ଘରର ଫ୍ରିଜ୍‌, AC ଓ ୱାସିଂ ମେସିନ୍‌ ଏଣିକି କେବଳ ସାଧାରଣ ଗୃହପୋଯୋଗୀ ଉପକରଣ ନୁହେଁ। କୃତ୍ରିମ ବୁଦ୍ଧିମତ୍ତା (AI) ଓ ସ୍ମାର୍ଟ କନେକ୍ଟିଭିଟି ଜରିଆରେ ଏଗୁଡ଼ିକ ଘରର ଦୈନନ୍ଦିନ କାମକୁ ଅଧିକ ସ୍ୱୟଂଚାଳିତ କରିବା ଦିଗରେ ଆଗକୁ ବଢ଼ୁଛି। ସାମସଙ୍ଗ ଭାରତରେ ନୂଆ Bespoke AI 2026 ଆପ୍ଲାଏନ୍ସ ଲାଇନ୍‌ଅପ୍ ଘୋଷଣା କରିଛି।

ଫ୍ରିଜ୍‌ ଦେବ ଖାଦ୍ୟ ଓ ରେସିପି ସୂଚନା

ନୂଆ Bespoke AI Family Hub ଫ୍ରିଜ୍‌ରେ AI Vision ଓ AI Food Manager ଫିଚର୍ ରହିଛି। ଏହା ନିର୍ଦ୍ଦିଷ୍ଟ ଖାଦ୍ୟ ସାମଗ୍ରୀ ଚିହ୍ନଟ କରିବା, ଫୁଡ୍ ଲିଷ୍ଟ ଅପଡେଟ୍ କରିବା ଏବଂ କିଛି ଖାଦ୍ୟର ‘use-by’ ତାରିଖ ମ୍ୟାନେଜ୍ କରିବାରେ ସହାୟତା କରେ। ଏହା ସହିତ ଉପଲବ୍ଧ ସାମଗ୍ରୀ ଆଧାରରେ ରେସିପି ପରାମର୍ଶ ମଧ୍ୟ ଦେଇପାରେ।

ୱାସିଂ ମେସିନ୍‌ ନିଜେ ଚିହ୍ନଟ କରିବ କପଡ଼ା

Bespoke AI Laundry Comboର AI Wash & Dry ଫିଚର୍ ଲଣ୍ଡ୍ରିର ଓଜନ ଚିହ୍ନଟ କରି ପାଣି ଓ ଡିଟରଜେଣ୍ଟର ଆବଶ୍ୟକତା ଅନୁସାରେ ସାଇକେଲ୍‌କୁ ଆଡଜଷ୍ଟ କରେ। ଏହା କପଡ଼ାର ପ୍ରକାର ଓ ମଇଳାର ସ୍ତର ମଧ୍ୟ ଚିହ୍ନଟ କରିପାରେ। ଏହା ଅନୁଯାୟୀ ୱାଶ୍ ଓ ଡ୍ରାଇଂ ପ୍ରକ୍ରିୟାକୁ ଅପ୍ଟିମାଇଜ୍ କରାଯାଏ।

ଆପଣଙ୍କ ଅଭ୍ୟାସ ଅନୁସାରେ ACର କୁଲିଂ

ନୂଆ Bespoke AI WindFree ACରେ AI ଆଧାରିତ କୁଲିଂ ଫିଚର୍ ରହିଛି। ଏହା ଘରର ପରିବେଶ, ବ୍ୟବହାର ପ୍ୟାଟର୍ନ ଓ ବ୍ୟବହାରକାରୀଙ୍କ ପସନ୍ଦକୁ ବିଚାର କରି କୁଲିଂକୁ ଆଡଜଷ୍ଟ କରିପାରେ। Fast Cooling ପରେ ଆବଶ୍ୟକତା ଅନୁସାରେ WindFree କିମ୍ବା Dry Comfort ମୋଡ୍‌କୁ ପରିବର୍ତ୍ତନ କରିବାର ସୁବିଧା ମଧ୍ୟ ରହିଛି।

Samsung ଅନୁସାରେ, ୨୦୨୬ Bespoke AI WindFree ACର AI Energy Mode ଦ୍ୱାରା ନିର୍ଦ୍ଦିଷ୍ଟ ପରିସ୍ଥିତିରେ ୩୦% ପର୍ଯ୍ୟନ୍ତ ଏନର୍ଜି ସେଭିଂ ହୋଇପାରେ। ତେବେ ପ୍ରକୃତ ସଞ୍ଚୟ ବ୍ୟବହାର ପ୍ୟାଟର୍ନ ଓ ପରିସ୍ଥିତି ଉପରେ ନିର୍ଭର କରିବ।

SmartThingsରେ ଏକାଠି ହେବ ସବୁ ଉପକରଣ

Samsungର SmartThings ଇକୋସିଷ୍ଟମ୍‌ ମାଧ୍ୟମରେ ସମର୍ଥିତ ଆପ୍ଲାଏନ୍ସଗୁଡ଼ିକୁ ସ୍ମାର୍ଟଫୋନ୍‌ରୁ ନିୟନ୍ତ୍ରଣ ଓ ମନିଟର୍ କରିହେବ। AI Energy Mode ମାଧ୍ୟମରେ ଶକ୍ତି ବ୍ୟବହାରକୁ ମଧ୍ୟ ଟ୍ରାକ୍ କରିପାରିବେ।

ସୁରକ୍ଷା ପାଇଁ Samsung Knox

ସ୍ମାର୍ଟ ହୋମ୍ ଉପକରଣଗୁଡ଼ିକରେ Samsung Knox ସୁରକ୍ଷା ବ୍ୟବସ୍ଥା ମଧ୍ୟ ଦିଆଯାଇଛି। Samsung କହିଛି, Knox ଏହି କନେକ୍ଟେଡ୍ ଡିଭାଇସ୍ ଓ ବ୍ୟକ୍ତିଗତ ତଥ୍ୟକୁ ସୁରକ୍ଷିତ ରଖିବା ପାଇଁ ବହୁସ୍ତରୀୟ ସୁରକ୍ଷା ପ୍ରଦାନ କରେ।