ନାଇଜେରିଆର ଲାଗୋସ୍ରେ ଆୟୋଜିତ ରାଜ୍ୟଗୋଷ୍ଠୀ ପାରା ଅସିଚାଳନା ପ୍ରତିଯୋଗିତାରେ ଓଡ଼ିଶାର ଖେଳାଳିମାନେ ଚମତ୍କାର ପ୍ରଦର୍ଶନ କରିଛନ୍ତି। ଭାରତ ପକ୍ଷରୁ ଅଂଶଗ୍ରହଣ କରିଥିବା ଓଡ଼ିଶାର ୬ ଜଣ ଖେଳାଳି ଯୋଗଦେଇ ସମସ୍ତେ ପଦକ ହାସଲ କରିଛନ୍ତି। ମୋଟ ୭ଟି ପଦକ ମଧ୍ୟରେ ୪ଟି ସ୍ୱର୍ଣ୍ଣ, ୧ଟି ରୌପ୍ୟ ଓ ୨ଟି କାଂସ୍ୟ ପଦକ ରହିଛି।

ବୁଧବାର ମହିଳା ପାରା ଅସିଚାଳିକାମାଳତି ପନାଉରେ୨ଟି ସ୍ୱର୍ଣ୍ଣ ପଦକ ଜିତିଥିଲେ। ଏହା ପରେ ଗୁରୁବାର ଅନ୍ୟ ୫ ଜଣ ଓଡ଼ିଆ ଖେଳାଳି ଆଉ ୫ଟି ପଦକ ଜିତି ରାଜ୍ୟର ସଫଳତାକୁ ଆହୁରି ବଢ଼ାଇଛନ୍ତି।

ପୁରୁଷ ଫଏଲ୍ ‘ଏ’ ବର୍ଗରେ ରମେଶଙ୍କ ସ୍ୱର୍ଣ୍ଣ

ପୁରୁଷ ଫଏଲ୍ ‘ଏ’ ବର୍ଗରେ ଓଡ଼ିଶାରଭି. ରମେଶ ରାଓସ୍ୱର୍ଣ୍ଣ ପଦକ ଜିତିଛନ୍ତି। ଏହି ବର୍ଗରେପବିତ୍ର ସାହୁଓରାଖାଲ କୁମାର ସେଠୀକାଂସ୍ୟ ପଦକ ହାସଲ କରିଛନ୍ତି।

କ୍ୱାର୍ଟରଫାଇନାଲରେ ତିନି ଖେଳାଳି ନିଜ ନିଜ ମ୍ୟାଚ୍ ଜିତି ସେମିଫାଇନାଲରେ ପହଞ୍ଚିଥିଲେ। ସେମିଫାଇନାଲରେ ରମେଶ ୧୫-୧୨ରେ ପବିତ୍ରଙ୍କୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲେ। ଅନ୍ୟପକ୍ଷରେ ରାଖାଲ ୧୩-୧୫ରେ ପରାଜିତ ହୋଇ କାଂସ୍ୟ ପଦକ ଜିତିଥିଲେ।

ଫାଇନାଲରେ ରମେଶ ଚମତ୍କାର ପ୍ରଦର୍ଶନ କରି୧୫-୧୦ରେ ପିଙ୍କୁଙ୍କୁ ହରାଇ ସ୍ୱର୍ଣ୍ଣ ପଦକ ନିଜ ନାମରେ କରିଥିଲେ।

ଫଏଲ୍ ‘ବି’ ବର୍ଗରେ ଓଡ଼ିଆ ଖେଳାଳିଙ୍କ ଦବଦବା

ଫଏଲ୍ ‘ବି’ ବର୍ଗରେ ମଧ୍ୟ ଓଡ଼ିଶାର ଖେଳାଳିମାନେ ଦମ୍ଦାର ପ୍ରଦର୍ଶନ କରିଛନ୍ତି।ଓମ୍ପ୍ରକାଶ ବେହେରାସ୍ୱର୍ଣ୍ଣ ପଦକ ଜିତିଥିବା ବେଳେରୁଦ୍ର ନାରାୟଣ ବେହେରାରୌପ୍ୟ ପଦକ ହାସଲ କରିଛନ୍ତି।

ଉଭୟ ଖେଳାଳି ସେମିଫାଇନାଲରେ ନିଜ ନିଜ ପ୍ରତିପକ୍ଷଙ୍କୁ ପରାସ୍ତ କରି ଫାଇନାଲକୁ ପହଞ୍ଚିଥିଲେ। ଫାଇନାଲରେ ଓମ୍ପ୍ରକାଶ ୧୫-୫ରେ ନିଜ ରାଜ୍ୟର ରୁଦ୍ର ନାରାୟଣଙ୍କୁ ପରାସ୍ତ କରି ସ୍ୱର୍ଣ୍ଣ ପଦକ ଜିତିଥିଲେ।

ଏକ ଆନ୍ତର୍ଜାତୀୟ ପ୍ରତିଯୋଗିତାରେ ଓଡ଼ିଶାର ୬ ଜଣ ଖେଳାଳି ଭାରତର ପ୍ରତିନିଧିତ୍ୱ କରି ସମସ୍ତେ ପଦକ ଜିତିବା ରାଜ୍ୟ ପାଇଁ ଏକ ଗୌରବମୟ ସଫଳତା। ଏହି ସଫଳତା ପାଇଁ ପାରା ଅଲିମ୍ପିକ କମିଟି ଅଫ୍ ଇଣ୍ଡିଆ (PCI) ଏବଂ ଓଡ଼ିଶା ପାରା କ୍ରୀଡ଼ା ସଂଘ ପକ୍ଷରୁ ସମସ୍ତ ବିଜେତାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଯାଇଛି।