ଲୋକପ୍ରିୟ ୱେବ୍ ସିରିଜ୍ **‘ପଞ୍ଚାୟତ’**ର ପରବର୍ତ୍ତୀ ଅଧ୍ୟାୟକୁ ନେଇ ଦର୍ଶକଙ୍କ ଉତ୍ସାହ ବଢ଼ିଛି। ‘ପଞ୍ଚାୟତ ୫’ର ରିଲିଜ୍କୁ ନେଇ ନିର୍ଦ୍ଦେଶକଦୀପକ କୁମାର ମିଶ୍ରବଡ଼ ଅପଡେଟ୍ ଦେଇଛନ୍ତି।

ଦୀପକ କୁମାର ମିଶ୍ର କହିଛନ୍ତି ଯେ ବର୍ତ୍ତମାନ ‘ପଞ୍ଚାୟତ ୫’ର ଏଡିଟିଂ ପ୍ରକ୍ରିୟା ଚାଲିଛି। ଅନ୍ତିମ ରିଲିଜ୍ ତାରିଖ ଏପର୍ଯ୍ୟନ୍ତ ସ୍ଥିର ହୋଇନଥିଲେ ମଧ୍ୟ,ଅକ୍ଟୋବର କିମ୍ବା ନଭେମ୍ବର ମାସରେ ଏହା ଆସିପାରେ ବୋଲି ସେ ସୂଚନା ଦେଇଛନ୍ତି।

ନୂଆ ସିଜନ୍ର କାହାଣୀ ଫୁଲେରା ଗାଁର ନିର୍ବାଚନ ପରବର୍ତ୍ତୀ ପରିସ୍ଥିତିକୁ ନେଇ ଆଗକୁ ବଢ଼ିବ। ନିର୍ବାଚନରେ ପ୍ରଧାନ ଜୀ ପରାଜିତ ହୋଇଥିବାରୁ, ଏହା ପରେ ତାଙ୍କ ଜୀବନ କିପରି ଆଗକୁ ବଢ଼ିବ ଏବଂ ଗାଁରେ ସେ କିପରି ନିଜକୁ ସମ୍ଭାଳିବେ, ତାହା ନୂଆ ସିଜନ୍ରେ ଦେଖିବାକୁ ମିଳିବ।

କେବଳ ପ୍ରଧାନ ଜୀ ନୁହେଁ, ସିରିଜ୍ର ଅନ୍ୟ ସମସ୍ତ ପ୍ରମୁଖ ଚରିତ୍ରଙ୍କ କାହାଣୀ ମଧ୍ୟ ଆଗକୁ ବଢ଼ିବ ବୋଲି ନିର୍ଦ୍ଦେଶକ କହିଛନ୍ତି। ବିଶେଷକରି ସଚିବ ଜୀ ଅର୍ଥାତ୍ ଅଭିଷେକ ତ୍ରିପାଠୀଙ୍କ ଜୀବନରେ ମଧ୍ୟ ନୂଆ ପରିବର୍ତ୍ତନ ଆସିବ।

ଦୀପକ ମିଶ୍ରଙ୍କ କହିବା ଅନୁସାରେ, ପଞ୍ଚମ ସିଜନ୍ରେ ପ୍ରତ୍ୟେକ ଚରିତ୍ରର କାହାଣୀରେ ଗ୍ରୋଥ୍ ଓ ନୂଆ ମୋଡ଼ରହିବ।ତେବେ ‘ପଞ୍ଚାୟତ ୫’ ହେଉଛି ସିରିଜ୍ର ଶେଷ ସିଜନ୍ କି ନୁହେଁ, ଏହି ପ୍ରଶ୍ନରେ ନିର୍ଦ୍ଦେଶକ ସ୍ପଷ୍ଟ କରିଛନ୍ତି—“ନା, ଏଭଳି କିଛି ନାହିଁ।”ଅର୍ଥାତ୍ ପଞ୍ଚାୟତର କାହାଣୀ ପଞ୍ଚମ ସିଜନ୍ରେ ଶେଷ ହେବା ନେଇ ବର୍ତ୍ତମାନ କୌଣସି ସୂଚନା ନାହିଁ।