ପୁରୀ:ଶ୍ରୀଜଗନ୍ନାଥ ମନ୍ଦିରରେ ବୃଦ୍ଧ ଓ ଦିବ୍ୟାଙ୍ଗ ଭକ୍ତମାନଙ୍କ ପାଇଁ ସହଜ ଓ ସୁବିଧାଜନକ ଦର୍ଶନ ବ୍ୟବସ୍ଥା କରିବାକୁ ମନ୍ଦିର ପ୍ରଶାସନ ବିଶେଷ ପଦକ୍ଷେପ ନେଉଛି।

ଏହି ବ୍ୟବସ୍ଥାର ଅଂଶ ଭାବେ ମନ୍ଦିରରଉତ୍ତର ଦ୍ୱାର ଗୁମୁଟରୁ କୁର୍ମ ବେଢ଼ା ପର୍ଯ୍ୟନ୍ତ ରାମ୍ପ ଓ ରେଲିଂନିର୍ମାଣ କରାଯାଇଛି। ଏହା ଦ୍ୱାରା ଚାଲିବାରେ ଅସୁବିଧା ଥିବା ବୃଦ୍ଧ ଓ ଦିବ୍ୟାଙ୍ଗ ଭକ୍ତମାନଙ୍କ ଗତିବିଧି ସୁବିଧାଜନକ ହେବ।

ପ୍ରଶିକ୍ଷିତ ସ୍ୱେଚ୍ଛାସେବୀ ଦେବେ ସହଯୋଗ

ମନ୍ଦିର ପରିସରରେ ବୃଦ୍ଧ ଓ ଦିବ୍ୟାଙ୍ଗ ଭକ୍ତଙ୍କୁ ସହଯୋଗ କରିବା ପାଇଁ ବିଶେଷ ପ୍ରଶିକ୍ଷିତ ସ୍ୱେଚ୍ଛାସେବୀ ନିଯୁକ୍ତ କରାଯିବ। ସେମାନେ ଭକ୍ତମାନଙ୍କୁ ନାଟମଣ୍ଡପ କିମ୍ବା ଜଗମୋହନ ପର୍ଯ୍ୟନ୍ତ ପହଞ୍ଚାଇବା ସହ ଦର୍ଶନ ସମୟରେ ଗତିବିଧିରେ ସାହାଯ୍ୟ କରିବେ।

ଏହି ପ୍ରସଙ୍ଗରେ ଶ୍ରୀଜଗନ୍ନାଥ ମନ୍ଦିରର ମୁଖ୍ୟ ପ୍ରଶାସକ ପୁରୀ ଜିଲ୍ଲାପାଳଙ୍କୁ ପତ୍ର ଲେଖି ଆବଶ୍ୟକ ସଂଖ୍ୟକ ପ୍ରଶିକ୍ଷିତ ସ୍ୱେଚ୍ଛାସେବୀ ଯୋଗାଇବା ପାଇଁ ଅନୁରୋଧ କରିଛନ୍ତି।

Online system ଓ Mobile App ଆସିବ

ଏହି ସୁବିଧାକୁ ଭକ୍ତମାନଙ୍କ ପାଇଁ ସହଜରେ ଉପଲବ୍ଧ କରାଇବା ଉଦ୍ଦେଶ୍ୟରେ ଶ୍ରୀଜଗନ୍ନାଥ ମନ୍ଦିର ପ୍ରଶାସନ ଏକonline system ଓ mobile applicationପ୍ରସ୍ତୁତ କରୁଛି। ଯୋଗ୍ୟ ବୃଦ୍ଧ ଓ ଦିବ୍ୟାଙ୍ଗ ଭକ୍ତମାନେ ଏହା ମାଧ୍ୟମରେ ଦର୍ଶନ ସହାୟତା ପାଇଁ ଅନୁରୋଧ କରିପାରିବେ।

ଆରମ୍ଭିକ ପର୍ଯ୍ୟାୟରେ ପ୍ରତିଦିନ50 ଜଣ ବୃଦ୍ଧ ଓ ଦିବ୍ୟାଙ୍ଗ ଭକ୍ତଙ୍କୁଏହି ସୁବିଧା ଦିଆଯିବ। ପ୍ରଶାସନିକ ବ୍ୟବସ୍ଥା ଓ ସହଯୋଗୀ କର୍ମଚାରୀଙ୍କ ସଂଖ୍ୟାକୁ ଧ୍ୟାନରେ ରଖି ଏହି ସୀମା ନିର୍ଦ୍ଧାରଣ କରାଯାଇଛି।

ମନ୍ଦିର ପ୍ରଶାସନର ପ୍ରାଥମିକତା ହେଉଛି ସମସ୍ତ ଭକ୍ତ ଓ ତୀର୍ଥଯାତ୍ରୀ ଯେପରି ସୁବିଧାରେ ଚତୁର୍ଧା ବିଗ୍ରହଙ୍କ ଦର୍ଶନ କରିପାରିବେ, ସେଥିପାଇଁ ଆବଶ୍ୟକ ସୁବିଧା ସୃଷ୍ଟି କରିବା।