କଟକ ଚାଉଳିଆଗଞ୍ଜ ଥାନାର ଭାରପ୍ରାପ୍ତ ଅଧିକାରୀ (ଆଇଆଇସି) ବ୍ୟୁଟି ମହାନ୍ତିଙ୍କ ରହସ୍ୟମୟ ମୃତ୍ୟୁକୁ ନେଇ ଓଡ଼ିଶା ପୁଲିସ ଅଫିସର୍ସ ଆସୋସିଏସନ୍ ଉଚ୍ଚସ୍ତରୀୟ ତଦନ୍ତ ଦାବି କରିଛି। ରବିବାର ଆୟୋଜିତ ସାମ୍ବାଦିକ ସମ୍ମିଳନୀରେ ଆସୋସିଏସନ୍ର ସଭାପତି ଅସିତ କୁମାର ଜେନା କହିଛନ୍ତି ଯେ, ଏହି ମାମଲାକୁ ସାଧାରଣ ଅସ୍ୱାଭାବିକ ମୃତ୍ୟୁ (U/D) ଭାବେ ନଦେଖି ନିରପେକ୍ଷ ଓ ବ୍ୟାପକ ତଦନ୍ତ କରାଯିବା ଆବଶ୍ୟକ।
ଆସୋସିଏସନ୍ ପକ୍ଷରୁ ଦାବି କରାଯାଇଛି ଯେ, ତଦନ୍ତ ୩୦ ଦିନ ମଧ୍ୟରେ ଶେଷ କରାଯାଇ ଏହାର ରିପୋର୍ଟ ସାର୍ବଜନୀନ କରାଯାଉ, ଯାହାଦ୍ୱାରା ଘଟଣାର ସତ୍ୟତା ସାମ୍ନାକୁ ଆସିପାରିବ।
ଅସିତ କୁମାର ଜେନା କହିଛନ୍ତି ଯେ, ରାଜ୍ୟର ପୁଲିସ କର୍ମଚାରୀମାନେ ପ୍ରତିଦିନ ପ୍ରାୟ ୧୮ ଘଣ୍ଟା ପର୍ଯ୍ୟନ୍ତ କାମ କରୁଛନ୍ତି ଏବଂ ଯଥେଷ୍ଟ ଛୁଟି ପାଇବାର ସୁଯୋଗ ମିଳୁନାହିଁ। ଦୀର୍ଘ ସମୟର କାର୍ଯ୍ୟଚାପ ସେମାନଙ୍କ ମାନସିକ ଓ ଶାରୀରିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଥିବାରୁ ସରକାର ଏହାର ସମାଧାନ ପାଇଁ ପଦକ୍ଷେପ ନେବା ଆବଶ୍ୟକ ବୋଲି ସେ କହିଛନ୍ତି।
ସେ ଆହୁରି କହିଛନ୍ତି ଯେ, ଗତ ଦୁଇ ବର୍ଷ ମଧ୍ୟରେ ଥାନାର ଭାରପ୍ରାପ୍ତ ଅଧିକାରୀମାନେ କେତେ ଅର୍ଜିତ ଛୁଟି (Earned Leave) ନେଇଛନ୍ତି, ତାହାର ମଧ୍ୟ ତଦନ୍ତ କରାଯିବା ଉଚିତ। ଗତ ୧୦ ବର୍ଷରେ କେତେ ଆଇଆଇସି ଅତି କମରେ ୨୦ ଦିନ ଅର୍ଜିତ ଛୁଟି ନେଇଛନ୍ତି, ସେଥିରେ ମଧ୍ୟ ସମୀକ୍ଷା କରିବାକୁ ସେ ପ୍ରସ୍ତାବ ଦେଇଛନ୍ତି।
ବ୍ୟୁଟି ମହାନ୍ତିଙ୍କ ସ୍ୱାମୀଙ୍କ ଅଭିଯୋଗ ସମ୍ପର୍କରେ ପ୍ରଶ୍ନର ଉତ୍ତରରେ ଆସୋସିଏସନ୍ ସଭାପତି କହିଛନ୍ତି ଯେ, ସେ ବିଷୟରେ ସମ୍ପୃକ୍ତ ଅଧିକାରୀ, ବିଶେଷକରି ଡିସିପି ଉଚିତ ଉତ୍ତର ଦେଇପାରିବେ। ତଦନ୍ତ ପରେ ହିଁ ସମସ୍ତ ତଥ୍ୟ ସ୍ପଷ୍ଟ ହେବ ବୋଲି ସେ କହିଛନ୍ତି।
ଉଲ୍ଲେଖଯୋଗ୍ୟ, ଶନିବାର ସକାଳେ କଟକରେ ଥିବା ସରକାରୀ କ୍ୱାର୍ଟରରୁ ଚାଉଳିଆଗଞ୍ଜ ଥାନା ଆଇଆଇସି ବ୍ୟୁଟି ମହାନ୍ତିଙ୍କ ମୃତଦେହ ଉଦ୍ଧାର କରାଯାଇଥିଲା। ଏହି ଘଟଣାକୁ ନେଇ ତଦନ୍ତ ଜାରି ରହିଛି।
ଭାରତୀୟ ମହିଳା କ୍ରିକେଟ ଦଳ ଆଇସିସି ମହିଳା ଟି-୨୦ ବିଶ୍ୱକପ...
ଉତ୍ତର ପ୍ରଦେଶର ଆଗ୍ରା ଜିଲ୍ଲାର ସିକନ୍ଦରା ଥାନା ଅଞ୍ଚଳରୁ...
ଓଡ଼ିଶାରେ ମୌସୁମୀ ବର୍ଷାର ପ୍ରଭାବ ଜାରି ରହିଛି। ଗୁରୁବାର...
ଦେଶର ଉତ୍ତର-ପୂର୍ବ ରାଜ୍ୟଗୁଡ଼ିକରେ ଲଗାତାର ପ୍ରବଳ ବର୍ଷା...
ଫିଫା ବିଶ୍ୱକପ୍ ୨୦୨୬ର ପ୍ରଥମ ପ୍ରି-କ୍ୱାର୍ଟରଫାଇନାଲ୍ରେ ଉ...
ଗଞ୍ଜାମ ଜିଲ୍ଲାର ଭଞ୍ଜନଗର ଅଞ୍ଚଳସ୍ଥିତ ପ୍ରସିଦ୍ଧଗାଲେରି କ...
ଜାତିସଂଘ ଅଧୀନସ୍ଥବିଶ୍ୱ ପାଣିପାଗ ସଂଗଠନ (WMO)ଏଲ୍ ନିନୋ (...
ମାଞ୍ଚେଷ୍ଟରର ଐତିହାସିକ ଓଲ୍ଡ ଟ୍ରାଫୋର୍ଡ ଷ୍ଟାଡିୟମରେ ଭାର...
ହାଇପ୍ରୋଫାଇଲ୍ କେତନ ଅଗ୍ରୱାଲ ହତ୍ୟା ମାମଲାର ତଦନ୍ତ ମଧ୍ୟର...
ବହୁଚର୍ଚ୍ଚିତକେତନ ଅଗ୍ରୱାଲ ହତ୍ୟାକାଣ୍ଡମାମଲାର ତଦନ୍ତ ଜାର...
ଫିଫା ବିଶ୍ୱକପ୍ ୨୦୨୬ରେ ପ୍ରଥମଥର ପାଇଁ ଅଂଶଗ୍ରହଣ କରିଥିବା...
ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟି ହୋଇଥିବା ସୁଦୃଶ୍ୟ ଲ...
