ଓଡ଼ିଶାର ଗରିବ ଓ ଅସହାୟ ପରିବାରଙ୍କ ପାଇଁ ରାଜ୍ୟ ସରକାର ବଡ଼ ଘୋଷଣା କରିଛନ୍ତି। ଅନ୍ତ୍ୟୋଦୟ ଗୃହ ଯୋଜନା ଅଧୀନରେ ଆଉ୨,୯୧,୬୬୬ଟି ନୂଆ ଘରନିର୍ମାଣ କରାଯିବ। ଏଥିସହ ଯୋଜନାର ଅବଧିକୁ ଆଉ ଦୁଇ ବର୍ଷ ବଢ଼ାଇ୨୦୨୯ ପର୍ଯ୍ୟନ୍ତକରାଯାଇଛି।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଘୋଷଣା ଅନୁଯାୟୀ, PMAY ଅଧୀନରେ ଘର ପାଇବାରୁ ବଞ୍ଚିତ ରହିଥିବା ଯୋଗ୍ୟ ଗରିବ ଓ ଦୁର୍ବଳ ପରିବାରଗୁଡ଼ିକୁ ଅନ୍ତ୍ୟୋଦୟ ଗୃହ ଯୋଜନାରେ ସାମିଲ କରାଯିବ। ଅତିରିକ୍ତ ଯୋଗ୍ୟ ହିତାଧିକାରୀଙ୍କୁ ଚିହ୍ନଟ କରିବା ପାଇଁ ପଞ୍ଚାୟତିରାଜ ଓ ପାନୀୟଜଳ ବିଭାଗକୁ ସର୍ଭେ କରିବାକୁ ନିର୍ଦ୍ଦେଶ ଦିଆଯାଇଛି।

ଯୋଜନା ପାଇଁ ମୋଟ୭,୫୫୦ କୋଟି ଟଙ୍କାର ପ୍ରକଳ୍ପ ବ୍ୟୟଅପରିବର୍ତ୍ତିତ ରହିବ। ତେବେ ଘର ମରାମତି ପାଇଁ ରଖାଯାଇଥିବା୩,୫୦୦ କୋଟି ଟଙ୍କାକୁ ନୂଆ ଘର ନିର୍ମାଣ ଦିଗରେ ବ୍ୟବହାର କରାଯିବ।

ବଦଳିଲା ଯୋଗ୍ୟତା ଓ ନିର୍ମାଣ ପ୍ରୋତ୍ସାହନ

ଯୋଜନା ଅନୁସାରେ, ପୂର୍ବରୁ୪୮,୫୦୦ ଟଙ୍କା କିମ୍ବା ତା’ଠାରୁ କମ୍ ସହାୟତାପାଇଥିବା ପରିବାରଙ୍କୁ ମଧ୍ୟ ଯୋଗ୍ୟତା ଆଧାରରେ ସାମିଲ କରାଯିବ। ଅନ୍ୟ ଯୋଗ୍ୟ ପରିବାରମାନେ ମଧ୍ୟ ଏହି ସୁଯୋଗ ପାଇପାରିବେ।

ଘର ନିର୍ମାଣ ଶୀଘ୍ର ସମ୍ପୂର୍ଣ୍ଣ କରିବାକୁ ହିତାଧିକାରୀଙ୍କୁ ଦିଆଯାଉଥିବା ପ୍ରୋତ୍ସାହନ ରାଶିରେ ମଧ୍ୟ ପରିବର୍ତ୍ତନ ହୋଇଛି।୫ ମାସ ମଧ୍ୟରେ ଘର ନିର୍ମାଣ ସାରିଲେ ୩୫ ହଜାର ଟଙ୍କା, ଏବଂ୭ ମାସ ମଧ୍ୟରେ ସମ୍ପୂର୍ଣ୍ଣ କଲେ ୨୦ ହଜାର ଟଙ୍କାପ୍ରୋତ୍ସାହନ ମିଳିବ।

ପ୍ରଥମେ ୨୦୨୭ ପର୍ଯ୍ୟନ୍ତ ଚାଲିବାକୁ ଥିବା ଅନ୍ତ୍ୟୋଦୟ ଗୃହ ଯୋଜନା ଏବେ ୨୦୨୯ ପର୍ଯ୍ୟନ୍ତ ଜାରି ରହିବ। ପ୍ରାରମ୍ଭରେ୫ ଲକ୍ଷ ପରିବାରକୁ ଘର ଯୋଗାଇବାଲକ୍ଷ୍ୟରେ ଆରମ୍ଭ ହୋଇଥିବା ଏହି ଯୋଜନାରେ ଅଧିକ ଯୋଗ୍ୟ ପରିବାରଙ୍କୁ ସାମିଲ କରିବାକୁ ସରକାର ଲକ୍ଷ୍ୟ ରଖିଛନ୍ତି।