ଗଞ୍ଜାମରେ ଲଗାଣ ବର୍ଷା ଯୋଗୁଁ ଋଷିକୁଲ୍ୟା ନଦୀ ସମେତ ବିଭିନ୍ନ ନଦୀର ଜଳସ୍ତର ବଢ଼ୁଛି। ଋଷିକୁଲ୍ୟାର ଉପନଦୀଗୁଡ଼ିକରେ ଜଳପ୍ରବାହ ବଢ଼ିବାରୁ ନଦୀର ଜଳସ୍ତର ମଧ୍ୟ ଦ୍ରୁତ ବଢ଼ିଛି। ଏହାକୁ ନେଇ ନଦୀକୂଳିଆ ଗାଁଗୁଡ଼ିକରେ ଚିନ୍ତା ବଢ଼ିଛି।
ପୁରୁଷୋତ୍ତମପୁରରେ ଶୁକ୍ରବାର ସକାଳେ ଋଷିକୁଲ୍ୟା ନଦୀର ଜଳସ୍ତର ୧୬.୫୧୦ ମିଟର ରେ ପହଞ୍ଚିଥିଲା। ଏଠାରେ ବିପଦ ସଙ୍କେତ ୧୬.୮୩୫ ମିଟର ରହିଛି। ଅର୍ଥାତ୍ ନଦୀର ଜଳସ୍ତର ବିପଦ ସଙ୍କେତଠାରୁ ମାତ୍ର ୦.୩୨୫ ମିଟର ତଳେ ରହିଛି।
କେନ୍ଦ୍ରୀୟ ଜଳ ଆୟୋଗ (CWC)ର ପୁରୁଷୋତ୍ତମପୁର ଅବଜର୍ଭର କେ. ସୁକାନ୍ତ ରେଡ୍ଡୀଙ୍କ କହିବା ଅନୁସାରେ, ଜଳସ୍ତର ଲଗାତାର ବଢ଼ୁଛି। ଯଦି ଏହା ବିପଦ ସଙ୍କେତ ଅତିକ୍ରମ କରେ, ତେବେ ନିକଟସ୍ଥ ନିମ୍ନାଞ୍ଚଳରେ ପାଣି ପଶିବାର ସମ୍ଭାବନା ରହିଛି।
ଅନ୍ୟପଟେ ଋଷିକୁଲ୍ୟା ସହ ବଡ଼ନଦୀ, ବାଘୁଆ ଓ ଘୋଡ଼ାହାଡ଼ ନଦୀର ଜଳସ୍ତର ମଧ୍ୟ ବଢ଼ିଛି। ଜନିବିଲି ଆନିକଟ୍ରେ ଋଷିକୁଲ୍ୟାର ବିପଦ ସଙ୍କେତ ୧୪ ଫୁଟ୍ ଥିବାବେଳେ ରାତିରେ ଜଳସ୍ତର ୧୩ ଫୁଟ୍ ୪ ଇଞ୍ଚରେ ପହଞ୍ଚିଥିଲା। ଆସିକାରେ ମଧ୍ୟ ନିମ୍ନାଞ୍ଚଳର କିଛି ସ୍ଥାନକୁ ନଦୀଜଳ ପଶିଥିବା ରିପୋର୍ଟ ହୋଇଛି।
ବର୍ଷାଜନିତ ପରିସ୍ଥିତିକୁ ନେଇ ପ୍ରଶାସନ ନଦୀଗୁଡ଼ିକର ଜଳସ୍ତର ଉପରେ ନଜର ରଖିଛି। ପୂର୍ବରୁ ଗଞ୍ଜାମରେ ଭାରୀ ବର୍ଷା ପାଇଁ ବନ୍ୟା ଆଶଙ୍କା ନେଇ ସତର୍କତା ଜାରି ହୋଇଥିଲା।
ଉତ୍ତରପ୍ରଦେଶର ସରକାରୀ ସ୍କୁଲଗୁଡ଼ିକର ମୌଳିକ ଭିତ୍ତିଭୂମିକ...
କେରଳର ପ୍ରସିଦ୍ଧସାବରୀମାଲା ଶ୍ରୀ ଆୟପ୍ପା ମନ୍ଦିରର ସୁନା ମ...
ନିର୍ବାଚନ ଆୟୋଗକୁ ନେଇ କଂଗ୍ରେସ ନେତା ରାହୁଲ ଗାନ୍ଧିଙ୍କ ଅ...
ଉତ୍ତରପ୍ରଦେଶରେ ଚିକିତ୍ସା କ୍ଷେତ୍ରରେ ଭାରତୀୟ ଭାଷାର ବ୍ୟବ...
Tamil Naduର high-profile R Veeramani POCSO case ଏବ...
ନିର୍ବାଚନ ଆୟୋଗକୁ ନେଇ ଚାଲିଥିବା ବିବାଦ ମଧ୍ୟରେ କେନ୍ଦ୍ରମ...
IIT ବମ୍ବେର ଦ୍ୱିତୀୟ ବର୍ଷର BTech ଛାତ୍ର ସାହିଲ ୱାକୋଡେଙ...
ସିକ୍କିମର ଗ୍ୟାଲସିଂ ଜିଲ୍ଲାର ରିମ୍ବି ଗାଁରେ ପ୍ରକୃତିର ତା...
ନିର୍ବାଚନ ଜିତିବା ପରେ ଦଳ ପରିବର୍ତ୍ତନ କରିଥିବା ନେତାଙ୍କ...
ଆର୍ଡି ଗ୍ରୁପ୍‌ର ଦୀର୍ଘଦିନର ପରିବାରିକ ବିବାଦର ସମାଧ...
