ପୁରୀ ଜିଲ୍ଲାର ଡେଲାଙ୍ଗ ବ୍ଲକ୍ରେ ଦୟା ନଦୀର ବନ୍ୟାଜଳ ଲୋକଙ୍କ ପାଇଁ ବଡ଼ ସମସ୍ୟା ସୃଷ୍ଟି କରିଛି। ରବିବାର କାନ୍ତି ନିକଟରେ ଦୟା ନଦୀର କଜୱେ ଦେଇ ଅତିରିକ୍ତ ଜଳ ପ୍ରବାହିତ ହେବା ପରେ ଡେଲାଙ୍ଗ ବ୍ଲକ୍ର ଅନେକ ଅଞ୍ଚଳରେ ବନ୍ୟାଜଳ ପଶିଛି।
କାନ୍ତି, ସିଂହବ୍ରହ୍ମପୁର, ଚେନିପୁର, ମୋଟାରୀ ଓ ସୁଜନପୁର ସମେତ ଏକାଧିକ ପଞ୍ଚାୟତରେ ଜଳ ପ୍ରବେଶ କରିବାରୁ ବ୍ୟାପକ ଚାଷଜମି ଜଳମଗ୍ନ ହୋଇଛି। ଧାନ ତଳି ସମେତ ବିଭିନ୍ନ ଫସଲ ନଷ୍ଟ ହୋଇଥିବାରୁ ଚାଷୀମାନେ ଭାରୀ କ୍ଷତିର ସମ୍ମୁଖୀନ ହୋଇଛନ୍ତି।
ସିଂହବ୍ରହ୍ମପୁର ପଞ୍ଚାୟତ ଅଧୀନ ମାଳିଗା ଗାଁ ଏବେ ବାହ୍ୟଜଗତରୁ ପ୍ରାୟ ବିଚ୍ଛିନ୍ନ ହୋଇପଡ଼ିଛି। ମୁଖ୍ୟ ରାସ୍ତା ଉପରେ ବନ୍ୟାଜଳ ପ୍ରବାହିତ ହେବାରୁ ଯାତାୟାତ ବନ୍ଦ ହୋଇଛି। ଫଳରେ ଲୋକଙ୍କ ଦୈନନ୍ଦିନ ଜୀବନ ସହ ଜରୁରୀ ସେବା ପାଇବା ମଧ୍ୟ କଷ୍ଟକର ହୋଇଛି।
ସ୍ଥାନୀୟ ଲୋକଙ୍କ କହିବା ଅନୁସାରେ, ଗାଁର ଏକମାତ୍ର ରାସ୍ତା ବନ୍ୟାଜଳରେ ନଷ୍ଟ ହୋଇଯାଇଛି। ଚାଷଜମିରେ ବ୍ୟାପକ କ୍ଷତି ହୋଇଥିବା ବେଳେ ଚାଷୀଙ୍କ ଧାନ ତଳି ମଧ୍ୟ ନଷ୍ଟ ହୋଇଛି।
ବନ୍ୟା ସମୟରେ ଏଠାକାର ଦୀର୍ଘଦିନର ଭିତ୍ତିଭୂମି ସମସ୍ୟା ମଧ୍ୟ ସାମ୍ନାକୁ ଆସିଛି। ମାଳିଗା ନିକଟରେ ଥିବା ଏକ ବ୍ରିଜ୍ର ନିର୍ମାଣ କାମ୨୦୧୨ ମସିହାରେ ଆରମ୍ଭ ହୋଇଥିଲେ ମଧ୍ୟ ୨୦୨୬ ସୁଦ୍ଧା ଶେଷ ହୋଇନାହିଁ।
ବର୍ତ୍ତମାନ ରାସ୍ତା ବନ୍ୟାଜଳରେ ବୁଡ଼ି ଯାଇଥିବାରୁ ଲୋକେ ଅଧପନ୍ତରିଆ ବ୍ରିଜ୍ ନିକଟରେ ଲଗାଯାଇଥିବା ଏକ ବାଉଁଶ ସିଡ଼ି ଦେଇ ଯାତାୟାତ କରୁଛନ୍ତି। ଏଭଳି ବିପଦପୂର୍ଣ୍ଣ ଭାବେ ଯାତାୟାତ କରିବା ଲୋକଙ୍କ ଜୀବନ ପ୍ରତି ବିପଦ ସୃଷ୍ଟି କରୁଛି।
