ରାତି ପାହିଲେ ବିଶ୍ୱପ୍ରସିଦ୍ଧ ଘୋଷଯାତ୍ରା। ଜଗନ୍ନାଥମୟ ହୋଇ ଉଠିଛି ଶ୍ରୀକ୍ଷେତ୍ର ପୁରୀ। ବଡ଼ଦେଉଳରୁ ବଡ଼ଦାଣ୍ଡ ପର୍ଯ୍ୟନ୍ତ ଭକ୍ତଙ୍କ ସମାଗମରେ ଚଳଚଞ୍ଚଳ ପରିବେଶ ଦେଖିବାକୁ ମିଳୁଛି। ରଥ, ପଥ ଓ ଭକ୍ତ ସମସ୍ତେ ଘୋଷଯାତ୍ରା ପାଇଁ ପ୍ରସ୍ତୁତ ଥିବାବେଳେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଘୋଷଯାତ୍ରାର ନୀତିନିର୍ଘଣ୍ଟ ଜାରି କରାଯାଇଛି।
ଜାରି ହୋଇଥିବା ନୀତିନିର୍ଘଣ୍ଟ ଅନୁଯାୟୀ, ଆସନ୍ତାକାଲି ସକାଳ ୯ଟା ୩୦ ମିନିଟରୁ ପହଣ୍ଡି ନୀତି ଆରମ୍ଭ ହୋଇ ଦିନ ୧୨ଟା ୩୦ ମିନିଟରେ ଶେଷ ହେବ। ଏହାପରେ ଦିନ ୨ଟାରୁ ୩ଟା ମଧ୍ୟରେ ଗଜପତି ମହାରାଜାଙ୍କ ଦ୍ୱାରା ପବିତ୍ର ଛେରାପହଁରା ନୀତି ସମ୍ପନ୍ନ କରାଯିବ। ଅପରାହ୍ଣ ୪ଟାରେ ତିନି ରଥ ଟଣା ଆରମ୍ଭ ହେବ।
ଘୋଷଯାତ୍ରା ପୂର୍ବରୁ ମହାପ୍ରଭୁଙ୍କ ଆଜ୍ଞାମାଳ ତିନି ରଥକୁ ପ୍ରଦାନ କରାଯାଇଛି। ପରମ୍ପରା ଅନୁଯାୟୀ ପ୍ରଥମେ ପ୍ରଭୁ ବଳଭଦ୍ରଙ୍କ ତାଳଧ୍ୱଜ ରଥକୁ, ପରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥକୁ ଏବଂ ଶେଷରେ ଦେବୀ ସୁଭଦ୍ରାଙ୍କ ଦର୍ପଦଳନ ରଥକୁ ଆଜ୍ଞାମାଳ ପ୍ରଦାନ କରାଯାଇଛି।
ପାଳିଆ ପୂଜାପଣ୍ଡା ସାମନ୍ତ ତିନିବାଡ଼ରୁ ଆଜ୍ଞାମାଳ ଆଣି ଘଣ୍ଟ, ଛତା ଓ କାହାଳୀ ସହ ରଥଖଳା ନିକଟରେ ବିଜେ କରାଇଥିଲେ। ପରେ ତାଳଧ୍ୱଜ ରଥରେ ବିଜେ କାହାଳୀ ପ୍ରଦାନ କରାଯିବା ପରେ ତିନି ରଥକୁ ଶ୍ରୀମନ୍ଦିର ସିଂହଦ୍ୱାର ଅଭିମୁଖେ ଅଣାଯାଇଥିଲା।
ପୁଲିସ କର୍ମଚାରୀ, ସେବାୟତ ଓ ଭକ୍ତଙ୍କ ସହଯୋଗରେ ତିନି ରଥକୁ ସିଂହଦ୍ୱାର ସମ୍ମୁଖରେ ସ୍ଥାପନ କରାଯାଉଛି। ଘୋଷଯାତ୍ରାକୁ ସୁରୁଖୁରୁରେ ସମ୍ପନ୍ନ କରିବା ପାଇଁ ଶ୍ରୀମନ୍ଦିର ପ୍ରଶାସନ ଓ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଶେଷ ହୋଇଛି।
ଅଭିନେତ୍ରୀବିପାଶା ବାସୁନିଜ ଫିଲ୍ମ କ୍ୟାରିୟରର ଏକ ଗୁରୁତ୍ୱ...
**‘ମିର୍ଜାପୁର: ଦି ମୁଭି’**ରେ ଏକ ପ୍ରାୟ ୫୦...
‘Mirzapur: The Movie’ଏବେ ଥିଏଟରରେ ଦର୍ଶକ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ବଲିଉଡ୍ ଅଭିନେତ୍ରୀଶ୍ରଦ୍ଧା କପୁରବ୍ୟସ୍ତ ସିନେମା ସୂଚୀରୁ କ...
