ରାଜସ୍ଥାନର ସିକର ଜିଲ୍ଲାରେ ଶୁକ୍ରବାର ଅନୁଷ୍ଠିତ ହେବାକୁ ଥିବା ଅକାଳ ରଥଯାତ୍ରାକୁ ପୁରୀ ଶ୍ରୀମନ୍ଦିର ପ୍ରଶାସନ କଡ଼ା ବିରୋଧ କରିଛି। ଏହି ରଥଯାତ୍ରାକୁ ତୁରନ୍ତ ବନ୍ଦ କରିବା ପାଇଁ ସିକର ଜିଲ୍ଲା ପ୍ରଶାସନଙ୍କୁ ଅନୁରୋଧ କରାଯାଇଛି।
ଖବରକାଗଜ ଓ ସାମାଜିକ ଗଣମାଧ୍ୟମରେ ପ୍ରକାଶିତ ସୂଚନା ଅନୁସାରେ,ବିଶ୍ୱ ସନାତନ ଧର୍ମ ସେବା ସଂସ୍ଥାନଏବଂଶ୍ରୀ ଖାଟୁ ଶ୍ୟାମ ମଣ୍ଡଳପକ୍ଷରୁ ସିକର ଜିଲ୍ଲାରେ ନିର୍ଦ୍ଧାରିତ ତିଥି ବାହାରେ ରଥଯାତ୍ରା ଆୟୋଜନ କରାଯାଉଥିବା ଜଣାପଡ଼ିଥିଲା।
ଏହାକୁ ଗୁରୁତ୍ୱର ସହ ନେଇ ପୁରୀ ଜିଲ୍ଲାପାଳ ତଥା ଶ୍ରୀମନ୍ଦିର ପ୍ରଶାସନର ଉପ-ମୁଖ୍ୟ ପ୍ରଶାସକ ଦିବ୍ୟଜ୍ୟୋତି ପରିଡ଼ା ସିକର ଜିଲ୍ଲାପାଳ ଆଶିଷ ମୋଦିଙ୍କୁ ଚିଠି ଲେଖି ଉକ୍ତ ରଥଯାତ୍ରାକୁ ବନ୍ଦ କରିବାକୁ ଅନୁରୋଧ କରିଛନ୍ତି।
ଚିଠିରେ ଉଲ୍ଲେଖ କରାଯାଇଛି ଯେ ରଥଯାତ୍ରା ହେଉଛି ଶ୍ରୀଜଗନ୍ନାଥ ସଂସ୍କୃତିର ଏକ ପବିତ୍ର ଓ ପାରମ୍ପରିକ ଧାର୍ମିକ ଆଚାର। ଏହା କେବଳ ପୁରୀ ଶ୍ରୀମନ୍ଦିରରେ ପାଳନ କରାଯାଉଥିବା ନିର୍ଦ୍ଧାରିତ ତିଥିରେ ହିଁ ଆୟୋଜନ କରାଯିବା ଉଚିତ।
ଶ୍ରୀମନ୍ଦିର ପ୍ରଶାସନ ସିକର ଜିଲ୍ଲା ପ୍ରଶାସନଙ୍କୁ ଅନୁରୋଧ କରିଛି ଯେ, ଜିଲ୍ଲାରେ ଯଦି ରଥଯାତ୍ରା ଆୟୋଜନ କରାଯାଏ, ତେବେ ତାହା ପୁରୀ ଶ୍ରୀକ୍ଷେତ୍ରର ବାର୍ଷିକ ରଥଯାତ୍ରା ତିଥି ସହ ସମାନ ଦିନରେ ହେବା ଆବଶ୍ୟକ।
ଏହା ସହ ରାଜସ୍ଥାନ ସରକାରଙ୍କ ମୁଖ୍ୟ ଶାସନ ସଚିବଙ୍କୁ ମଧ୍ୟ ଏକ ପୃଥକ ପତ୍ର ପଠାଯାଇଛି। ଏଥିରେ ସମଗ୍ର ଘଟଣା ସମ୍ପର୍କରେ ଅବଗତ କରାଯିବା ସହ ଉପଯୁକ୍ତ ହସ୍ତକ୍ଷେପ କରିବାକୁ ଅନୁରୋଧ କରାଯାଇଛି।
ଶ୍ରୀମନ୍ଦିର ପ୍ରଶାସନ କହିଛି ଯେ, ପୁରୀ ବାହାରେ ଅକାଳ ରଥଯାତ୍ରା ଆୟୋଜନକୁ ନିରୁତ୍ସାହିତ କରିବା ପାଇଁ ସେମାନେ ନିରନ୍ତର ପଦକ୍ଷେପ ନେଉଛନ୍ତି, ଯାହାଦ୍ୱାରା ରଥଯାତ୍ରାର ପାରମ୍ପରିକ ଧାର୍ମିକ ରୀତିନୀତି ଓ ଶାସ୍ତ୍ରସମ୍ମତ ପରମ୍ପରା ଅକ୍ଷୁଣ୍ଣ ରହିବ।
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
