ଓଡ଼ିଶାର କୋଇଲା ଖଣି କାର୍ଯ୍ୟକୁ ନେଇ Comptroller and Auditor General (CAG) ରିପୋର୍ଟରେ ଗୁରୁତର ଅନିୟମିତତା ସାମ୍ନାକୁ ଆସିଛି। ମାର୍ଚ୍ଚ ୨୦୨୪ରେ ଶେଷ ହୋଇଥିବା ବର୍ଷକୁ ନେଇ କରାଯାଇଥିବା compliance auditରେ ମହାନଦୀ କୋଲଫିଲ୍ଡସ୍ ଲିମିଟେଡ୍‌ (MCL)ର ଦୁଇଟି ଖଣିରେ ପରିବେଶ ଅନୁମୋଦନ ସର୍ତ୍ତ ଉଲ୍ଲଂଘନ ଚିହ୍ନଟ ହୋଇଛି।

Kalinga Open Cast Projectରେ ବଡ଼ ଅନିୟମିତତା

ତାଳଚେରର Kalinga Open Cast Projectର Environmental Clearance ୨୦୨୧ ଅକ୍ଟୋବର ୨୩ରେ ସମାପ୍ତ ହୋଇଥିଲା। କୋଭିଡ୍ ସମୟରେ ଦିଆଯାଇଥିବା extensionକୁ ହିସାବ କରିବା ପରେ ମଧ୍ୟ ଏହାର ବୈଧତା ଏହି ତାରିଖ ପର୍ଯ୍ୟନ୍ତ ଥିଲା।

କିନ୍ତୁ CAG ଅନୁସାରେ, EC ବୈଧ ନଥିବା ସମୟରେ ମଧ୍ୟ ଖଣିରେ ଉତ୍ପାଦନ ଜାରି ରହିଥିଲା। ୨୦୨୧ ଅକ୍ଟୋବରରୁ ୨୦୨୩ ମାର୍ଚ୍ଚ ମଧ୍ୟରେ ପ୍ରାୟ ୧.୧୫ କୋଟି ଟନ୍ କୋଇଲା ଉତ୍ତୋଳନ ହୋଇଥିବା ଅଡିଟ୍‌ରେ କୁହାଯାଇଛି। ଏହାର ମୂଲ୍ୟ ପ୍ରାୟ ₹୯୫୬.୫୬ କୋଟି ବୋଲି ଆକଳନ କରାଯାଇଛି।

Kulda Open Cast Projectରେ ମଧ୍ୟ ଅଧିକ ଉତ୍ପାଦନ

ରାଉରକେଲା ଅଞ୍ଚଳର Kulda Open Cast Projectରେ ମଧ୍ୟ ଅନୁମୋଦିତ ସୀମାଠାରୁ ଅଧିକ କୋଇଲା ଉତ୍ପାଦନ ହୋଇଥିବା CAG ଦର୍ଶାଇଛି।

୨୦୨୨ ମେ’ରେ ଏହି ଖଣିର ବାର୍ଷିକ EC ସୀମା ୧୯.୬ ମିଲିୟନ୍ ଟନ୍‌ରୁ ୨୧ ମିଲିୟନ୍ ଟନ୍କୁ ବଢ଼ାଯାଇଥିଲା। କିନ୍ତୁ ୨୦୨୨-୨୩ ପାଇଁ ଅନୁମୋଦନ ତାରିଖ ଆଧାରରେ pro-rata ଭାବେ ଅନୁମୋଦିତ ଉତ୍ପାଦନ ସୀମା ୨୦.୭୭ ମିଲିୟନ୍ ଟନ୍ ଥିଲା। ତଥାପି ଖଣିରୁ ୨୧ ମିଲିୟନ୍ ଟନ୍ କୋଇଲା ଉତ୍ପାଦନ ହୋଇଥିଲା। ଅର୍ଥାତ୍ ପ୍ରାୟ ୨.୩ ଲକ୍ଷ ଟନ୍ ଅଧିକ ଉତ୍ପାଦନ ହୋଇଥିଲା, ଯାହାର ମୂଲ୍ୟ ପ୍ରାୟ ₹୧୯.୦୨ କୋଟି ବୋଲି CAG ଆକଳନ କରିଛି।

ମୋଟ ₹୯୭୫.୫୭ କୋଟି ଆଦାୟ ହୋଇପାରେ

ଦୁଇଟି ଖଣିରେ ମିଶି ପ୍ରାୟ ୧,୧୭,୯୬,୫୪୦ ଟନ୍ କୋଇଲା ସମ୍ପର୍କିତ ଅନିୟମିତତା ଚିହ୍ନଟ ହୋଇଛି। Mines and Minerals (Development and Regulation) Act, 1957ର ବ୍ୟବସ୍ଥା ଅନୁସାରେ ଆଇନସମ୍ମତ ଅନୁମତି ବିନା ଉତ୍ତୋଳନ କରାଯାଇଥିବା ଖଣିଜର ମୂଲ୍ୟ ଆଦାୟ ହୋଇପାରେ। ଏହି ଆଧାରରେ CAG ପ୍ରାୟ ₹୯୭୫.୫୭ କୋଟିର recoverable amount ଦର୍ଶାଇଛି।

ଅଧିକାରୀଙ୍କ ଯାଞ୍ଚକୁ ନେଇ CAGର ପ୍ରଶ୍ନ

ଖଣିଗୁଡ଼ିକର Environmental Clearanceର ବୈଧତା ଏବଂ ଅନୁମୋଦିତ ଉତ୍ପାଦନ ସୀମା ଯାଞ୍ଚ କରିବାରେ mining authorities ପକ୍ଷରୁ ପର୍ଯ୍ୟାପ୍ତ ଯାଞ୍ଚ ହୋଇନଥିବା CAG ଦର୍ଶାଇଛି। ବିଶେଷକରି Kalinga OCP ମାମଲାରେ Deputy Director of Mines, Talcher ECର ବୈଧତା ଓ ଉତ୍ପାଦନର ଆଇନଗତତା ଯାଞ୍ଚ କରିନଥିବା ଅଡିଟ୍‌ରେ ଉଲ୍ଲେଖ ରହିଛି।