ଭାରତର ବ୍ଲୁ ଇକୋନୋମି ଏବଂ ସାଗରମାଳା କାର୍ଯ୍ୟକ୍ରମ ଅଧୀନରେ ସାମୁଦ୍ରିକ ବ୍ୟବସାୟ ଓ ଆର୍ଥିକ ବିକାଶରେ ଓଡ଼ିଶାର ଭୂମିକା ଦିନକୁ ଦିନ ବଢ଼ୁଛି। ଏହି ପରିପ୍ରେକ୍ଷୀରେ ରାଜ୍ୟ ସରକାର ଏବଂ ପୁଲିସ ବିଭାଗ ଉପକୂଳ ସୁରକ୍ଷାକୁ ଅଧିକ ମଜବୁତ କରିବା ଦିଗରେ ଗୁରୁତ୍ୱାରୋପ କରିଛନ୍ତି।
ଭୁବନେଶ୍ୱରରେ ଆୟୋଜିତ ଜାତୀୟ ଉପକୂଳ ସୁରକ୍ଷା ସମ୍ମିଳନୀରେ ରାଜ୍ୟ ପୁଲିସ ମହାନିର୍ଦ୍ଦେଶକ (ଡିଜିପି) ୱାଇ.ବି. ଖୁରାନିଆ କହିଥିଲେ ଯେ, ଓଡ଼ିଶାର ୫୭୫ କିଲୋମିଟର ଦୀର୍ଘ ଉପକୂଳ ଅଞ୍ଚଳର ସମ୍ବେଦନଶୀଳ ସ୍ଥାନଗୁଡ଼ିକୁ ଚିହ୍ନଟ କରାଯାଉଛି। ଗୁଇନ୍ଦା ସଂସ୍ଥାମାନଙ୍କ ସହ ସମନ୍ୱୟରେ ସମୁଦ୍ରପଥରୁ ଆସୁଥିବା ନୂତନ ବିପଦକୁ ମୁକାବିଲା କରିବା ପାଇଁ ଏକ ବ୍ୟାପକ ସୁରକ୍ଷା ଢାଞ୍ଚା ପ୍ରସ୍ତୁତ ହେଉଛି।
ଡିଜିପି କହିଥିଲେ ଯେ, ବ୍ଲୁ ଇକୋନୋମି ଓ ସାଗରମାଳା ପ୍ରକଳ୍ପ ଫଳରେ ସାମୁଦ୍ରିକ ବ୍ୟବସାୟ ଓ ଅର୍ଥନୈତିକ କାର୍ଯ୍ୟକଳାପ ବଢ଼ିବ। ତେବେ ଏହା ସହିତ ଦେଶବିରୋଧୀ ଶକ୍ତି, ବେଆଇନ ଅନୁପ୍ରବେଶକାରୀ, ନିଶାଦ୍ରବ୍ୟ ଚୋରାଚାଲାଣକାରୀ ଏବଂ ଆନ୍ତର୍ଜାତୀୟ ଅପରାଧୀ ଗୋଷ୍ଠୀମାନେ ମଧ୍ୟ ଉପକୂଳ ଅଞ୍ଚଳକୁ ଦୁରୁପଯୋଗ କରିପାରନ୍ତି। ତେଣୁ ସମସ୍ତ ସଂପୃକ୍ତ ସଂସ୍ଥାଙ୍କ ମଧ୍ୟରେ ସମନ୍ୱୟ ଅତ୍ୟାବଶ୍ୟକ।
ଉପକୂଳ ସୁରକ୍ଷା ପାଇଁ ଭାରତୀୟ ନୌସେନା, କୋଷ୍ଟଗାର୍ଡ, ମେରାଇନ ପୁଲିସ, କଷ୍ଟମ୍ସ, ମତ୍ସ୍ୟ ବିଭାଗ, ବନ ବିଭାଗ, ବନ୍ଦର କର୍ତ୍ତୃପକ୍ଷ, ଗୁଇନ୍ଦା ସଂସ୍ଥା ଏବଂ ସ୍ଥାନୀୟ ମତ୍ସ୍ୟଜୀବୀଙ୍କ ସହଯୋଗ ଅତ୍ୟନ୍ତ ଜରୁରୀ ବୋଲି ସେ କହିଥିଲେ।
ମତ୍ସ୍ୟଜୀବୀମାନଙ୍କୁ ଉପକୂଳ ସୁରକ୍ଷାର ଗୁରୁତ୍ୱପୂର୍ଣ୍ଣ ସହଭାଗୀ ଭାବେ ବର୍ଣ୍ଣନା କରି ଡିଜିପି କହିଥିଲେ ଯେ, ସେମାନେ ସମୁଦ୍ର ଅଞ୍ଚଳର ସୂଚନା ଓ ନଜରଦାରିର ଏକ ପ୍ରମୁଖ ଉତ୍ସ।
