ପବିତ୍ର ରଥଯାତ୍ରାକୁ ନେଇ ସାରା ଓଡ଼ିଶାରେ ଭକ୍ତିମୟ ପରିବେଶ ସୃଷ୍ଟି ହୋଇଥିବାବେଳେ ଏକ ନୂଆ ବିତର୍କ ସାମ୍ନାକୁ ଆସିଛି। ଭକ୍ତମାନେ ପ୍ରଶ୍ନ ଉଠାଇଛନ୍ତି ଯେ, ମହାତ୍ମା ଗାନ୍ଧୀଙ୍କ ଜନ୍ମଦିନ ଅକ୍ଟୋବର ୨ରେ ଯଦି ‘ଡ୍ରାଏ ଡେ’ ପାଳନ କରାଯାଇପାରେ, ତେବେ ମହାପ୍ରଭୁ ଜଗନ୍ନାଥଙ୍କ ସବୁଠାରୁ ପବିତ୍ର ପର୍ବ ରଥଯାତ୍ରା ଦିନ ଓଡ଼ିଶାରେ କାହିଁକି ମଦ ବିକ୍ରି ବନ୍ଦ କରାଯାଉନାହିଁ?
ଏହି ପ୍ରସଙ୍ଗ ସୋସିଆଲ ମିଡିଆରେ ଜୋରଦାର ଚର୍ଚ୍ଚାର ବିଷୟ ହୋଇଛି। ଅନେକ ଭକ୍ତ ଓ ସାମାଜିକ କର୍ମୀ ରାଜ୍ୟ ସରକାରଙ୍କୁ ରଥଯାତ୍ରା ଦିନ ସାରା ଓଡ଼ିଶାରେ ‘ଡ୍ରାଏ ଡେ’ ଘୋଷଣା କରିବାକୁ ଅନୁରୋଧ କରିଛନ୍ତି।
ଜଗନ୍ନାଥ ଭକ୍ତ ଅଭିଳାଷ ଆଚାର୍ଯ୍ୟ କହିଛନ୍ତି ଯେ, “ରଥଯାତ୍ରା କେବଳ ଏକ ପର୍ବ ନୁହେଁ, ଏହା ପ୍ରତ୍ୟେକ ଓଡ଼ିଆଙ୍କ ଆଧ୍ୟାତ୍ମିକ ପରିଚୟ। ମହାପ୍ରଭୁ ବଡ଼ଦାଣ୍ଡକୁ ଆସି ସମଗ୍ର ବିଶ୍ୱକୁ ଆଶୀର୍ବାଦ କରୁଥିବା ବେଳେ ମଦ ଦୋକାନ ଖୋଲା ରହିବା ଆମ ସାଂସ୍କୃତିକ ମୂଲ୍ୟବୋଧ ପ୍ରତି ଅସମ୍ମାନ ସଦୃଶ।”
ଅନ୍ୟ ଜଣେ ଭକ୍ତ ମୁକୁନ୍ଦ ମିଶ୍ର କହିଛନ୍ତି, “ଆମେ ସ୍ଥାୟୀ ମଦ ନିଷେଧ ଦାବି କରୁନାହୁଁ। କେବଳ ରଥଯାତ୍ରା ଦିନ ମହାପ୍ରଭୁଙ୍କ ପ୍ରତି ସମ୍ମାନ ଦେଖାଇବାକୁ ମଦ ବିକ୍ରି ବନ୍ଦ ରଖାଯାଉ। ଏହା ଜନସୁରକ୍ଷା ସହିତ ପର୍ବର ପବିତ୍ରତା ରକ୍ଷା କରିବ।”
ଭକ୍ତମାନଙ୍କ ମତରେ, ରଥଯାତ୍ରା ସମୟରେ ଲକ୍ଷାଧିକ ଲୋକ ରାସ୍ତାରେ ଯାତାୟାତ କରନ୍ତି ଓ ପୁରୀ ସହ ସାରା ରାଜ୍ୟ ଭକ୍ତିର ମହୋତ୍ସବରେ ପରିଣତ ହୋଇଥାଏ। ଏପରି ପରିସ୍ଥିତିରେ ମଦ ବିକ୍ରି ବନ୍ଦ ରଖିବା ଦ୍ୱାରା ଶୃଙ୍ଖଳା, ସୁରକ୍ଷା ଓ ଆଧ୍ୟାତ୍ମିକ ପରିବେଶ ବଜାୟ ରହିବ।
ବର୍ତ୍ତମାନ ଏହି ଦାବିକୁ ନେଇ ରାଜ୍ୟ ସରକାରଙ୍କ ନିଷ୍ପତ୍ତି ଉପରେ ସମସ୍ତଙ୍କ ନଜର ରହିଛି। ରଥଯାତ୍ରା ଦିନ ସାରା ରାଜ୍ୟରେ ‘ଡ୍ରାଏ ଡେ’ ଘୋଷଣା କରାଯିବ କି ନାହିଁ, ତାହା ଆଗାମୀ ଦିନରେ ସ୍ପଷ୍ଟ ହେବ।
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ମଧ୍ୟରେ ପାକିସ୍ତାନ କ୍ରିକେ...
ଅନ୍ତର୍ଜାତୀୟ ଛାତ୍ରଙ୍କ ଭିସା ବ୍ୟବସ୍ଥାର ଦୁରୁପଯୋଗ ରୋକିବ...
ଭାରତୀୟ ସିନେମାରେ ମହିଳାଙ୍କୁ କିପରି ଉପସ୍ଥାପନ କରାଯାଉଛି,...
ପ୍ୟାରିସରେପ୍ରିୟଙ୍କା ଚୋପ୍ରା ଓ ଜେନିଫର ଲରେନ୍ସଙ୍କ ଏକ ମଜ...
‘ବିଗ୍ ବସ୍ ୨୦’ର ଗ୍ରାଣ୍ଡ ପ୍ରିମିୟର ଶୁଟିଂ...
ଜଳନ୍ଧର କମିଶନରେଟ୍ ପୋଲିସ ଆମେରିକାରSupplemental Nutrit...
ରକିଂ ଷ୍ଟାର୍ ୟଶଙ୍କ ଅଭିନୀତ‘Toxic: A Fairy Tale...
