Odisha Mining Corporation Ltd. (ଓଏମସି) ଓ TEXMiN Foundation – IIT (ISM) Dhanbad ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଏମଓଉ (MoU) ସାଇନ୍ ହୋଇଛି।
ଏହି ସହଯୋଗ ଖଣି କ୍ଷେତ୍ରରେ କ୍ଷମତା ବୃଦ୍ଧି, ଶିକ୍ଷାଗତ ସହଯୋଗ, ଗବେଷଣା ଓ ନବୋନ୍ମେଷକୁ ଉତ୍ସାହିତ କରିବା ସହିତ ସୁରକ୍ଷିତ, ସସ୍ଥାୟୀ ଓ ଡିଜିଟାଲ୍ ଭାବେ ସକ୍ଷମ ମାଇନିଂ ପ୍ରଣାଳୀ ଉନ୍ନତି ପାଇଁ ଲକ୍ଷ୍ୟ ରଖିଛି।
ଏହି ଏମଓଉଟି ଓଏମସିର ଡିରେକ୍ଟର (HR) ଆଲୋକ କୁମାର ପାଳ ଓ IIT (ISM) ଧନବାଦର ଡେପୁଟି ଡିରେକ୍ଟର ପ୍ରଫେସର ଧୀରଜ କୁମାରଙ୍କ ମଧ୍ୟରେ ସାଇନ୍ ହୋଇଥିଲା।
ଏହି ସହଯୋଗ ମାଧ୍ୟମରେ ଓଏମସିର ପ୍ରତିଷ୍ଠାନଗତ କ୍ଷମତାକୁ ଶକ୍ତିଶାଳୀ କରାଯିବା ସହିତ ପ୍ରଶାସନିକ ଓ ପ୍ରାଯୁକ୍ତିକ କୌଶଳର ଉନ୍ନତି ହେବ। ଏହା ମାଧ୍ୟମରେ ଟେକ୍ନୋଲୋଜି ଆଧାରିତ ପରିବର୍ତ୍ତନ ଓ ଭବିଷ୍ୟତମୁଖୀ ଖଣି ପ୍ରଣାଳୀ ଗଢ଼ି ଉଠିବ।
ଏହି ଏମଓଉ ଅନୁସାରେ କର୍ମଚାରୀମାନଙ୍କ ପାଇଁ ବିଭିନ୍ନ ଟ୍ରେନିଂ ପ୍ରୋଗ୍ରାମ୍, ମ୍ୟାନେଜମେଣ୍ଟ ଡିଭେଲପମେଣ୍ଟ ପ୍ରୋଗ୍ରାମ୍ (MDPs), ଶର୍ଟ ଟର୍ମ କୋର୍ସ, ଓ ଗବେଷଣାମୂଳକ ପ୍ରକଳ୍ପ ଆୟୋଜନ କରାଯିବ।
ଏହା ସହିତ ଡିଜିଟାଲ୍ ଟ୍ରାନ୍ସଫର୍ମେସନ୍, ଉତ୍ପାଦନକ୍ଷମତା ବୃଦ୍ଧି, ନୀତି ଓ ନିୟମାବଳୀ ସମ୍ପର୍କିତ ଶିକ୍ଷା ଓ ସୁରକ୍ଷିତ ମାଇନିଂ ପ୍ରକ୍ରିୟା ଉପରେ ବିଶେଷ ଗୁରୁତ୍ୱ ଦିଆଯିବ।
ଓଏମସି ଓଡ଼ିଶା ସରକାରର ଗୋଟିଏ ପ୍ରମୁଖ ସରକାରୀ ସଂସ୍ଥା ଭାବେ ଲୋହ ଧାତୁ, କ୍ରୋମ ଧାତୁ, ବକ୍ସାଇଟ୍ ସହ ଅନ୍ୟାନ୍ୟ ଖଣିଜ ଉତ୍ପାଦନରେ ଲିପ୍ତ ଅଛି ଏବଂ ରାଜ୍ୟର ଶିଳ୍ପ ଉନ୍ନତିରେ ମୁଖ୍ୟ ଭୂମିକା ନିଭାଉଛି।
ବଲିଉଡ ଅଭିନେତା ହ୍ରିତିକ୍ ରୋଶନ ଓ ଇଣ୍ଟେରିୟର ଡିଜାଇନର ସୁ...
ବଲିଉଡ୍‌ର ଲୋକପ୍ରିୟ ଅଭିନେତା ଆମିର ଖାନ ତାଙ୍କ ପ୍ରେ...
ୟଶରାଜ୍ ସ୍ପାଇ ୟୁନିଭର୍ସର ପ୍ରଥମ ମହିଳା-କେନ୍ଦ୍ରିକ ସ୍ପାଇ...
ଫିଫା ବିଶ୍ୱକପ୍ ୨୦୨୬ରେ ପ୍ରଥମଥର ପାଇଁ ଅଂଶଗ୍ରହଣ କରିଥିବା...
ମାଞ୍ଚେଷ୍ଟରର ଐତିହାସିକ ଓଲ୍ଡ ଟ୍ରାଫୋର୍ଡ ଷ୍ଟାଡିୟମରେ ଭାର...
ଫିଫା ବିଶ୍ୱକପ୍ ୨୦୨୬ର ପ୍ରଥମ ପ୍ରି-କ୍ୱାର୍ଟରଫାଇନାଲ୍ରେ ଉ...
ଭାରତୀୟ ମହିଳା କ୍ରିକେଟ ଦଳ ଆଇସିସି ମହିଳା ଟି-୨୦ ବିଶ୍ୱକପ...
ବଲିଉଡ୍ ଅଭିନେତା ଆମିର ଖାନ ଓ ତାଙ୍କ ଦୀର୍ଘଦିନର ସାଥୀ ଗୌର...
