ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ପାକିସ୍ତାନ ସରକାର ଏବଂ ସୁରକ୍ଷା ବାହିନୀ ବିରୋଧରେ ଜନଆକ୍ରୋଶ ଆହୁରି ତୀବ୍ର ହୋଇଯାଇଛି। ମୁଜାଫରାବାଦ ଅଭିମୁଖେ ଘୋଷିତ ‘ଲଙ୍ଗ୍ ମାର୍ଚ୍ଚ’ ପୂର୍ବରୁ ପ୍ରଦର୍ଶନକାରୀ ଓ ସୁରକ୍ଷା ବଳ ମଧ୍ୟରେ ହିଂସାତ୍ମକ ସଂଘର୍ଷ ଘଟିଛି। ଏହି ଘଟଣାରେ ଅତି କମରେ ୯ ଜଣଙ୍କ ମୃତ୍ୟୁ ଘଟିଥିବା ସହ ଅନେକ ଲୋକ ଆହତ ହୋଇଥିବା ସୂଚନା ମିଳିଛି।
ରିପୋର୍ଟ ଅନୁସାରେ, ନିଷିଦ୍ଧ ଘୋଷିତ ଜଏଣ୍ଟ ଆୱାମୀ ଆକ୍ସନ କମିଟି (JAAC) ପକ୍ଷରୁ ଜୁଲାଇ ୧୫ ତାରିଖରେ ମୁଜାଫରାବାଦକୁ ଲଙ୍ଗ୍ ମାର୍ଚ୍ଚର ଆହ୍ୱାନ ଦିଆଯାଇଥିଲା। ଏହା ପୂର୍ବରୁ ରାୱାଲାକୋଟ ଓ ତାରାରଖାଲ ଅଞ୍ଚଳରେ ପ୍ରଦର୍ଶନକାରୀ ଓ ସୁରକ୍ଷା ବାହିନୀ ମଧ୍ୟରେ ତୀବ୍ର ସଂଘର୍ଷ ହୋଇଥିଲା। ଏହି ହିଂସାରେ ସାଧାରଣ ଲୋକ ଏବଂ ସୁରକ୍ଷା କର୍ମୀ ଉଭୟ ପକ୍ଷର କ୍ଷୟକ୍ଷତି ହୋଇଥିବା ଖବର ମିଳିଛି।
ଜଏଣ୍ଟ ଆୱାମୀ ଆକ୍ସନ କମିଟିର ଅଭିଯୋଗ ହେଉଛି, ପାକିସ୍ତାନ ସରକାର ବିଧାନସଭାର ୧୨ଟି ସଂରକ୍ଷିତ ଆସନ ବ୍ୟବସ୍ଥା ମାଧ୍ୟମରେ ସ୍ଥାନୀୟ ଲୋକଙ୍କ ରାଜନୈତିକ ପ୍ରତିନିଧିତ୍ୱକୁ ପ୍ରଭାବିତ କରୁଛନ୍ତି। ସଂଗଠନ ଏହି ବ୍ୟବସ୍ଥାକୁ ରଦ୍ଦ କରିବା ସହ ସ୍ଥାନୀୟ ଜନସାଧାରଣଙ୍କ ଅଧିକାର ସୁରକ୍ଷା ପାଇଁ ଦାବି କରିଛି।
ପରିସ୍ଥିତିକୁ ନଜରରେ ରଖି ମୁଜାଫରାବାଦ ସମେତ ଅନ୍ୟାନ୍ୟ ସମ୍ବେଦନଶୀଳ ଅଞ୍ଚଳରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ରାସ୍ତାରେ ବ୍ୟାରିକେଡ୍ ଲଗାଯାଇଥିବା ବେଳେ ଅତିରିକ୍ତ ସୁରକ୍ଷା ବଳ ମୁତୟନ କରାଯାଇଛି। ଅଞ୍ଚଳର ପରିସ୍ଥିତି ଉପରେ ପ୍ରଶାସନ ପକ୍ଷରୁ କଡ଼ା ନଜର ରଖାଯାଉଛି।
କୋର୍ଟଙ୍କ ପୂର୍ବ ନିର୍ଦ୍ଦେଶ ପାଳନରେ ବିଫଳ ହେବା ଅଭିଯୋଗରେ...
ପରୀକ୍ଷା ଅନିୟମିତତା ବିରୋଧରେ ୧୭ ଦିନ ଧରି ଆମରଣ ଅନଶନ ଜାର...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ବଲିଉଡ୍ର ଲୋକପ୍ରିୟ କମେଡି ଫିଲ୍ମ ‘ଭାଗମ ଭାଗ&rsquo...
ବଲିଉଡ୍ର ଲୋକପ୍ରିୟ ଫିଲ୍ମ **‘3 Idiots’**ର...
ଡାଇବେଟିସ୍ ରୋଗୀଙ୍କ ପାଇଁ ଚିକିତ୍ସା କ୍ଷେତ୍ରରେ ଆସିଛି ଏକ...
ବଲିଉଡ୍ ଅଭିନେତା ଆମିର ଖାନ୍ ନିଜ ତୃତୀୟ ବିବାହକୁ ନେଇ ଉଠି...
କୋରାପୁଟ ଜିଲ୍ଲା ଜୟପୁରରେ ଏକ ଘରୋଇ କ୍ଲିନିକ୍ରେ ଚିକିତ୍ସା...
