ସାରା ଓଡ଼ିଶାରେ ଏବେ ଅସହ୍ୟ ଗ୍ରୀଷ୍ମପ୍ରବାହ ଲୋକଙ୍କୁ କଲବଲ କରୁଛି। କେତେକ ସ୍ଥାନରେ ତାପମାତ୍ରା ୪୪ ଡିଗ୍ରିରୁ ୪୫ ଡିଗ୍ରି ସେଲସିୟସ୍ ପର୍ଯ୍ୟନ୍ତ ପହଞ୍ଚୁଥିବାବେଳେ ଦିନରେ ତୀବ୍ର ଖରା ଓ ରାତିରେ ଗୁଳୁଗୁଳି ପରିସ୍ଥିତି ଜନଜୀବନକୁ ଅସ୍ତବ୍ୟସ୍ତ କରିଦେଇଛି।
ଏହାରି ଭିତରେ ଭାରତୀୟ ପାଣିପାଗ ବିଭାଗ ପକ୍ଷରୁ ଜାରି ଆକଳନ ଅନୁଯାୟୀ, ମେ’ ୩୦ ତାରିଖ ପର୍ଯ୍ୟନ୍ତ ରାଜ୍ୟରେ ଗ୍ରୀଷ୍ମପ୍ରବାହ ଓ ଅସ୍ୱାଭାବିକ ତାତି ଜାରି ରହିବ। ବିଶେଷକରି ଆଗାମୀ ଦୁଇଦିନ ବଲାଙ୍ଗୀର ଓ ବୌଦ୍ଧ ଜିଲ୍ଲାରେ ଅତ୍ୟଧିକ ଗରମ ଅନୁଭବ ହେବ ବୋଲି ପୂର୍ବାନୁମାନ କରାଯାଇଛି।
ପଶ୍ଚିମ ଓଡ଼ିଶାରେ ତୀବ୍ର ଖରା ସହ ତାତି ଜାରି ରହିଥିବାବେଳେ ଉପକୂଳ ଜିଲ୍ଲାଗୁଡ଼ିକରେ ଗୁଳୁଗୁଳି ପରିସ୍ଥିତି ଲୋକଙ୍କୁ ଅସୁବିଧାରେ ପକାଇଛି। ଝାରସୁଗୁଡ଼ା ଜିଲ୍ଲା ପାଇଁ ମଧ୍ୟ ପାଣିପାଗ ବିଭାଗ ବିଶେଷ ଚେତାବନୀ ଜାରି କରିଛି।
ଉଷ୍ମ ଓ ଆଦ୍ର ପାଗ ପାଇଁ ଉପକୂଳ ଓଡ଼ିଶାର ୧୧ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଏହି ଜିଲ୍ଲାଗୁଡ଼ିକ ହେଲେ — ବରଗଡ଼, ସୋନପୁର, ଗଞ୍ଜାମ, ଗଜପତି, ନୟାଗଡ଼, ଖୋର୍ଦ୍ଧା, ପୁରୀ, କଟକ, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକ ଓ ବାଲେଶ୍ୱର।
ଏହା ସହ ଆଗାମୀ ଦୁଇଦିନ ଅପରାହ୍ନରେ କାଳବୈଶାଖୀ ବର୍ଷା ହେବାର ସମ୍ଭାବନା ମଧ୍ୟ ରହିଛି। ଗଞ୍ଜାମ, ଗଜପତି, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ଼ ଜିଲ୍ଲାକୁ କାଳବୈଶାଖୀ ପାଇଁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି। ଏହି ସବୁ ଅଞ୍ଚଳରେ ବଜ୍ରପାତ, ଝଡ଼ୋ ପବନ ଓ କୁଆପଥର ବର୍ଷାର ସମ୍ଭାବନା ଥିବାରୁ ସତର୍କ ରହିବାକୁ ପରାମର୍ଶ ଦିଆଯାଇଛି।
ପାଣିପାଗ ବିଭାଗ ଲୋକମାନଙ୍କୁ ଦିନର ତୀବ୍ର ଖରା ସମୟରେ ଘରୁ ବାହାରିବାରୁ ବିରତ ରହିବା, ପର୍ଯ୍ୟାପ୍ତ ପାଣି ପିଇବା ଓ ଆବଶ୍ୟକ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛି।
ଭାରତରେ ଗ୍ରୀଷ୍ମ ଋତୁ ଏବେ ତୀବ୍ର ରୂପ ନେଉଛି। ଆସନ୍ତା 48...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
ପଶ୍ଚିମବଙ୍ଗ ଆଜି ଏକ ନୂଆ ରାଜନୈତିକ ଯୁଗରେ ପ୍ରବେଶ କରିଛି।...
ପୂର୍ଣ୍ଣିଆର ସ୍ୱାଧୀନ ସାଂସଦ Pappu Yadav ପୁନର୍ବାର ବିବା...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
ବିହାରର ରାଜନୀତିରେ ନୂତନ ଚର୍ଚ୍ଚା ଆରମ୍ଭ ହୋଇଛି, ଯେତେବେଳ...
ରାଜ୍ୟରେ ଆସନ୍ତା କିଛି ଦିନ ଧରି ଗରମ ଓ ଆର୍ଦ୍ରତାପୂର୍ଣ୍ଣ...
ଓଡ଼ିଶାରେ ତିବ୍ର ଗରମ ସହ ବଜ୍ରବର୍ଷାର ଦୁଇଟି ପ୍ରଭାବ ଦେଖି...
ଉତ୍ତର ପ୍ରଦେଶ ବିଧାନସଭା ପରିସରରେ ସମାଜବାଦୀ ପାର୍ଟି (SP)...
ସୋମବାର ଜାପାନର ଉତ୍ତର-ପୂର୍ବ ଉପକୂଳରେ ଭୟାବହ 7.7 ମାଗ୍ନି...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ଘଟୁ...
