୟାଲାନ୍ସ, transaction history, card details କିମ୍ବା login credentials ଲିକ୍ ହୋଇଥିବାର ପୁଷ୍ଟି ମିଳିନାହିଁ। SBI କହିଛି ଯେ ଏହି ଘଟଣାରେ ବ୍ୟାଙ୍କର core business operations, financial performance କିମ୍ବା business continuity ଉପରେ କୌଣସି ବଡ଼ ପ୍ରଭାବ ପଡ଼ିନାହିଁ ଏବଂ ଆବଶ୍ୟକ corrective ଓ preventive measures ନିଆଯାଉଛି।

ଘଟଣାର ସମ୍ପୂର୍ଣ୍ଣ ସତ୍ୟତା, ତଥ୍ୟର ଉତ୍ସ, କେତେ ପରିମାଣରେ ତଥ୍ୟ ପ୍ରଭାବିତ ହୋଇଛି ଏବଂ ଗ୍ରାହକଙ୍କ ପାଇଁ କେତେ ଝୁମ୍ପ ରହିଛି—ସେସବୁ ନେଇ ତଦନ୍ତ ଜାରି ରହିଛି। ତେଣୁ ଏହି ଘଟଣାକୁ ନେଇ ଅନ୍ତିମ ଚିତ୍ର ତଦନ୍ତ ଶେଷ ହେବା ପରେ ହିଁ ସ୍ପଷ୍ଟ ହେବ।