ଅଷ୍ଟ୍ରେଲିଆ ଗସ୍ତ ପୂର୍ବରୁପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁସୋସିଆଲ ମିଡିଆରେ ହତ୍ୟା ଧମକ ମିଳିଥିବା ଘଟଣା ଚର୍ଚ୍ଚାର ବିଷୟ ପାଲଟିଛି। ଏହି ଧମକ ପରେଅଷ୍ଟ୍ରେଲିଆ ଫେଡେରାଲ ପୁଲିସ (AFP)ତଦନ୍ତ ଆରମ୍ଭ କରିଥିବା ସୂଚନା ମିଳିଛି।

ସୂଚନା ଅନୁସାରେ, ପ୍ରଧାନମନ୍ତ୍ରୀ ମୋଦୀଆସନ୍ତା ଜୁଲାଇ ୯ ତାରିଖରେ ଅଷ୍ଟ୍ରେଲିଆ ଗସ୍ତରେଯିବାର କାର୍ଯ୍ୟସୂଚୀ ରହିଛି। ସେ ମେଲବୋର୍ଣ୍ଣରମାର୍ଭେଲ ଷ୍ଟାଡିୟମରେଆୟୋଜିତ'Melbourne Meets Modi'କମ୍ୟୁନିଟି କାର୍ଯ୍ୟକ୍ରମରେ ଯୋଗ ଦେବେ।

ଏହି କାର୍ଯ୍ୟକ୍ରମର ପ୍ରଚାର ସମ୍ପର୍କିତ ଏକ ଫେସବୁକ ପୋଷ୍ଟର କମେଣ୍ଟ ବକ୍ସରେ ପ୍ରଧାନମନ୍ତ୍ରୀଙ୍କୁ ହତ୍ୟା ଧମକ ଦିଆଯାଇଥିବା ଅଭିଯୋଗ ହୋଇଛି। ଧମକପୂର୍ଣ୍ଣ ମନ୍ତବ୍ୟ ଏକ'Abu Mustafa'ନାମକ ସୋସିଆଲ ମିଡିଆ ଆକାଉଣ୍ଟରୁ ପୋଷ୍ଟ ହୋଇଥିବା କୁହାଯାଉଛି।

ଘଟଣା ପରେ ଅଷ୍ଟ୍ରେଲିଆର ସୁରକ୍ଷା ଏଜେନ୍ସି ଓ ଫେଡେରାଲ ପୁଲିସ ସକ୍ରିୟ ହୋଇପଡ଼ିଛନ୍ତି। ଧମକପୂର୍ଣ୍ଣ ପୋଷ୍ଟର ଉତ୍ସ ଖୋଜିବା ସହ ସମ୍ପୃକ୍ତଆଇପି ଆଡ୍ରେସଚିହ୍ନଟ କରାଯାଇଥିବା ଖବର ମିଳିଛି। ଏହା ଆଧାରରେ ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ ତଦନ୍ତ ଚାଲିଛି।

ଏପର୍ଯ୍ୟନ୍ତ ଏହି ଘଟଣାକୁ ନେଇ ଅଷ୍ଟ୍ରେଲିଆ ସୁରକ୍ଷା ଏଜେନ୍ସି କିମ୍ବା ଫେଡେରାଲ ପୁଲିସ ପକ୍ଷରୁ କୌଣସି ଔପଚାରିକ ବିବୃତ୍ତି ଜାରି ହୋଇନାହିଁ। ତେବେ ଅଷ୍ଟ୍ରେଲିଆର ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଏହି ଘଟଣାକୁ ନେଇ ମେଲବୋର୍ଣ୍ଣରୁ ନୂଆଦିଲ୍ଲୀ ପର୍ଯ୍ୟନ୍ତ ଚର୍ଚ୍ଚା ଜୋର ଧରିଛି।