ଓଡ଼ିଶା Vigilance ପକ୍ଷରୁ ସମ୍ବଲପୁର Factories and Boilersର Assistant Directorଉମାକାନ୍ତ ସାମନ୍ତରାୟଙ୍କ ସହ ସମ୍ପର୍କିତ ୭ଟି ସ୍ଥାନରେ ମଙ୍ଗଳବାର ଏକକାଳୀନ ଚଢ଼ାଉ କରାଯାଇଛି। ଅଧିକାରୀଙ୍କ ଜଣାଶୁଣା ଆୟର ଉତ୍ସ ସହ ତୁଳନାରେ ଅଧିକ ସମ୍ପତ୍ତି ଥିବା ଅଭିଯୋଗ ଆଧାରରେ ଏହି ତଲାସି କରାଯାଉଥିବା ଜଣାପଡ଼ିଛି।

Vigilance ଟିମ୍ ସମ୍ବଲପୁର, ଭୁବନେଶ୍ୱର, ପୁରୀ ଓ ଖୋର୍ଦ୍ଧାରେ ଥିବା ବିଭିନ୍ନ ସମ୍ପତ୍ତି ଓ କାର୍ଯ୍ୟାଳୟରେ ଦସ୍ତାବିଜ ଏବଂ ଅନ୍ୟ ତଥ୍ୟ ଯାଞ୍ଚ କରୁଛି।

କେଉଁଠି କେଉଁଠି ଚଢ଼ାଉ?

• ସମ୍ବଲପୁର:ଧନକଉଡ଼ାର Sun City Apartmentରେ ଥିବା ୩-BHK ଫ୍ଲାଟ୍ରେ ତଲାସି।
• ସମ୍ବଲପୁରରେ ଅଧିକାରୀଙ୍କଚେମ୍ବରରେ ମଧ୍ୟ ଯାଞ୍ଚ।
• ଭୁବନେଶ୍ୱର:ନନ୍ଦନ ବିହାରରେ ଥିବା ଏକ ଡୁପ୍ଲେକ୍ସରେ ଚଢ଼ାଉ।
• ଜଟଣୀ:ଆଉ ଏକ କୋଠା/ବିଲ୍ଡିଂରେ ତଲାସି।
• ପୁରୀ:ବାଲିଗୁଆଳିର ଟୋଟାବେହେରା ସାହିରେ ଥିବା ୩ ମହଲା କୋଠାରେ ଯାଞ୍ଚ।
• ଖୋର୍ଦ୍ଧା:ବାଲୁଗାଁର ସୁଭାଷ ମାର୍ଗରେ ଥିବା ୨ ମହଲା କୋଠାରେ ଚଢ଼ାଉ।
• ଅଶୋକନଗର:ଅଧିକାରୀଙ୍କ ପୈତୃକ ଘରେ ମଧ୍ୟ ତଲାସି ଚାଲିଛି।

୩୦ ଅଧିକାରୀଙ୍କ ଟିମ୍

ଏହି ବଡ଼ ଧରଣର ଚଢ଼ାଉରେ Vigilanceର୮ ଜଣ DSP, ୧୧ ଜଣ Inspector ଓ ୧୧ ଜଣ ASI, ମୋଟ ୩୦ ଜଣ ଅଧିକାରୀ ସାମିଲ ହୋଇଛନ୍ତି। ତଲାସି ସମୟରେ ସମ୍ପତ୍ତି ସମ୍ପର୍କିତ ଦସ୍ତାବିଜ ଓ ଅନ୍ୟ ତଥ୍ୟ ଯାଞ୍ଚ କରାଯାଉଛି।

ତେବେ ଚଢ଼ାଉ ଏବେ ମଧ୍ୟ ଜାରି ରହିଥିବାରୁ ମୋଟ ସମ୍ପତ୍ତିର ମୂଲ୍ୟ, ଜବତ ଦସ୍ତାବିଜ କିମ୍ବା ଅନ୍ୟାନ୍ୟ ତଥ୍ୟ ସମ୍ପର୍କରେ ଅଧିକାରିକ ଭାବେ ସମ୍ପୂର୍ଣ୍ଣ ବିବରଣୀ ଆସିନାହିଁ। ତଦନ୍ତ ଶେଷ ହେବା ପରେ ଅଧିକ ତଥ୍ୟ ସାମ୍ନାକୁ ଆସିପାରେ।