ରାଜସ୍ଥାନ ପୁଲିସର ଆତଙ୍କବାଦ ନିରୋଧୀ ସ୍କ୍ୱାଡ୍ (ଏଟିଏସ୍) ଶୁକ୍ରବାର ରାଜ୍ୟବ୍ୟାପୀ ବଡ଼ ଧରଣର ଚଢ଼ାଉ କରି ପ୍ରାୟ ୩୦ ଜଣ ସନ୍ଦିଗ୍ଧଙ୍କୁ ପଚରାଉଚରା ପାଇଁ ଅଟକ ରଖିଛି। ସନ୍ଦିଗ୍ଧମାନଙ୍କର ପାକିସ୍ତାନୀ ହ୍ୟାଣ୍ଡଲରଙ୍କ ସହ ସୋସିଆଲ ମିଡିଆ ମାଧ୍ୟମରେ ସମ୍ପର୍କ ଥିବା ଅଭିଯୋଗ ରହିଛି।
ଜୟପୁର, ଆଜମେର, ଚୁରୁ, ଡୁଙ୍ଗରପୁର, ବାଡମେର ସମେତ ୧୨ରୁ ଅଧିକ ସହରରେ ଏହି ଚଢ଼ାଉ କରାଯାଇଥିଲା। ତଦନ୍ତକାରୀ ସଂସ୍ଥାର କହିବା ଅନୁସାରେ, ପାକିସ୍ତାନର ଗୁପ୍ତଚର ସଂସ୍ଥା ସହ ସମ୍ପୃକ୍ତ ବୋଲି ସନ୍ଦେହ କରାଯାଉଥିବା ହ୍ୟାଣ୍ଡଲର ଶାହଜାଦ ଭଟ୍ଟିଙ୍କ ସହ ଅନଲାଇନ୍ ଯୋଗାଯୋଗ ରଖିଥିବା ଅଭିଯୋଗରେ ଏହି ଲୋକମାନଙ୍କୁ ଅଟକ ରଖାଯାଇଛି।
ଦିଲ୍ଲୀ ପୁଲିସ ନିକଟରେ ଏକ ଆନ୍ତଃରାଜ୍ୟ ଆତଙ୍କବାଦୀ ଓ ଅସ୍ତ୍ର ଯୋଗାଣ ନେଟୱାର୍କର ପର୍ଦ୍ଦାଫାସ କରିବା ପରେ ଏହି ଅଭିଯାନ ଆରମ୍ଭ ହୋଇଥିଲା। ଏହି ମାମଲାରେ ପଞ୍ଜାବର ଚାରିଜଣଙ୍କୁ ପୂର୍ବରୁ ଗିରଫ କରାଯାଇଛି। ପୁଲିସର ଆଶଙ୍କା, ଏହି ନେଟୱାର୍କକୁ ଦିଲ୍ଲୀ ଓ ଆଖପାଖ ଅଞ୍ଚଳରେ ଆତଙ୍କବାଦୀ ଆକ୍ରମଣ ପାଇଁ ବ୍ୟବହାର କରାଯାଇପାରୁଥାନ୍ତା।
ତଦନ୍ତରେ ଜଣାପଡ଼ିଛି ଯେ, ସନ୍ଦିଗ୍ଧମାନେ ବିଦେଶୀ ଫୋନ୍ ନମ୍ବର ବ୍ୟବହାର କରି ଯୋଗାଯୋଗ କରୁଥିଲେ। ଏଟିଏସ୍ ସେମାନଙ୍କଠାରୁ ମୋବାଇଲ୍ ଫୋନ୍, ଲାପଟପ୍ ଓ ଅନ୍ୟାନ୍ୟ ଇଲେକ୍ଟ୍ରୋନିକ୍ ଉପକରଣ ଜବତ କରି ଫରେନ୍ସିକ୍ ଯାଞ୍ଚ ପାଇଁ ପଠାଇଛି।
ପୁଲିସ କହିଛି, ଯଦି ତଦନ୍ତରେ ସନ୍ଦିଗ୍ଧମାନଙ୍କର କାର୍ଯ୍ୟକଳାପ କେବଳ ସୋସିଆଲ ମିଡିଆ ପର୍ଯ୍ୟନ୍ତ ସୀମିତ ଥିବା ଜଣାପଡ଼େ, ତେବେ ଆଇନ ଅନୁଯାୟୀ ପରବର୍ତ୍ତୀ ପଦକ୍ଷେପ ନିଆଯିବ। ସେମାନଙ୍କ ବ୍ୟାଙ୍କ ଖାତା, ଆର୍ଥିକ କାରବାର ଏବଂ ଅପରାଧିକ ପୃଷ୍ଠଭୂମିର ମଧ୍ୟ ଯାଞ୍ଚ କରାଯାଉଛି।
ଉଲ୍ଲେଖଯୋଗ୍ୟ, ଗତ ଜୁନ୍ ୨୨ ତାରିଖରେ ଏଟିଏସ୍ ଜୟପୁରରୁ ବବିତା ଓରଫ ଖାଦିଜାଙ୍କୁ ଗିରଫ କରିଥିଲା। ତାଙ୍କ ବିରୋଧରେ ଆତଙ୍କବାଦୀ ସଂଗଠନ ସହ ସମ୍ପର୍କ ଥିବା ଅଭିଯୋଗରେ ୟୁଏପିଏ ଆଇନ ଅନୁସାରେ ମାମଲା ରୁଜୁ କରାଯାଇଛି।
ଆୟର୍ଲାଣ୍ଡ ବିପକ୍ଷ ଟି-୨୦ ଶୃଙ୍ଖଳାରେ ୦-୨ରେ ପରାଜିତ ହେବା...
ଇ-କମର୍ସ କମ୍ପାନୀ ଆମାଜନର ଏକ ଡେଲିଭରି ଟ୍ରକରୁ ୬୦୪ଟି ମୋବ...
୨୦୨୬ ଫିଫା ବିଶ୍ୱକପ୍‌କୁ ନେଇ ସାରା ବିଶ୍ୱରେ ଉତ୍ସାହ...
ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକର ପଣ୍ଡିତଗାଁ ସରକାରୀ ଉଚ୍ଚ...
ଦୀର୍ଘ ୨୩ ବର୍ଷର ଆଇନଗତ ଲଢ଼େଇ ପରେ ଝାରସୁଗୁଡ଼ା ଜିଲ୍ଲାର...
ଭାରତୀୟ କ୍ରିକେଟ୍‌ର ଷ୍ଟାର ବ୍ୟାଟର ବିରାଟ କୋହଲି ଇଂ...
ଦୀର୍ଘ କିଛି ମାସର ଅନିଶ୍ଚିତତା ପରେ ଭାରତ ଓ ବାଂଲାଦେଶ ମଧ୍...
ବାଲିଅନ୍ତା ଗଣପିଟି ଘଟଣାରେ ମୃତ୍ୟୁବରଣ କରିଥିବା ଜିଆରପି କ...
