ପ୍ରସିଦ୍ଧ ୟୁଟ୍ୟୁବର ରାହୁଲ ମହାରଣାଙ୍କ ମୃତ୍ୟୁ ପରେ ତାଙ୍କ ପରିବାରରେ ଚାଲିଥିବା ବିବାଦ ନୂଆ ମୋଡ଼ ନେଇଛି। ତାଙ୍କ ପତ୍ନୀ ତୃଷ୍ଣା ଶ୍ୱଶୁରଘର ଛାଡ଼ି ନିଜ ବାପଘରକୁ ଫେରିଯାଇଥିବାବେଳେ ବର୍ତ୍ତମାନ ଶ୍ୱଶୁରଘର ଲୋକଙ୍କ ବିରୋଧରେ ଏକାଧିକ ଗୁରୁତର ଅଭିଯୋଗ ଆଣିଛନ୍ତି। ଅନ୍ୟପଟେ ରାହୁଲଙ୍କ ପରିବାର ମଧ୍ୟ ତୃଷ୍ଣାଙ୍କ ଅଭିଯୋଗକୁ ଖଣ୍ଡନ କରି ପ୍ରତ୍ୟାରୋପ କରିଛନ୍ତି।
ସୋମବାର ଭୁବନେଶ୍ୱରର ପାଣ୍ଡରା ଅଞ୍ଚଳରେ ଥିବା ରାହୁଲଙ୍କ ଘରେ ଉତ୍ତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା। ତୃଷ୍ଣା ନିଜ ମା’ ଏବଂ ଜଣେ ସମ୍ପର୍କୀୟଙ୍କ ସହ ପୋଲିସ ସହାୟତାରେ ଘରକୁ ପହଞ୍ଚି ବିବାହ ସମୟରେ ମିଳିଥିବା ସୁନା ଗହଣା ଓ ଅନ୍ୟାନ୍ୟ ସାମଗ୍ରୀ ନେବାକୁ ଯାଇଥିଲେ।
ସୂଚନା ଅନୁଯାୟୀ, ତୃଷ୍ଣାଙ୍କ ଆଗମନ ଖବର ପାଇବା ପରେ ଶ୍ୱଶୁରଘର ପକ୍ଷରୁ ଘରର ମୁଖ୍ୟ ଫାଟକ ବନ୍ଦ କରି ଦିଆଯାଇଥିଲା। ପୋଲିସ ହସ୍ତକ୍ଷେପ ପରେ ଫାଟକ ଖୋଲାଯାଇଥିଲା ଏବଂ ପରେ ଘର ଭିତରେ ଉଭୟ ପକ୍ଷଙ୍କ ମଧ୍ୟରେ ବାକ୍ବିତଣ୍ଡା ହୋଇଥିଲା।
ତୃଷ୍ଣାଙ୍କ ଅଭିଯୋଗ ଅନୁସାରେ, ଘରରେ ରହିଥିବା ଅନେକ ସୁନା ଗହଣା ନିଖୋଜ ହୋଇଯାଇଛି। ସେ କହିଛନ୍ତି ଯେ, ଗହଣା ବାକ୍ସ ମିଳିଥିଲେ ମଧ୍ୟ ସେଥିରେ କୌଣସି ଗହଣା ନଥିଲା। ତାଙ୍କ ଅଭିଯୋଗ ଅନୁଯାୟୀ, ଦୁଇଟି ହାର, ମୁକୁଟ, ବାଲା, ତାଙ୍କ ସ୍ୱାମୀଙ୍କ ଦୁଇଟି ଚେନ୍, ଦୁଇଟି ବ୍ରେସଲେଟ୍, ୧୭ଟି ମୁଦି ଓ ଅନ୍ୟାନ୍ୟ ଗହଣା ନିଖୋଜ ହୋଇଛି।
ସେ ଆହୁରି ଦାବି କରିଛନ୍ତି ଯେ, ଆଲମିରାର ଚାବି ନାହିଁ ବୋଲି କୁହାଯାଇଥିଲେ ମଧ୍ୟ ଆଲମିରା ଖୋଲିବା ପରେ କେବଳ ଖାଲି ଗହଣା ବାକ୍ସ ମିଳିଥିଲା। ଏହା ବହୁ ଦିନ ଧରି ଚାଲିଆସୁଥିବା ଘଟଣା ବୋଲି ସେ ଅଭିଯୋଗ କରିଛନ୍ତି।
ଅନ୍ୟପଟେ ରାହୁଲଙ୍କ ମା’ ଏହି ସମସ୍ତ ଅଭିଯୋଗକୁ ଖଣ୍ଡନ କରିଛନ୍ତି। ସେ କହିଛନ୍ତି ଯେ, ତୃଷ୍ଣା ପରିବାରର ପାରମ୍ପରିକ ରୀତିନୀତି ପାଳନ କରୁନଥିଲେ ଏବଂ ଘରୋଇ କାମକାଜରେ ମଧ୍ୟ ଅଂଶଗ୍ରହଣ କରୁନଥିଲେ। ସେ ଆହୁରି ଅଭିଯୋଗ କରିଛନ୍ତି ଯେ, ତୃଷ୍ଣା ଘରେ ଅଧିକ ସମୟ ରହୁନଥିଲେ ଏବଂ ପରିବାର ସହ ସମ୍ପର୍କ ରଖୁନଥିଲେ।
ଉଭୟ ପକ୍ଷଙ୍କ ଆରୋପ-ପ୍ରତ୍ୟାରୋପ ଯୋଗୁଁ ମାମଲା ଆହୁରି ଜଟିଳ ହୋଇପଡ଼ିଛି। ଏହି ଘଟଣାକୁ ନେଇ ପୋଲିସ ପକ୍ଷରୁ କୌଣସି ଚୂଡ଼ାନ୍ତ ବୟାନ ଆସିନଥିବାବେଳେ ଘଟଣାର ତଦନ୍ତ ଜାରି ରହିଛି।
ସମ୍ବେଦନଶୀଳ CCTV ଫୁଟେଜ୍‌ ସମ୍ପର୍କରେ ଏକ ଗୁରୁତ୍ୱପ...
Volkswagenର Supervisory Board ଗୁରୁବାର କମ୍ପାନୀର ଏକ...
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
ପ୍ରଖ୍ୟାତ ଗୀତିକାର ଓ ସ୍କ୍ରିନ୍ରାଇଟର ଜାଭେଦ ଅଖତର ତାଙ୍କ...
ୟୁକ୍ରେନକୁ ସାମରିକ ସହାୟତା ଦେବା ପାଇଁ ଗୋଳାବାରୁଦ କିଣିବା...
ମହାରାଷ୍ଟ୍ରରେ ମରାଠା ସଂରକ୍ଷଣ ଦାବିକୁ ନେଇ ଚାଲିଥିବା ଆନ୍...
ସର୍ଦାର ୨ର ପ୍ରମୋସନ୍ ବେଳେ ଅଭିନେତା କାର୍ତ୍ତି ତାମିଲ ଫିଲ...
ଜନ୍ମାଷ୍ଟମୀ ଅବସରରେ ରାମ ଚରଣ ଓ ଉପାସନା କୋନିଡେଲାଙ୍କ ପରି...
