ପୁରୀ ବଡଦାଣ୍ଡରେ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ରଥଯାତ୍ରା ପାଇଁ ତିନିରଥର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଆଗେଇ ଚାଲିଛି। ମହାରଣା ସେବକମାନେ ଦିନରାତି ରଥକାମରେ ବ୍ୟସ୍ତ ରହିଥିବା ବେଳେ ବର୍ତ୍ତମାନ ପାଞ୍ଚଦଣ୍ଡା ଓ ପାର୍ଶ୍ୱ ଦଣ୍ଡାର ଚଉପଟ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି।
ସୂଚନା ଅନୁଯାୟୀ, ତିନିରଥର ପାଞ୍ଚଦଣ୍ଡା ନିର୍ମାଣ ସହ ମୁଖ ସାଲ କାମ ଶେଷ ହୋଇଥିବା ବେଳେ ପାର୍ଶ୍ୱ ଦଣ୍ଡାଗୁଡ଼ିକର ଚଉପଟ କାର୍ଯ୍ୟ ମଧ୍ୟ ଶେଷ ଅବସ୍ଥାରେ ରହିଛି। ସେପଟେ ତିନିରଥର ଚେଚିସ୍ ବା ଦଣ୍ଡା ଫ୍ରେମ୍ ନିର୍ମାଣ କାର୍ଯ୍ୟ ମଧ୍ୟ ପ୍ରାୟ ସମାପ୍ତ ହେବାକୁ ଯାଉଛି।
ଆଜି ତିନିରଥର ପାଞ୍ଚଦଣ୍ଡାରେ ମୁହାଁଟ ସଂଯୋଗ କାର୍ଯ୍ୟ କରାଯାଇଥିଲା। ଆଗ ଆଣି ମୁହାଁଟରେ ପାଞ୍ଚୋଟି ସାଲ ଗୁଜ ଏବଂ ପଛ ଆଣି ମୁହାଁଟରେ ତିନୋଟି ଜଳଯନ୍ତ୍ର ସଂଯୋଗ କରାଯାଇଥିଲା। ଏହାସହ ଦୁଇ ପାର୍ଶ୍ୱରେ ଗୋଟିଏ ଗୋଟିଏ କୋଣ ଗୁଜ ଉଠାଯାଇ ସେହି ଗୁଜ ଉପରେ ନିରାଡି ସଂଯୋଗ କରାଯାଇଛି।
ବର୍ତ୍ତମାନ ପାଞ୍ଚଦଣ୍ଡାର ଦୁଇ ପଟରେ କୁଡିକା ସଂଯୋଗ ଓ ପାର୍ଶ୍ୱ ଦଣ୍ଡା ସଂଯୋଗ କାର୍ଯ୍ୟ ବାକି ରହିଛି। ଏହା ସହିତ ପୋଲ ଗୟଳର ଚଉପଟ କାର୍ଯ୍ୟ ମଧ୍ୟ ଆରମ୍ଭ ହୋଇଛି।
କରତୀ ସେବକମାନେ ପ୍ରସ୍ତୁତ କରିଥିବା ୪୦ ଫୁଟିଆ ପୋଲ ଗୟଳର ଚଉପଟ କାର୍ଯ୍ୟକୁ ନନ୍ଦିଘୋଷ ରଥ ଏବଂ ତାଳଧ୍ୱଜ ରଥର ମହାରଣା ସେବକମାନେ ଆରମ୍ଭ କରିଥିବା ଜଣାପଡ଼ିଛି। ରଥ ନିର୍ମାଣର ପ୍ରତ୍ୟେକ ପର୍ଯ୍ୟାୟ ସଂପ୍ରଦାୟ ଓ ପାରମ୍ପରିକ ନୀତି ଅନୁସାରେ ଚାଲିଥିବା ବେଳେ ବଡଦାଣ୍ଡରେ ରଥକାମ ଦେଖିବାକୁ ଶ୍ରଦ୍ଧାଳୁ ଓ ପର୍ଯ୍ୟଟକଙ୍କ ଭିଡ଼ ଲାଗିରହିଛି।
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
କେରଳର ତିରୁବନନ୍ତପୁରମର କାର୍ଯ୍ୟଭଟ୍ଟମ ଅଞ୍ଚଳରେ ପୋଲିସ ଏକ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
Surat ରୁ ଏକ ଭୟଙ୍କର ଘଟଣା ପ୍ରକାଶରେ ଆସିଛି, ଯେଉଁଠାରେ 4...
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