ସ୍ଥାନୀୟ ଲୋକେ କହିଛନ୍ତି, ଦୀର୍ଘବର୍ଷ ଧରି ବ୍ରିଜ୍ ନିର୍ମାଣ ଅଧପନ୍ତରିଆ ହୋଇ ରହିଥିବାରୁ ବନ୍ୟା ସମୟରେ ସେମାନଙ୍କ ସମସ୍ୟା ଆହୁରି ବଢ଼ିଯାଉଛି। ତୁରନ୍ତ ରିଲିଫ୍ ବ୍ୟବସ୍ଥା କରିବା ସହ ବ୍ରିଜ୍ କାମ ଶୀଘ୍ର ଶେଷ କରିବାକୁ ସେମାନେ ପ୍ରଶାସନ ନିକଟରେ ଦାବି କରିଛନ୍ତି।
ସ୍ଥାନୀୟ ଲୋକଙ୍କ କହିବା ଅନୁସାରେ, ପିପିଲି ବ୍ଲକ୍ର କାନ୍ତି ନିକଟରେ ଦୟା ନଦୀର କଜୱେ ରହିଛି। ନଦୀର ଜଳସ୍ତର ବଢ଼ିବା ପରେ କଜୱେ ଉପରେ ଜଳ ପ୍ରବାହିତ ହୋଇ ଡେଲାଙ୍ଗ ବ୍ଲକ୍ର ପ୍ରାୟ ପାଞ୍ଚଟି ପଞ୍ଚାୟତ ପ୍ରଭାବିତ ହୋଇଛି।
ବର୍ତ୍ତମାନ ଜଳସ୍ତର ଉଚ୍ଚ ରହିଥିବାରୁ ଗ୍ରାମବାସୀ ଆଶୁ ରିଲିଫ୍, ଯାତାୟାତ ବ୍ୟବସ୍ଥା ଓ ଦୀର୍ଘସ୍ଥାୟୀ ବନ୍ୟା ନିରାକରଣ ପଦକ୍ଷେପ ଦାବି କରିଛନ୍ତି। ବାରମ୍ବାର ବନ୍ୟାରେ ଚାଷ ଓ ଯୋଗାଯୋଗ ବ୍ୟବସ୍ଥା ନଷ୍ଟ ହେଉଥିବାରୁ ସ୍ଥାୟୀ ସମାଧାନ ପାଇଁ ପଦକ୍ଷେପ ନେବାକୁ ମଧ୍ୟ ସେମାନେ ଅନୁରୋଧ କରିଛନ୍ତି।
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
FIH ହକି ବିଶ୍ୱକପ୍‌ ପୂର୍ବରୁ ଭାରତୀୟ ପୁରୁଷ ହକି ଦଳ...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ୍‌ ବିଶିଷ୍ଟ ଟେଷ୍ଟ୍ ଶ...
ଶ୍ରୀଲଙ୍କା ଗସ୍ତରେ ଭାରତୀୟ କ୍ରିକେଟ୍ ଦଳ ୨ ମ୍ୟାଚ୍ ବିଶିଷ...
ଓଡ଼ିଶାରଅଲ୍ ଓଡ଼ିଶା ମେଡିକାଲ୍ PG ପରୀକ୍ଷାରେ General Su...
ଭାରତରେ ଦେଖିବାକୁ ମିଳିବ ବ୍ରାଜିଲ ଫୁଟବଲର ଯାଦୁ। ଫୁଟବଲ୍ର...
ଓଡ଼ିଶାର ବାଲେଶ୍ୱର ଜିଲ୍ଲାର ବନ୍ୟା ପ୍ରଭାବିତଭାଗୀରଥୀପୁର...
