ଓଡ଼ିଶାରେ ବେଆଇନ ଖଣି କାରବାର ବିରୋଧରେ ଚାଲିଥିବା କାର୍ଯ୍ୟାନୁଷ୍ଠାନ ମଧ୍ୟରେ ପୁରୀ ଜିଲ୍ଲାର ପିପିଲି ଅଞ୍ଚଳରେ ଏକ କଥିତ ବେଆଇନ ପଥର ଖଣି ଉପରେ ବଡ଼ ଚଢ଼ାଉ କରାଯାଇଛି। ପିପିଲି ଅଧୀନ ଡେଲାଙ୍ଗ ବ୍ଲକ୍ର ଜମୁନା ଝରପଡ଼ା ଅଞ୍ଚଳରେ ମଙ୍ଗଳବାର ରାତିରେ ପୋଲିସ ଓ ଖଣି ବିଭାଗର ଯୁକ୍ତ ଟିମ୍ ଏହି ଅଭିଯାନ ଚାଲାଇଥିଲେ।
ସୂଚନା ଅନୁସାରେ, ଚଢ଼ାଉ ସମୟରେ ସେଠାରେ ପଥର କଟିଂ କାମ ଚାଲିଥିଲା। ହଠାତ୍ ଚଢ଼ାଉ କରି ଅଧିକାରୀମାନେ ଅବୈଧ ଖଣି କାର୍ଯ୍ୟରେ ବ୍ୟବହୃତ ହେଉଥିବା ବିଭିନ୍ନ ଯନ୍ତ୍ରପାତି ଓ ଗାଡ଼ିକୁ ଜବତ କରିଥିଲେ।
ଏହି ଅଭିଯାନ ସମୟରେ ୩ଟି କଟର ମେସିନ୍, ୨ଟି ହାଇୱା, ୧ଟି JCB ଓ ୧ଟି ଟ୍ରାକ୍ଟର ଜବତ କରାଯାଇଛି। ଜବତ ହୋଇଥିବା ଯନ୍ତ୍ରପାତି ଓ ଗାଡ଼ିଗୁଡ଼ିକ କାହାର ମାଲିକାନାରେ ଥିଲା ଏବଂ କେହି ଏହି ବେଆଇନ ଖଣି କାର୍ଯ୍ୟରେ ଜଡିତ ଥିଲେ, ସେନେଇ ଅଧିକାରୀମାନେ ଏପର୍ଯ୍ୟନ୍ତ ସ୍ପଷ୍ଟ ସୂଚନା ଦେଇନାହାନ୍ତି।
ପୋଲିସ ଓ ଖଣି ବିଭାଗ ପକ୍ଷରୁ ଯୁକ୍ତ ଭାବେ ଏହି ଚଢ଼ାଉ କରାଯାଇଥିବାବେଳେ ରାଜ୍ୟରେ ବେଆଇନ ଖଣି କାରବାର ଉପରେ ନଜରଦାରିକୁ ଆହୁରି କଡ଼ା କରାଯାଇଛି। ଅଧିକାରୀମାନଙ୍କ କହିବା ଅନୁସାରେ, ଜବତ ପରେ ଘଟଣାର ତଦନ୍ତ ଚାଲିଛି ଏବଂ ତଦନ୍ତ ରିପୋର୍ଟ ଆଧାରରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ନିଆଯିବ।
ସମ୍ପ୍ରତି ରାଜ୍ୟର ବିଭିନ୍ନ ଜିଲ୍ଲାରେ ବେଆଇନ ଖଣି ଓ ଖଣିଜ ସମ୍ପଦ ଚୋରାଚାଲାଣ ବିରୋଧରେ ପ୍ରଶାସନ ପକ୍ଷରୁ ଅନେକ ଚଢ଼ାଉ କରାଯାଉଥିବାବେଳେ ପିପିଲିର ଏହି ଘଟଣା ପୁଣିଥରେ ଅବୈଧ ଖଣି କାରବାରକୁ ଚର୍ଚ୍ଚାରେ ଆଣିଛି।
ଏୟାର ମାର୍ଶାଲ ଜିତେନ୍ଦ୍ର ମିଶ୍ରଙ୍କୁ ରାମ ଜନ୍ମଭୂମି ଟ୍ରଷ...
ରକ୍ଷାବନ୍ଧନର ଖୁସି ମୁହୂର୍ତ୍ତ ଉତ୍ତରପ୍ରଦେଶର ଝାନ୍ସୀରେ ଶ...
ପଞ୍ଜାବର ଜେଲ୍‌ଗୁଡ଼ିକରେ ନିଶାସକ୍ତିର ଚିତ୍ର ଚିନ୍ତା...
ଦାର୍ଜିଲିଂର ଐତିହାସିକ ଟୟ ଟ୍ରେନ୍‌ ଲୋକୋସେଡ୍‌...
