ସାଉଥ୍ ସୁପରଷ୍ଟାରପ୍ରଭାସଙ୍କ ବହୁ ପ୍ରତୀକ୍ଷିତ ପିରିୟଡ୍ ଆକ୍ସନ୍ ଡ୍ରାମା **‘ଫୌଜି’**ର ରିଲିଜ୍ ତାରିଖକୁ ନେଇ ଅପେକ୍ଷାର ଅନ୍ତ ଘଟିଛି। ଫିଲ୍ମର ନିର୍ମାତାମାନେ ସୋସିଆଲ୍ ମିଡିଆରେ ଏକ ନୂଆ ଦମଦାର ପୋଷ୍ଟର ଜାରି କରିବା ସହ୩ ଡିସେମ୍ବର ୨୦୨୬ରେ ବିଶ୍ୱବ୍ୟାପୀ ରିଲିଜ୍ ହେବ ବୋଲି ଘୋଷଣା କରିଛନ୍ତି।

ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି'ସୀତା ରାମମ୍'ଖ୍ୟାତ ନିର୍ଦ୍ଦେଶକହନୁ ରାଘବପୁଡ଼ି। ଫିଲ୍ମଟିକୁମୈତ୍ରୀ ମୁଭି ମେକର୍ସଓଟି-ସିରିଜ୍ମିଳିତ ଭାବେ ପ୍ରଯୋଜନା କରୁଛନ୍ତି।

ନୂଆ ପୋଷ୍ଟରରେ ପ୍ରଭାସଙ୍କ ଦମଦାର ଲୁକ୍

ନୂଆ ପୋଷ୍ଟରରେ ପ୍ରଭାସଙ୍କୁ ଏକ ଯୁଦ୍ଧକ୍ଷେତ୍ର ମଧ୍ୟରେ ରକ୍ତାକ୍ତ ଅବସ୍ଥାରେ ରାଇଫଲ୍ ଧରି ବସିଥିବାର ଦେଖାଯାଇଛି। ବର୍ଷା ଭିତରେ ଏକାକୀ ଯୋଦ୍ଧା ଭାବେ ତାଙ୍କର ଏହି ଲୁକ୍ ସାହସ, ତ୍ୟାଗ ଓ ସଂଘର୍ଷର ପ୍ରତୀକ ଭାବେ ଉପସ୍ଥାପିତ ହୋଇଛି।

ପୋଷ୍ଟରରେ ଥିବା“A Battalion Who Fights Alone”ଟ୍ୟାଗଲାଇନ୍ ଫିଲ୍ମର କାହାଣୀରେ ଭାବପ୍ରବଣତା ଓ ସାହସିକ ସଂଘର୍ଷର ଇଙ୍ଗିତ ଦେଉଛି।

ପ୍ୟାନ୍-ଇଣ୍ଡିଆ ସ୍ତରରେ ହେବ ରିଲିଜ୍

‘ଫୌଜି’ ଫିଲ୍ମକୁତେଲୁଗୁ, ହିନ୍ଦୀ, ତାମିଲ, କନ୍ନଡ, ମଲୟାଳମ ଓ ବଙ୍ଗଳାଭାଷାରେ ମୁକ୍ତିଲାଭ କରାଯିବ। ଖବର ଅନୁଯାୟୀ, ବରିଷ୍ଠ ଅଭିନେତାମିଥୁନ ଚକ୍ରବର୍ତ୍ତୀଓଅନୁପମ ଖେରମଧ୍ୟ ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ।

ସ୍ୱାଧୀନତା ପୂର୍ବ ଭାରତର କାହାଣୀ

ଯଦିଓ ନିର୍ମାତାମାନେ ଫିଲ୍ମର କାହାଣୀକୁ ନେଇ ଏପର୍ଯ୍ୟନ୍ତ କୌଣସି ଆଧିକାରିକ ସୂଚନା ଦେଇନାହାନ୍ତି, ତଥାପି ରିପୋର୍ଟ ଅନୁସାରେ ଏହାସ୍ୱାଧୀନତା ପୂର୍ବ ଭାରତର ପୃଷ୍ଠଭୂମିରେ ଜଣେ ସୈନିକଙ୍କ ଜୀବନକୁ କେନ୍ଦ୍ର କରି ନିର୍ମାଣ କରାଯାଇଛି।

ଏହି ଫିଲ୍ମପ୍ରଭାସଓହନୁ ରାଘବପୁଡ଼ିଙ୍କ ପ୍ରଥମ ସହଯୋଗ। ରିଲିଜ୍ ତାରିଖ ଘୋଷଣା ପରେ ଫ୍ୟାନ୍ମାନଙ୍କ ମଧ୍ୟରେ ଟିଜର ଓ ଟ୍ରେଲରକୁ ନେଇ ଉତ୍ସାହ ଆହୁରି ବଢ଼ିଯାଇଛି।