ସମ୍ବଲପୁରର Assistant Director of Factories and Boilersଉମାକାନ୍ତ ସାମନ୍ତରାୟଙ୍କ ବିରୋଧରେ ଆୟବହିର୍ଭୂତ ସମ୍ପତ୍ତି ଠୁଳ କରିବା ଅଭିଯୋଗରେ ଓଡ଼ିଶା ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଥିଲା। ଚଢ଼ାଉ ପରେ ବୁଧବାର ତାଙ୍କୁ ଗିରଫ କରାଯାଇଛି। ତାଙ୍କୁ ସମ୍ବଲପୁରର Special Judge, Vigilanceଙ୍କ ଅଦାଲତରେ ହାଜର କରାଯିବ ବୋଲି ଅଧିକାରୀମାନେ କହିଛନ୍ତି।

ଭିଜିଲାନ୍ସର ତଲାସୀ ସମୟରେ ସାମନ୍ତରାୟଙ୍କ ସହ ସମ୍ପର୍କିତ୪ଟି ବହୁତଳ କୋଠାଠାବ ହୋଇଛି। ଏଥିରୁ ଦୁଇଟି ଭୁବନେଶ୍ୱରରେ ଏବଂ ଗୋଟିଏ ପୁରୀରେ ଥିବା ଭିଜିଲାନ୍ସ ପକ୍ଷରୁ କୁହାଯାଇଛି। ଏହାଛଡ଼ା ସମ୍ବଲପୁରରେ ଏକ୩-BHK ଫ୍ଲାଟ୍ଏବଂ ମୋଟ୩୦ଟି ମୂଲ୍ୟବାନ ପ୍ଲଟ୍ଠାବ ହୋଇଥିବା ରିପୋର୍ଟ ହୋଇଛି।

ତଲାସୀରେ ପ୍ରାୟ୩୦୦ ଗ୍ରାମ ସୁନା, ₹୩୬.୭୮ ଲକ୍ଷର ବ୍ୟାଙ୍କ ଜମା ଏବଂ ଗୋଟିଏ ଚାରିଚକିଆ ଗାଡ଼ି ସମେତ ଅନ୍ୟାନ୍ୟ ସମ୍ପତ୍ତି ମଧ୍ୟ ମିଳିଥିବା ଭିଜିଲାନ୍ସ କହିଛି। ତଦନ୍ତ ସମୟରେ ଏହି ସମ୍ପତ୍ତିଗୁଡ଼ିକର ଉତ୍ସ ସମ୍ପର୍କରେ ସାମନ୍ତରାୟ ସନ୍ତୋଷଜନକ ଭାବେ ବ୍ୟାଖ୍ୟା ଦେଇପାରିନଥିବା ଭିଜିଲାନ୍ସର ଦାବି।

ପୂର୍ବରୁ ଭିଜିଲାନ୍ସର ତଲାସୀ ସମୟରେ ନନ୍ଦନକାନନ ରୋଡ୍ର ନନ୍ଦନ ବିହାରରେ ପ୍ରାୟ୨,୯୦୦ ବର୍ଗଫୁଟ୍ର ଡୁପ୍ଲେକ୍ସ, ଜଟଣୀ ନିକଟ ବରକୁଦାରେ ପ୍ରାୟ ୨,୪୬୦ ବର୍ଗଫୁଟ୍ର ଘର, ପୁରୀର ବାଲିଗୁଆଳିରେ ପ୍ରାୟ ୪,୦୦୦ ବର୍ଗଫୁଟ୍ର ତିନି ମହଲା କୋଠା ଏବଂ ବାଲୁଗାଁରେ ଏକ ଦୁଇ ମହଲା କୋଠା ଠାବ ହୋଇଥିବା ରିପୋର୍ଟ ଆସିଥିଲା।

ଏହି ମାମଲାରେ ସମ୍ବଲପୁର ଭିଜିଲାନ୍ସ ପୁଲିସCase No. 18/2026ରୁଜୁ କରିଛି। ମାମଲାଟି Prevention of Corruption Actର ସମ୍ପର୍କିତ ଧାରା ଅନୁଯାୟୀ ରୁଜୁ ହୋଇଥିବା ବେଳେ ସମ୍ପତ୍ତି, ଆର୍ଥିକ ରେକର୍ଡ ଓ ଅନ୍ୟାନ୍ୟ ନିବେଶ ସମ୍ପର୍କରେ ତଦନ୍ତ ଜାରି ରହିଛି।