ନୂଆଦିଲ୍ଲୀ:ପଞ୍ଜାବ ନ୍ୟାସନାଲ ବ୍ୟାଙ୍କ (PNB) ଅନିବାସୀ ଭାରତୀୟ (NRI)ଙ୍କ ପାଇଁForeign Currency Non-Resident [FCNR (B)] Deposit Schemeଉପଲବ୍ଧ କରାଇଛି। ଏହି ଯୋଜନା ମାଧ୍ୟମରେ NRIମାନେ ବିଦେଶୀ ମୁଦ୍ରାରେ ନିଜ ସଞ୍ଚୟ ରଖି ସୁଧ ଆର୍ଜନ କରିପାରିବେ।

କିଏ ଖାତା ଖୋଲିପାରିବେ?

କେବଳ ଅନିବାସୀ ଭାରତୀୟ (NRI)ମାନେ FCNR (B) ଖାତା ଖୋଲିପାରିବେ। ପାକିସ୍ତାନ ଓ ବାଂଲାଦେଶର ଆବେଦକଙ୍କୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI)ର ପୂର୍ବ ଅନୁମତି ଆବଶ୍ୟକ। ଏହି ଖାତା NRIଙ୍କୁ ନିଜେ ଖୋଲିବାକୁ ପଡ଼ିବ, ପାୱାର ଅଫ୍ ଅଟର୍ଣ୍ଣି ମାଧ୍ୟମରେ ଏହା ସମ୍ଭବ ନୁହେଁ।

କେଉଁ କେଉଁ ବିଦେଶୀ ମୁଦ୍ରାରେ ଖାତା ଖୋଲାଯିବ?

FCNR (B) ଖାତାରେ ନିମ୍ନଲିଖିତ ୬ଟି ବିଦେଶୀ ମୁଦ୍ରା ଗ୍ରହଣ କରାଯାଏ:

• US Dollar (USD)
• Pound Sterling (GBP)
• Euro (EUR)
• Australian Dollar (AUD)
• Canadian Dollar (CAD)
• Japanese Yen (JPY)

ଜମାର ଅବଧି

ଏହି ଯୋଜନା କେବଳ ଫିକ୍ସଡ୍ ଡିପୋଜିଟ୍ ଆକାରରେ ଉପଲବ୍ଧ। ନ୍ୟୁନତମ ଅବଧି୧ ବର୍ଷଓ ସର୍ବାଧିକ୫ ବର୍ଷ।

କିପରି ଟଙ୍କା ଜମା କରିପାରିବେ?

ବିଦେଶରୁ ବ୍ୟାଙ୍କିଂ ଚ୍ୟାନେଲ୍ ମାଧ୍ୟମରେ ବିଦେଶୀ ମୁଦ୍ରା ପଠାଇ ଖାତା ଖୋଲାଯାଇପାରିବ। ଏହାସହ NRE କିମ୍ବା FCNR ଖାତାରୁ ଟଙ୍କା ସ୍ଥାନାନ୍ତର କରିବା ସହ ବିଦେଶୀ ମୁଦ୍ରା ନୋଟ୍ କିମ୍ବା ଟ୍ରାଭେଲର୍ସ ଚେକ୍ ମାଧ୍ୟମରେ ମଧ୍ୟ ଜମା କରାଯାଇପାରିବ।

ପ୍ରମୁଖ ସୁବିଧା

• ମୂଳଧନ ଓ ସୁଧକୁ ବିଦେଶୀ ମୁଦ୍ରାରେ ସହଜରେ ଫେରାଇ ନିଆଯାଇପାରିବ।
• ଜମା ସମୟରେ ବିନିମୟ ମୂଲ୍ୟର ଝୁମ୍ପ (Exchange Rate Risk) ନଥାଏ।
• ଏହି ଜମା ବିରୁଦ୍ଧରେ ଋଣ କିମ୍ବା ଓଭରଡ୍ରାଫ୍ଟ ସୁବିଧା ମିଳିଥାଏ।
• ପ୍ରଚଳିତ ନିୟମ ଅନୁଯାୟୀ ସୁଧ ଓ ଡିପୋଜିଟ୍ ରାଶି ଆୟକର ଓ ୱେଲ୍ଥ ଟ୍ୟାକ୍ସରୁ ମୁକ୍ତ।
• ଡିପୋଜିଟ୍ ପରିପକ୍ୱ ହେଲେ ଅଟୋ-ରିନ୍ୟୁଆଲ୍ ସୁବିଧା ଉପଲବ୍ଧ।

ସୁଧ କିପରି ମିଳିବ?

FCNR (B) ଡିପୋଜିଟ୍ର ସୁଧ ୩୬୦ ଦିନିଆ ଆର୍ଥିକ ବର୍ଷ ଆଧାରରେ ଗଣନା କରାଯାଏ। ଏକ ବର୍ଷ ପର୍ଯ୍ୟନ୍ତ ଡିପୋଜିଟ୍ରେ ସରଳ ସୁଧ ଦିଆଯାଏ। ଏକ ବର୍ଷରୁ ଅଧିକ ଅବଧିରେ ଗ୍ରାହକ ଚାହିଲେ ପ୍ରତି ୧୮୦ ଦିନରେ ସୁଧ ପାଇପାରିବେ କିମ୍ବା ପରିପକ୍ୱତା ସମୟରେ ଚକ୍ରବୃଦ୍ଧି ସୁଧ ସହ ସମ୍ପୂର୍ଣ୍ଣ ରାଶି ଗ୍ରହଣ କରିପାରିବେ।