ରାୟଗଡ଼ାରେ ଘଟିଥିବା ନିଖିଲ ହତ୍ୟା ମାମଲାର ତଦନ୍ତକୁ ପୋଲିସ୍ ଜୋରଦାର କରିଛି। ଏହି ଚର୍ଚ୍ଚିତ ମାମଲାରେ ରବିବାର ପ୍ରଧାନ ଅଭିଯୁକ୍ତ ଉମେଶ ହିଆଲଙ୍କ ସହ ମୋଟ ୯ ଜଣଙ୍କୁ ଗିରଫ କରାଯାଇଥିବା ବେଳେ ଆହୁରି ଅନେକ ଅଭିଯୁକ୍ତଙ୍କୁ ଧରିବା ପାଇଁ ପୋଲିସ୍ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।
ରାୟଗଡ଼ା ଏସ୍ପି ସ୍ୱାତି ଏସ୍. କୁମାରଙ୍କ ସୂଚନା ଅନୁଯାୟୀ, ଗିରଫ ଅଭିଯୁକ୍ତମାନଙ୍କୁ ଓଡ଼ିଶା ସହ ପଡ଼ୋଶୀ ରାଜ୍ୟର ବିଭିନ୍ନ ସ୍ଥାନରୁ ଧରାଯାଇଛି। ପୂର୍ବରୁ ବିହାରର ଔରଙ୍ଗାବାଦରୁ ୩ ଜଣ, ବିଶାଖାପଟ୍ଟଣମରୁ ୪ ଜଣ, କଳାହାଣ୍ଡିର କେସିଙ୍ଗାରୁ ଜଣେ ଓ ରାୟଗଡ଼ାରୁ ଜଣେ ଅଭିଯୁକ୍ତକୁ ଗିରଫ କରାଯାଇଥିଲା।
ପୋଲିସ୍ ତଦନ୍ତରୁ ଜଣାପଡ଼ିଛି ଯେ, କୋରାପୁଟରେ ଜୁଆ ଖେଳକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ବିବାଦ ସୃଷ୍ଟି ହୋଇଥିଲା ଏବଂ ସେହି ବିବାଦ ପରେ ନିଖିଲ ହତ୍ୟାକାଣ୍ଡ ଘଟିଥିଲା। ମେ ୯ ତାରିଖରେ ନିଖିଲଙ୍କୁ ରାୟଗଡ଼ାର ଇନ୍ଦିରା ନଗର ଅଞ୍ଚଳରୁ ଅପହରଣ କରାଯାଇଥିଲା। ପରବର୍ତ୍ତୀ ଦିନ ତାଙ୍କ ମୃତଦେହ ଏକ ନଦୀପଥରୁ ଉଦ୍ଧାର ହୋଇଥିଲା, ଯାହା ପରେ ସମଗ୍ର ଜିଲ୍ଲାରେ ଚାଞ୍ଚଲ୍ୟ ସୃଷ୍ଟି ହୋଇଥିଲା।
ତଦନ୍ତ ସମୟରେ ପୋଲିସ୍ ଅଭିଯୁକ୍ତମାନଙ୍କ ନିକଟରୁ ଗୋଟିଏ ପିସ୍ତଲ, ଦୁଇଟି ଚାରିଚକିଆ ଗାଡ଼ି, ୧୨ଟି ମୋବାଇଲ୍ ଫୋନ୍ ଓ କିଛି ATM କାର୍ଡ ଜବତ କରିଛି। ପୋଲିସ୍ ଅନୁମାନ କରୁଛି ଯେ, ଏହି ହତ୍ୟାକାଣ୍ଡରେ ମୋଟ ୨୧ ଜଣ ସଂପୃକ୍ତ ଥିଲେ।
ଅବଶିଷ୍ଟ ଅଭିଯୁକ୍ତମାନଙ୍କୁ ଧରିବା ପାଇଁ ୬ରୁ ୭ଟି ପୋଲିସ୍ ଟିମ୍ ଓଡ଼ିଶା ଓ ବାହାର ରାଜ୍ୟରେ ଲଗାତାର ଚଢ଼ାଉ କରୁଛନ୍ତି। ପୋଲିସ୍ କହିଛି ଯେ ମାମଲାର ତଦନ୍ତ ଚାଲିଛି ଏବଂ ଶୀଘ୍ର ଆହୁରି ଗିରଫ ହେବାର ସମ୍ଭାବନା ରହିଛି।
ନେପାଳ-ତିବ୍ବତ ସୀମାରେ ଭୟଙ୍କର ଫ୍ଲାସ୍ ଫ୍ଲଡ୍ ପରେ ସହାୟତା...
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ଚାଇନା ମାଷ୍ଟର୍ସ ୨୦୨୬ରେ ଭାରତୀୟ ଅଭିଯାନ ନିରାଶାଜନକ ଭାବେ...
ଆଫଗାନିସ୍ତାନ ବିପକ୍ଷ ଆଗାମୀ T20I ସିରିଜ୍ ପାଇଁ ଭାରତୀୟ ଦ...
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରଣାୱତ ଏବଂ ଯୋଗଗୁର...
ୟଶଙ୍କ ଅଭିନୀତ‘Toxic: A Fairy Tale for Grown-U...
କନ୍ନଡ ଅଭିନେତା ୟଶଙ୍କ ଅଭିନୀତ ଫିଲ୍ମ **‘Toxic: A...
