ଅକ୍ଟୋବର ୧, ୨୦୨୬ରୁ ବ୍ୟାଙ୍କରେ ବଡ଼ ଅଙ୍କର ଫିକ୍ସଡ୍ ଡିପୋଜିଟ୍‌ ବା Bulk Deposit କରୁଥିବା ଗ୍ରାହକଙ୍କ ପାଇଁ RBIର ସଂଶୋଧିତ ନିୟମ ଲାଗୁ ହେବ। RBI ଜୁଲାଇ ୩୦ରେ ଜାରି କରିଥିବା ଏହି Amendment Directionsରେ ଡିପୋଜିଟ୍ ସୁଧ ହାର ପ୍ରକାଶ ଓ Bulk Depositର ମୂଲ୍ୟ ନିର୍ଦ୍ଧାରଣ ସମ୍ପର୍କିତ ନିୟମ ବଦଳାଇଛି।

ଏହି ନିୟମ Commercial Banks, Small Finance Banks, Regional Rural Banks (RRBs), Payment Banks, Local Area Banks ଏବଂ Urban Co-operative Banks ପାଇଁ ଲାଗୁ ହେବ।

ପ୍ରତ୍ୟେକ କାର୍ଯ୍ୟଦିବସରେ ପ୍ରକାଶ ହେବ ସୁଧ ହାର

ନୂଆ ନିୟମ ଅନୁସାରେ ବ୍ୟାଙ୍କଗୁଡ଼ିକୁ Bulk Deposit ଉପରେ ଲାଗୁ ହେଉଥିବା ସୁଧ ହାର ପ୍ରତ୍ୟେକ କାର୍ଯ୍ୟଦିବସରେ ନିଜ ୱେବସାଇଟରେ ସକାଳ ୧୦ଟାରେ ପ୍ରକାଶ କରିବାକୁ ପଡ଼ିବ। ଏଥିପାଇଁ ୧୦ ମିନିଟ୍‌ର ଗ୍ରେସ୍ ପିରିୟଡ୍ ରହିବ, ଅର୍ଥାତ୍ ସର୍ବାଧିକ ୧୦:୧୦ ସୁଦ୍ଧା ରେଟ୍ ଅପଡେଟ୍ ହେବା ଆବଶ୍ୟକ। ୱେବସାଇଟରେ ପୂର୍ବରୁ ପ୍ରକାଶିତ ସୁଧ ହାର ଅନୁଯାୟୀ ଡିପୋଜିଟ୍ ଉପରେ ସୁଧ ଦେବାକୁ ହେବ।

ସମାନ Bulk Deposit ପାଇଁ ବ୍ରାଞ୍ଚ ଅନୁସାରେ ଅଲଗା ରେଟ୍ ନୁହେଁ

RBIର ସଂଶୋଧିତ ନିୟମ ଅନୁସାରେ, ସମାନ ପରିମାଣର ଡିପୋଜିଟ୍ ଏକେ ଦିନରେ ଗ୍ରହଣ କରାଗଲେ, କେବଳ ଅଲଗା ବ୍ରାଞ୍ଚରେ ଜମା ହୋଇଥିବା କାରଣରୁ ଭିନ୍ନ ସୁଧ ହାର ଦେଇହେବ ନାହିଁ। ସମାନ ପ୍ରକାରର ଡିପୋଜିଟ୍ ପାଇଁ ବ୍ୟାଙ୍କର ସମସ୍ତ ବ୍ରାଞ୍ଚରେ ରେଟ୍ ଏକରୂପ ରହିବା ଆବଶ୍ୟକ।

ତେବେ LCR ଆଧାରରେ ଭିନ୍ନ ସୁଧ ହାର ହୋଇପାରିବ

ଏହାର ଅର୍ଥ ବ୍ୟାଙ୍କ କୌଣସି ପରିସ୍ଥିତିରେ Bulk Depositରେ ଭିନ୍ନ ରେଟ୍ ଦେଇପାରିବ ନାହିଁ ନୁହେଁ। RBI Liquidity Coverage Ratio (LCR) framework ଅନୁସାରେ ଡିପୋଜିଟ୍ କିମ୍ବା unsecured wholesale fundingର ଭିନ୍ନ run-off rateକୁ ବିଚାର କରି Bulk Depositରେ differential interest rate ଦେବାକୁ ବ୍ୟାଙ୍କକୁ ଅନୁମତି ଦେଇଛି। ଏହି ବ୍ୟବସ୍ଥା ସମ୍ପର୍କିତ Non-Resident rupee deposits ପାଇଁ ମଧ୍ୟ ଲାଗୁ ହେବ।

Bulk Deposit କ’ଣ?

Scheduled Commercial Banks କ୍ଷେତ୍ରରେ ସାଧାରଣତଃ ₹୩ କୋଟି କିମ୍ବା ତା’ଠାରୁ ଅଧିକର single rupee term depositକୁ Bulk Deposit ଭାବେ ଧରାଯାଏ। ତେଣୁ ସାଧାରଣ ଛୋଟ ଅଙ୍କର FD ଓ Bulk Deposit ମଧ୍ୟରେ ପାର୍ଥକ୍ୟ ବୁଝିବା ଜରୁରୀ।

ସାଧାରଣ FD ଗ୍ରାହକଙ୍କ ଉପରେ କ’ଣ ପ୍ରଭାବ?

ଯଦି ଆପଣ ₹୧ ଲକ୍ଷ, ₹୫ ଲକ୍ଷ କିମ୍ବା ₹୨୫ ଲକ୍ଷ ଭଳି ସାଧାରଣ Retail FD କରୁଛନ୍ତି, ତେବେ ଏହି ନୂଆ Bulk Deposit disclosure rules ମୁଖ୍ୟତଃ ଆପଣଙ୍କ FD booking processକୁ ପରିବର୍ତ୍ତନ କରୁନାହିଁ। ନୂଆ ନିୟମର ମୁଖ୍ୟ ଲକ୍ଷ୍ୟ ବଡ଼ ଜମା ରାଶିର ସୁଧ ହାରକୁ ଅଧିକ ସ୍ପଷ୍ଟ ଓ ପାରଦର୍ଶୀ କରିବା।

ଅର୍ଥାତ୍, ଅକ୍ଟୋବର ୧ରୁ ପ୍ରତ୍ୟେକ Retail FDର ସୁଧ ହାର ବଦଳିଯିବ ବୋଲି ଅର୍ଥ ନୁହେଁ। ବଡ଼ ଅଙ୍କର ଡିପୋଜିଟ୍ କରୁଥିବା ଗ୍ରାହକମାନେ ତେବେ ବ୍ୟାଙ୍କର ୱେବସାଇଟରେ ପ୍ରକାଶିତ ଦୈନିକ Bulk Deposit rate ଯାଞ୍ଚ କରି ବିଭିନ୍ନ ବ୍ୟାଙ୍କର ରେଟ୍ ତୁଳନା କରିପାରିବେ।