ସୁରକ୍ଷା ବ୍ୟବସ୍ଥାକୁ ଆହୁରି ଆଧୁନିକ କରିବା ପାଇଁ ୧୦ଟି ଆଲୁମିନିୟମ ପାଟ୍ରୋଲ ବୋଟ୍ କ୍ରୟ, ୧୮ଟି ମେରାଇନ ପୁଲିସ ଥାନାରେ ମିନି କଣ୍ଟ୍ରୋଲ ସେଣ୍ଟର ସ୍ଥାପନ, ମାଛଧରା ବନ୍ଦର ଓ ଲ୍ୟାଣ୍ଡିଂ ସେଣ୍ଟରରେ ସିସିଟିଭି କ୍ୟାମେରା ଲଗାଇବା, ୫ଟି ଅତିରିକ୍ତ ଟ୍ରଲର ନିଯୁକ୍ତି, ଫ୍ଲୋଟିଂ ଜେଟି ନିର୍ମାଣ ଏବଂ ଆଣ୍ଟି-ଡ୍ରୋନ ବ୍ୟବସ୍ଥା ମୁତୟନ କରାଯିବ।
ଗତ ଆର୍ଥିକ ବର୍ଷରେ ଉପକୂଳ ସୁରକ୍ଷା ପାଇଁ ୧୪୯ କୋଟି ଟଙ୍କା ବ୍ୟୟବରାଦ ହୋଇଥିବା ବେଳେ ଚଳିତ ବର୍ଷ ୧୧୩ କୋଟି ଟଙ୍କା ବ୍ୟୟବରାଦ କରାଯାଇଛି। ଏହି ଅର୍ଥ ମେରାଇନ ପୁଲିସ ଭିତ୍ତିଭୂମି, ପ୍ରଶିକ୍ଷଣ ଏବଂ ନଜରଦାରି ବ୍ୟବସ୍ଥାର ଉନ୍ନତିରେ ବ୍ୟବହୃତ ହେବ।
ଅତିରିକ୍ତ ପୁଲିସ ମହାନିର୍ଦ୍ଦେଶକ (ଉପକୂଳ ସୁରକ୍ଷା) ଅରୁଣ ବୋଥ୍ରା କହିଛନ୍ତି ଯେ, ସମୁଦ୍ର ପାଟ୍ରୋଲିଂ ପାଇଁ ୫ଟି ଟ୍ରଲର ନିଯୁକ୍ତ ହୋଇସାରିଛି। ୫.୨୮ କୋଟି ଟଙ୍କା ବ୍ୟୟରେ ଏକ ଆଧୁନିକ କମାଣ୍ଡ ଓ କଣ୍ଟ୍ରୋଲ ସେଣ୍ଟର ସ୍ଥାପିତ ହୋଇଛି, ଯାହା ରିଅଲ୍-ଟାଇମ୍ ନଜରଦାରି ଓ ମେରାଇନ ପୁଲିସଙ୍କ ପ୍ରଶିକ୍ଷଣରେ ସହାୟକ ହେବ।
ଭାରତୀୟ କ୍ରିକେଟ୍‌ ଟିମ୍‌ ପ୍ରଥମଥର ପାଇଁ ଜାପା...
ଭାରତୀୟ ପୁଞ୍ଜି ବଜାର ନିୟାମକSecurities and Exchange B...
Google ତା’ର Workspace ସେବାରେ Gemini AIର ବ୍ୟବ...
ଭାରତର ସଦ୍ୟ ପ୍ରକାଶିତ GDP ତଥ୍ୟକୁ ନେଇ ଚାଲିଥିବା ତର୍କ ମ...
ପଶ୍ଚିମବଙ୍ଗର ଉତ୍ତର ୨୪ ପରଗଣା ଜିଲ୍ଲାରେ RG କର ହସ୍ପିଟାଲ...
ଭାରତରେ ନିଜ ବ୍ୟବସାୟର ଖର୍ଚ୍ଚ କମାଇବା ପାଇଁVolkswagenଏକ...
କୋଲକାତାର କ୍ୟାମାକ୍ ଷ୍ଟ୍ରିଟ୍ରେ ଅଭିଷେକ ବାନାର୍ଜୀଙ୍କ ଅଫ...
ବିରୋଧୀ ଦଳ ନେତା ତଥା ବିଦ୍ରୋହୀ ଟିଏମ୍ସି ନେତା ରିତବ୍ରତ ବ...
