କଟକ/ଭୁବନେଶ୍ୱର: ମାସିକ ୫ ହଜାର ଟଙ୍କା ଦରମାରୁ ସରକାରୀ ଚାକିରି ଆରମ୍ଭ କରିଥିବା ଯନ୍ତ୍ରୀଙ୍କ ନିକଟରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ।ଯାଜପୁର ଜିଲ୍ଲା ବଡ଼ଚଣା ଆର୍ ଆଣ୍ଡ ବି ସବ୍ଡିଭିଜନ୍ର ସହକାରୀ ନିର୍ବାହୀ ଯନ୍ତ୍ରୀ ତପନ ସେଠୀଙ୍କ ସହ ସମ୍ପୃକ୍ତ ୭ଟି ଠିକଣାରେ ଓଡ଼ିଶା ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି।

ଭିଜିଲାନ୍ସର ଚଢ଼ାଉ ସମୟରେ ତପନ ସେଠୀଙ୍କ ଘରୁ୫୦୦ ଗ୍ରାମରୁ ଅଧିକ ସୁନା ଅଳଙ୍କାରଠାବ ହୋଇଥିବା ବେଳେ ଏହାର ପରିମାଣ ପ୍ରାୟ୫୫୦ ଗ୍ରାମବୋଲି ସୂଚନା ମିଳିଛି। ଏହା ସହିତ ଏକାଧିକ ବହୁତଳ କୋଠା, ଫାର୍ମହାଉସ୍, ଦାମୀ ଜମି ଓ ଗାଡ଼ି ଥିବା ମଧ୍ୟ ତଦନ୍ତରେ ସାମ୍ନାକୁ ଆସିଛି।

୩ଟି ବହୁତଳ କୋଠା ଠାବ

ଭିଜିଲାନ୍ସର ସୂଚନା ଅନୁସାରେ, କଟକ ସିଡିଏ ସେକ୍ଟର-୭ରେ ପ୍ରାୟ୨,୦୦୦ ବର୍ଗଫୁଟ୍ର ଏକ ତିନି ମହଲା କୋଠାଠାବ ହୋଇଛି।

ସେହିପରି ପୁରୀର ସିଦ୍ଧ ମହାବୀର ଅଞ୍ଚଳରେ ପ୍ରାୟ୩,୬୦୦ ବର୍ଗଫୁଟ୍ର ଆଉ ଏକ ତିନି ମହଲା କୋଠାଏବଂ ଭୁବନେଶ୍ୱର କଣ୍ଟାବାଡ଼ରେ ପ୍ରାୟ୨,୨୦୦ ବର୍ଗଫୁଟ୍ର ଦୁଇ ମହଲା କୋଠାଥିବା ସୂଚନା ମିଳିଛି।

୧ ଏକର ଜମିରେ ଫାର୍ମହାଉସ୍

ଚଢ଼ାଉ ବେଳେ କଟକ ସଦର କଣ୍ଟାପଡ଼ା ଅଞ୍ଚଳରେ ପ୍ରାୟ୧ ଏକର ଜମିରେ ଥିବା ଏକ ଫାର୍ମହାଉସ୍ର ସନ୍ଧାନ ମିଳିଛି।

ଏହା ବ୍ୟତୀତ ଭୁବନେଶ୍ୱରରେ୨ଟି ଏବଂ କଟକ ସିଡିଏରେ ୧ଟି ଦାମୀ ପ୍ଲଟ୍ଥିବା ମଧ୍ୟ ଭିଜିଲାନ୍ସ ତଦନ୍ତରୁ ଜଣାପଡ଼ିଛି। ତାଙ୍କ ନାମରେ କିମ୍ବା ସମ୍ପୃକ୍ତ ବ୍ୟକ୍ତିଙ୍କ ନାମରେ୨ଟି ଚାରିଚକିଆ ଗାଡ଼ିଥିବା ମଧ୍ୟ ଠାବ ହୋଇଛି।

ମୋଟ ସମ୍ପତ୍ତିର ଆକଳନ ଜାରି

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଏହି ଚଢ଼ାଉ କରିଛି। ଏବେବି ତପନ ସେଠୀଙ୍କ ସହ ସମ୍ପୃକ୍ତ ବିଭିନ୍ନ ଠିକଣାରେ ତଦନ୍ତ ଓ ସର୍ଚ୍ଚ ଜାରି ରହିଥିବାରୁମୋଟ ସମ୍ପତ୍ତିର ପରିମାଣ ଏବଂ ମୂଲ୍ୟର ଚୂଡ଼ାନ୍ତ ଆକଳନ ହୋଇନାହିଁ।

ଭିଜିଲାନ୍ସର ତଦନ୍ତ ଶେଷ ହେବା ପରେ ଯନ୍ତ୍ରୀଙ୍କ ମୋଟ ସ୍ଥାବର ଓ ଅସ୍ଥାବର ସମ୍ପତ୍ତିର ପରିମାଣ ସ୍ପଷ୍ଟ ହେବ।