ଜ୍ୟେଷ୍ଠ କୃଷ୍ଣ ଚତୁର୍ଥୀ ତିଥି ଅବସରରେ ଆଜି Shree Jagannath Temple ରେ ମହାପ୍ରଭୁ ଶ୍ରୀଜଗନ୍ନାଥ, ମହାପ୍ରଭୁ ବଳଭଦ୍ର ଓ ଦେବୀ ସୁଭଦ୍ରାଙ୍କର ପବିତ୍ର ବଣକଲାଗି ନୀତି ଅନୁଷ୍ଠିତ ହେବ। ଏହି ବିଶେଷ ନୀତି ପାଳନ ପାଇଁ ସନ୍ଧ୍ୟା ୬ଟାରୁ ରାତି ୧୦ଟା ପର୍ଯ୍ୟନ୍ତ ସାଧାରଣ ଭକ୍ତଙ୍କ ଦର୍ଶନ ବନ୍ଦ ରହିବ ବୋଲି ଶ୍ରୀଜଗନ୍ନାଥ ମନ୍ଦିର ପ୍ରଶାସନ (SJTA) ପକ୍ଷରୁ ସୂଚନା ଜାରି କରାଯାଇଛି।
ବଣକଲାଗି ନୀତିକୁ “ଶ୍ରୀମୁଖ ଶୃଙ୍ଗାର” ଭାବେ ମଧ୍ୟ ଜଣାଯାଏ। ଭୋଗମଣ୍ଡପର ଦ୍ୱିତୀୟ ଭୋଗ ସମାପ୍ତି ପରେ ଏହି ନୀତି ଆରମ୍ଭ ହୁଏ। ପ୍ରଥମେ ମହାସ୍ନାନ କରାଯାଇଥାଏ ଏବଂ ପରେ ଶ୍ରୀଜିଉମାନଙ୍କ ମୁଖମଣ୍ଡଳରେ ପାରମ୍ପରିକ ଶୃଙ୍ଗାର କରାଯାଏ।
ଏହି ପବିତ୍ର ନୀତି ଦତ୍ତମହାପାତ୍ର ସେବାୟତମାନଙ୍କ ଦ୍ୱାରା ପାଳନ କରାଯାଇଥାଏ। ଶୃଙ୍ଗାର କାର୍ଯ୍ୟରେ ସମ୍ପୂର୍ଣ୍ଣ ପ୍ରାକୃତିକ ଉପାଦାନ ବ୍ୟବହାର ହୁଏ। ଶଙ୍ଖ ଚୂର୍ଣ୍ଣରୁ ଧଳା ରଙ୍ଗ, ଦୀପର କାଳିରୁ କଳା, ହରିତାଳରୁ ଲାଲ, ହିଙ୍ଗୁଳରୁ ହଳଦିଆ ରଙ୍ଗ ପ୍ରସ୍ତୁତ କରାଯାଏ। ଏହା ସହ କସ୍ତୂରୀ ଆଦି ବିଭିନ୍ନ ସୁଗନ୍ଧିତ ଦ୍ରବ୍ୟ ମଧ୍ୟ ପ୍ରୟୋଗ କରାଯାଇଥାଏ, ଯାହାକି ଶ୍ରୀଜିଉମାନଙ୍କ ଦିବ୍ୟ ଦେହର ସୁରକ୍ଷା ପାଇଁ ପାରମ୍ପରିକ ଭାବେ ଅତ୍ୟନ୍ତ ମହତ୍ୱପୂର୍ଣ୍ଣ ବୋଲି ମନ୍ୟ ହୋଇଥାଏ।
ଦର୍ଶନ ବନ୍ଦ ଥିବା ସମୟରେ ଭକ୍ତମାନେ ମୂଳ ମନ୍ଦିରରେ ଶ୍ରୀଜିଉଙ୍କ ଦର୍ଶନ କରିପାରିବେ ନାହିଁ। ତଥାପି ମନ୍ଦିର ପରିସରରେ ଅନ୍ୟାନ୍ୟ ଦେବଦେବୀଙ୍କ ଦର୍ଶନ ଓ ପୂଜାର ସୁବିଧା ଉପଲବ୍ଧ ରହିବ।
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଏୟାର ମାର୍ଶାଲ ଜିତେନ୍ଦ୍ର ମିଶ୍ରଙ୍କୁ ରାମ ଜନ୍ମଭୂମି ଟ୍ରଷ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଦାର୍ଜିଲିଂର ଐତିହାସିକ ଟୟ ଟ୍ରେନ୍‌ ଲୋକୋସେଡ୍‌...
ପଞ୍ଜାବର ଜେଲ୍‌ଗୁଡ଼ିକରେ ନିଶାସକ୍ତିର ଚିତ୍ର ଚିନ୍ତା...
ରକ୍ଷାବନ୍ଧନର ଖୁସି ମୁହୂର୍ତ୍ତ ଉତ୍ତରପ୍ରଦେଶର ଝାନ୍ସୀରେ ଶ...
