ଓଡ଼ିଶାର ଗଞ୍ଜାମ ଜିଲ୍ଲାର କଲ୍ୟାଣପୁର ଗାଁର ବାସିନ୍ଦାଏ. ସଞ୍ଜୀବ ରେଡ୍ଡୀକର୍ପୋରେଟ୍ ଚାକିରି ଛାଡ଼ି ଫୁଲ ଚାଷ ଓ ବ୍ୟବସାୟରେ ସଫଳତାର ନୂଆ ଇତିହାସ ସୃଷ୍ଟି କରିଛନ୍ତି। ଆଜି ତାଙ୍କର ବାର୍ଷିକ କାରବାର ପ୍ରାୟ୧ କୋଟି ଟଙ୍କାରେ ପହଞ୍ଚିଛି।

୧୯୯୫ ମସିହାରେ ସଞ୍ଜୀବ ଏକ କମ୍ପାନୀରେPlanning Assistantଭାବେ କାମ ଆରମ୍ଭ କରିଥିଲେ। ଚାକିରି କରିବା ସହ ନିଜ ସ୍ୱପ୍ନ ପୂରଣ ପାଇଁ ସେ ଟଙ୍କା ସଞ୍ଚୟ କରୁଥିଲେ। ୨୦୦୦ ମସିହାରେ ସେ ଚାକିରି ଛାଡ଼ି ଉଦ୍ୟୋଗୀ ହେବାର ନିଷ୍ପତ୍ତି ନେଇଥିଲେ।

ପ୍ରଥମେ ଛତୁ ଚାଷ ଆରମ୍ଭ କରିଥିଲେ ମଧ୍ୟ ଅନେକ କ୍ଷତି ସହିବାକୁ ପଡ଼ିଥିଲା। ୨୦୧୯ରେ ଘୂର୍ଣ୍ଣିଝଡ଼ରେ ତାଙ୍କର ବ୍ୟବସାୟ ମଧ୍ୟ ବିପର୍ଯ୍ୟସ୍ତ ହୋଇଥିଲା। ତଥାପି ସେ ହାର ନମାନି ୨୦୨୦ରେ ପଦ୍ମ ଫୁଲ ଚାଷ ଆରମ୍ଭ କରିଥିଲେ।

ଲକ୍ଷ୍ନୌରNational Botanical Research Institute (NBRI)ସହ ଚୁକ୍ତି କରି ସେ‘Namoh-108’ (ଲକ୍ଷ୍ମୀ କମଳ)ପଦ୍ମ ଚାଷ ଆରମ୍ଭ କରିଥିଲେ। ବର୍ତ୍ତମାନ ତାଙ୍କ ଫାର୍ମରୁ ପ୍ରତିବର୍ଷ୩୦ ହଜାରରୁ ଅଧିକ ପଦ୍ମ ଫୁଲଉତ୍ପାଦନ ହେଉଛି, ଯାହା ଦିଲ୍ଲୀ, କୋଲକାତା, ଲୁଧିଆନା ସମେତ ବିଭିନ୍ନ ସହରକୁ ଯୋଗାଣ କରାଯାଉଛି।

୨୦୨୩ରେ ସେଆଫ୍ରିକାନ୍ ଗାଁଦା ଫୁଲଚାଷ ମଧ୍ୟ ଆରମ୍ଭ କରିଥିଲେ। ବିବାହ ଓ ପର୍ବପର୍ବାଣୀ ସମୟରେ ଏହି ଫୁଲର ଚାହିଦା ଓ ଦାମ ବହୁଗୁଣ ବୃଦ୍ଧି ପାଉଛି।

ସଞ୍ଜୀବ ପ୍ରାକୃତିକ ଚାଷ ପ୍ରଣାଳୀକୁ ପ୍ରାଧାନ୍ୟ ଦେଉଛନ୍ତି।Jeevamruta, BijamrutaଓAgniastraପରି ଜୈବ ପ୍ରଣାଳୀ ବ୍ୟବହାର କରି ସେ ରାସାୟନିକ ସାର ଓ କୀଟନାଶକ ବ୍ୟବହାର କମାଇବାକୁ କୃଷକଙ୍କୁ ପ୍ରୋତ୍ସାହିତ କରୁଛନ୍ତି।

ପରେ ତାଙ୍କ ପତ୍ନୀଙ୍କHappy Dukanସଂସ୍ଥାକୁ ଫୁଲ କ୍ରୟ ଓ ବିକ୍ରୟ ବ୍ୟବସାୟରେ ପରିଣତ କରିଥିଲେ। ବର୍ତ୍ତମାନ ଏହି ସଂସ୍ଥା ଦେଶର ବିଭିନ୍ନ ରାଜ୍ୟରୁ୨୫ରୁ ଅଧିକ ପ୍ରକାରର ଫୁଲସଂଗ୍ରହ କରି ବଜାରକୁ ଯୋଗାଇ ଦେଉଛି।

ଆଜିHappy Dukanଦକ୍ଷିଣ ଓଡ଼ିଶାର ଏକ ସଫଳ ଫୁଲ ବ୍ୟବସାୟ ସଂସ୍ଥା ଭାବେ ପରିଚିତ। ଏଠାରେ ୧୨ ଜଣ ସ୍ଥାୟୀ କର୍ମଚାରୀ କାମ କରୁଥିବା ବେଳେ ବାର୍ଷିକ କାରବାର ପ୍ରାୟ୧ କୋଟି ଟଙ୍କାରେ ପହଞ୍ଚିଛି।