ବହୁ ପ୍ରତୀକ୍ଷିତ ବଲିଉଡ୍ ଫିଲ୍ମ **‘ରାମାୟଣ’**ର ଟ୍ରେଲର ସୋସିଆଲ ମିଡିଆରେ ଲିକ୍ ହୋଇଥିବା ନେଇ ଚର୍ଚ୍ଚା ଜୋର ଧରିଛି। ନୂଆଦିଲ୍ଲୀରେ ଆୟୋଜିତ ଭବ୍ୟ ଟ୍ରେଲର ଉନ୍ମୋଚନ କାର୍ଯ୍ୟକ୍ରମର କିଛି ଭିଡିଓ କ୍ଲିପ୍ ଅନଲାଇନରେ ଭାଇରାଲ୍ ହେବା ପରେ ସିନେପ୍ରେମୀଙ୍କ ମଧ୍ୟରେ ଉତ୍ସାହ ବଢ଼ିଛି।

ନୀତେଶ ତିୱାରୀଙ୍କ ନିର୍ଦ୍ଦେଶନାରେ ଏବଂ ନମିତ ମାଲହୋତ୍ରାଙ୍କ ପ୍ରଯୋଜନାରେ ନିର୍ମିତ ଏହି ମେଗା ବଜେଟ୍ ଫିଲ୍ମ ଭାରତୀୟ ମହାକାବ୍ୟରାମାୟଣର ଏକ ଭବ୍ୟ ରୂପାନ୍ତର।

ୟଶଙ୍କ ରାବଣ ଅବତାର ଚର୍ଚ୍ଚାରେ

ଲିକ୍ ହୋଇଥିବା ଭିଡିଓରେ ପ୍ରଥମେ ୟଶଙ୍କ ରାବଣ ଅବତାର ଦେଖିବାକୁ ମିଳୁଛି। ଲଙ୍କାର ରାଜପ୍ରାସାଦରେ ଶାହୀ ପୋଷାକ ପରିଧାନ କରି ଶକ୍ତିଶାଳୀ ରୂପରେ ସେ ‘ରାବଣ’ ବୋଲି ଗର୍ଜନ କରୁଥିବା ଦୃଶ୍ୟ ଦର୍ଶକଙ୍କୁ ଆକର୍ଷିତ କରିଛି।

ୟଶଙ୍କ ଦମଦାର ସ୍କ୍ରିନ୍ ପ୍ରେଜେନ୍ସ ଓ ରାବଣଙ୍କ ଭବ୍ୟ ଲୁକ୍ ସୋସିଆଲ ମିଡିଆରେ ବେଶ୍ ଚର୍ଚ୍ଚା ସୃଷ୍ଟି କରିଛି।

ରଣବୀର କପୁରଙ୍କ ଭଗବାନ ରାମ ରୂପ

ଏହାପରେ ଟ୍ରେଲରରେ ଅଯୋଧ୍ୟା ଓ ମହାରାଜା ଦଶରଥଙ୍କ ଦୃଶ୍ୟ ଦେଖାଯାଉଛି। ଅରୁଣ ଗୋଭିଲ ମହାରାଜା ଦଶରଥଙ୍କ ଭୂମିକାରେ ନଜର ଆସିଥିବା ବେଳେ ରଣବୀର କପୁର ଭଗବାନ ରାମଙ୍କ ଚରିତ୍ରରେ ଧନୁର୍ବିଦ୍ୟା, ଘୋଡ଼ାଚାଳନା ଏବଂ ଆଦର୍ଶ ପୁତ୍ର ଭାବରେ ଦେଖାଯାଇଛନ୍ତି।

ଟ୍ରେଲରରେଶିବ ଧନୁଷ ଭଙ୍ଗଦୃଶ୍ୟକୁ ଭବ୍ୟ ଭାବେ ଉପସ୍ଥାପନ କରାଯାଇଛି। ପରେ ରାମଙ୍କ ବନବାସ ଗ୍ରହଣ କରିବାର ଭାବପ୍ରବଣ ଦୃଶ୍ୟ ମଧ୍ୟ ଦେଖିବାକୁ ମିଳିଛି।

ସାଇ ପଲ୍ଲବୀଙ୍କ ସୀତା ରୂପ

ସାଇ ପଲ୍ଲବୀ ସୀତାଙ୍କ ଚରିତ୍ରରେ ନଜର ଆସିଛନ୍ତି। ସେ ରାମଙ୍କ ସହ ବନବାସକୁ ଯିବାର ସଂକଳ୍ପ ବ୍ୟକ୍ତ କରୁଥିବା ଦୃଶ୍ୟ ଟ୍ରେଲରକୁ ଭାବପ୍ରବଣ କରିଛି। ରାମ ଓ ସୀତାଙ୍କ ମଧ୍ୟରେ ଥିବା ସଂଳାପ ଭକ୍ତି, ତ୍ୟାଗ ଓ କର୍ତ୍ତବ୍ୟବୋଧର ବାର୍ତ୍ତା ଦେଉଛି।

ତାରକା ସମୃଦ୍ଧ କାଷ୍ଟ

ଏହି ଫିଲ୍ମରେ ରଣବୀର କପୁର, ସାଇ ପଲ୍ଲବୀ ଓ ୟଶଙ୍କ ବ୍ୟତୀତ ଅରୁଣ ଗୋଭିଲ, ଲାରା ଦତ୍ତ, ରବି ଦୁବେ, ସନ୍ନି ଦେଓଲ ଏବଂ କାଜଲ ଅଗ୍ରୱାଲ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।

ଫିଲ୍ମର ସଙ୍ଗୀତ ପାଇଁ ଅସ୍କାର ବିଜେତାହାନ୍ସ ଜିମରଓ ସଙ୍ଗୀତ ଗୁରୁଏ.ଆର୍. ରହମାନଏକାଠି କାମ କରିଥିବା ବେଳେ ଭିଜୁଆଲ୍ ଇଫେକ୍ଟସ୍ର ଦାୟିତ୍ୱ ନେଇଛି ଅସ୍କାର ବିଜେତା VFX କମ୍ପାନୀDNEG।

ନିର୍ମାତାଙ୍କ ସୂଚନା ଅନୁସାରେ,‘ରାମାୟଣ’ର ପ୍ରଥମ ଭାଗ ଦୀପାବଳି ୨୦୨୬ରେଏବଂଦ୍ୱିତୀୟ ଭାଗ ୨୦୨୭ରେସିନେମା ହଲରେ ମୁକ୍ତିଲାଭ କରିବ।