ନବୀକରଣଯୋଗ୍ୟ ଶକ୍ତି କ୍ଷେତ୍ରରେ ଓଡ଼ିଶା ଆଉ ଏକ ମାଇଲଖୁଣ୍ଟ ସ୍ଥାପନ କରିଛି। ଗଞ୍ଜାମ ଜିଲ୍ଲାର ସୋରଡ଼ା ବ୍ଲକ ଅନ୍ତର୍ଗତ ସୁରଖାଦେଇପୁର ଗ୍ରାମରେ ରାଜ୍ୟର ସର୍ବବୃହତ ସୌର ଶକ୍ତି ପ୍ରକଳ୍ପର ଉଦ୍ଘାଟନ ହୋଇଛି। ଏହି ପ୍ରକଳ୍ପ ଓଡ଼ିଶାର ସ୍ୱଚ୍ଛ ଶକ୍ତି ଉତ୍ପାଦନ ଏବଂ ଶକ୍ତି ସୁରକ୍ଷା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ମନେ କରାଯାଉଛି।
ଯୁବ ଉଦ୍ୟୋଗୀ କିଶନ କୁମାର ରଥଙ୍କ ଉଦ୍ୟମରେ ପ୍ରଧାନମନ୍ତ୍ରୀ କୁସୁମ ଯୋଜନା ଅଧୀନରେ ଏହି ସୌର ଶକ୍ତି ପ୍ରକଳ୍ପ ସ୍ଥାପିତ ହୋଇଛି। ପ୍ରାୟ ସାତ ଏକର ଜମି ଉପରେ ବ୍ୟାପକ ସୌର ପ୍ୟାନେଲ ସ୍ଥାପନ କରାଯାଇଥିବା ଏହି ପ୍ରକଳ୍ପର ବିଦ୍ୟୁତ ଉତ୍ପାଦନ କ୍ଷମତା ୨.୬ ମେଗାୱାଟ୍।
ପ୍ରକଳ୍ପରୁ ଉତ୍ପାଦିତ ବିଦ୍ୟୁତ ଗ୍ରିଡକୋ (GRIDCO) ପ୍ରତି ୟୁନିଟ୍ ୪.୪୦ ଟଙ୍କା ଦରରେ କ୍ରୟ କରିବା ପାଇଁ ଚୁକ୍ତି କରିଛି। ଏହି ବିଦ୍ୟୁତ ବଡ଼ଗଡ଼ା ଅଞ୍ଚଳର ଚାରିଟି ଫିଡରକୁ ଯୋଗାଣ ହେବା ସହ ସ୍ଥାନୀୟ ଉପଭୋକ୍ତାମାନଙ୍କୁ ଅଧିକ ସ୍ଥିର ଓ ନିରବିଚ୍ଛିନ୍ନ ବିଦ୍ୟୁତ ସେବା ଯୋଗାଇବ।
ପ୍ରକଳ୍ପର ଉଦ୍ୟୋଗୀ କିଶନ କୁମାର ରଥ କହିଛନ୍ତି ଯେ, ଏହି ସୌର ଶକ୍ତି କେନ୍ଦ୍ର ପ୍ରତିଦିନ ୧୫ ହଜାରରୁ ଅଧିକ ୟୁନିଟ୍ ବିଦ୍ୟୁତ ଉତ୍ପାଦନ କରିବାକୁ ସକ୍ଷମ ହେବ। ଏହା ମାଧ୍ୟମରେ ପ୍ରତିଦିନ ପ୍ରାୟ ୬୦ ହଜାର ଟଙ୍କା ଆୟ ହେବାର ଆକଳନ କରାଯାଇଛି।
ସେ କହିଛନ୍ତି ଯେ, ୨୦୨୦ ମସିହାରେ ସେ ପ୍ରଥମେ ଏହି ପ୍ରକଳ୍ପ ପାଇଁ ଆବେଦନ କରିଥିଲେ, କିନ୍ତୁ କିଛି କାରଣରୁ ସେତେବେଳେ ପ୍ରକଳ୍ପ କାର୍ଯ୍ୟକାରୀ ହୋଇପାରିନଥିଲା। ପରବର୍ତ୍ତୀ ସମୟରେ ଟେଣ୍ଡର ପୁନର୍ବାର ଖୋଲିବା ପରେ ସେ ଏଥିରେ ଅଂଶଗ୍ରହଣ କରି ସଫଳତାର ସହ ଏହାକୁ ବାସ୍ତବ ରୂପ ଦେଇଛନ୍ତି।
ଦକ୍ଷିଣାଞ୍ଚଳ ରାଜସ୍ୱ କମିଶନର (RDC) ବୀରସେନ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ପ୍ରକଳ୍ପର ଉଦ୍ଘାଟନ କରିଥିଲେ। ସେ କହିଥିଲେ ଯେ, ଏହା କେବଳ ଗଞ୍ଜାମ ଜିଲ୍ଲା ପାଇଁ ନୁହେଁ, ସମଗ୍ର ଓଡ଼ିଶା ପାଇଁ ଏକ ଗର୍ବର ବିଷୟ। ସ୍ଥାନୀୟ ଲୋକଙ୍କ ସହଯୋଗ ମିଳିଲେ ଆଗାମୀ ଦିନରେ ଅଞ୍ଚଳରେ ବିଦ୍ୟୁତ କାଟ ସମସ୍ୟା ହ୍ରାସ ପାଇବ ବୋଲି ସେ ଆଶା ପ୍ରକାଶ କରିଥିଲେ।
ଏହି ପ୍ରକଳ୍ପ ରାଜ୍ୟରେ ନବୀକରଣଯୋଗ୍ୟ ଶକ୍ତି କ୍ଷେତ୍ରରେ ନୂତନ ନିବେଶକୁ ପ୍ରୋତ୍ସାହନ ଦେବା ସହ ପରିବେଶ ଅନୁକୂଳ ବିକାଶକୁ ଆହୁରି ତ୍ୱରାନ୍ୱିତ କରିବ ବୋଲି ଆଶା କରାଯାଉଛି।
ଦୁବାଇରେ ଶନିବାର ମହିଳା ଟି-୨୦ ଏସିଆ କପ୍‌ରେ ପାରମ୍ପ...
ଭାରତ-ଆମେରିକା ପ୍ରତିରକ୍ଷା ସମ୍ପର୍କକୁ ନେଇ ବଡ଼ ବୟାନ ଦେଇ...
ପଶ୍ଚିମବଙ୍ଗରେ ଡେଙ୍ଗୁ ରୋକିବା ପାଇଁ ସ୍କୁଲ୍‌ ଛାତ୍ର...
ନ୍ୟୁୟର୍କରେ ଚାଲିଥିବା US Openରେ ସୋସିଆଲ ମିଡିଆ ଇନ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଉତ୍ତରପ୍ରଦେଶର ସାହାରନପୁରରେ ମସଜିଦ ଭଙ୍ଗାକୁ ନେଇ ରାଜନୈତି...
ତେଲେଙ୍ଗାନାରେ ଭୋଟର ତାଲିକାର Special Intensive Revisi...
ଭାରତୀୟ କ୍ରିକେଟ୍ ଦଳ ପ୍ରଥମ ଥର ପାଇଁ ଜାପାନ ଗସ୍ତ କରି ସେ...
ଆଫଗାନିସ୍ତାନ ବିପକ୍ଷ ଆଗାମୀ ତିନି ମ୍ୟାଚ୍‌ର ଟି-୨୦...
