ରାଗିଙ୍ଗ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛି ଓଡ଼ିଶା ସରକାର। ଜାତୀୟ ମାନବାଧିକାର ଆୟୋଗ (NHRC)ର ସୁପାରିଶ ଓ ସୁପ୍ରିମକୋର୍ଟଙ୍କ ନିକଟତମ ଅବଲୋକନ ପରେ ରାଜ୍ୟ ଉଚ୍ଚଶିକ୍ଷା ବିଭାଗ ସମସ୍ତ ଉଚ୍ଚ ଶିକ୍ଷାନୁଷ୍ଠାନ (HEIs)କୁ ଆଣ୍ଟି-ରାଗିଙ୍ଗ ବ୍ୟବସ୍ଥା ସୁଦୃଢ଼ କରିବା ସହ ଛାତ୍ରଛାତ୍ରୀଙ୍କ ସୁରକ୍ଷା ନିଶ୍ଚିତ କରିବାକୁ ନିର୍ଦ୍ଦେଶ ଦେଇଛି।
ଏହି ନିର୍ଦ୍ଦେଶ ୨୦୨୫ ଅଗଷ୍ଟ ୨୫ରେ ଆୟୋଜିତ “Re-examining Ragging in Higher Educational Institutions: Creating Safer Campuses through Awareness, Accountability, and Action” ଶୀର୍ଷକ ଖୋଲା ଆଲୋଚନାରୁ ଆସିଥିବା ସୁପାରିଶ ଆଧାରରେ ଜାରି କରାଯାଇଛି। ସୁପ୍ରିମକୋର୍ଟଙ୍କ ‘Sukdeb Saha vs State of Andhra Pradesh’ ମାମଲାର ରାୟକୁ ମଧ୍ୟ ଏଥିରେ ଗୁରୁତ୍ୱ ଦିଆଯାଇଛି।
ଉଚ୍ଚଶିକ୍ଷା ବିଭାଗ ପକ୍ଷରୁ କୁହାଯାଇଛି ଯେ, ସମସ୍ତ କଲେଜ ଓ ବିଶ୍ୱବିଦ୍ୟାଳୟରେ ଆଣ୍ଟି-ରାଗିଙ୍ଗ କମିଟି, ଆଣ୍ଟି-ରାଗିଙ୍ଗ ସ୍କ୍ୱାଡ୍ ଓ ମନିଟରିଂ ସେଲ୍କୁ ପୁନର୍ଗଠନ କିମ୍ବା ନବଗଠନ କରାଯିବ। ହଷ୍ଟେଲ ଓ କ୍ୟାମ୍ପସର ସମ୍ବେଦନଶୀଳ ଅଞ୍ଚଳରେ ୨୪ ଘଣ୍ଟିଆ ନଜରଦାରି ରଖିବାକୁ ସ୍କ୍ୱାଡ୍ମାନଙ୍କୁ ନିର୍ଦ୍ଦେଶ ଦିଆଯାଇଛି।
ନିୟମିତ ଓ ଆକସ୍ମିକ ଯାଞ୍ଚ କରିବା ସହ ସେହି ଯାଞ୍ଚର ରେକର୍ଡ ସଂରକ୍ଷିତ ରଖିବାକୁ କୁହାଯାଇଛି। ଏହାସହ ଆଣ୍ଟି-ରାଗିଙ୍ଗ କମିଟିରେ ଏସସି/ଏସଟି ସମୁଦାୟର ପ୍ରତିନିଧିତ୍ୱ ନିଶ୍ଚିତ କରିବାକୁ ମଧ୍ୟ ନିର୍ଦ୍ଦେଶ ରହିଛି।
ସମସ୍ତ ରାଗିଙ୍ଗ ଅଭିଯୋଗକୁ ତିନି-ସ୍ତରୀୟ ବ୍ୟବସ୍ଥା ମାଧ୍ୟମରେ ଯାଞ୍ଚ କରାଯିବ। ଏଥିରେ ଇନଷ୍ଟିଟ୍ୟୁସନାଲ ସେଲ୍, ମନିଟରିଂ ଏଜେନ୍ସି ଓ ଜିଲ୍ଲାସ୍ତରୀୟ କମିଟି ଅନ୍ତର୍ଭୁକ୍ତ ରହିବ। ଅଭିଯୋଗର ସମାଧାନ ପୂର୍ବରୁ ପୀଡ଼ିତଙ୍କ ମତାମତ ନିଆଯିବାକୁ ମଧ୍ୟ ଗୁରୁତ୍ୱ ଦିଆଯାଇଛି।
ନୂତନ ଛାତ୍ରଛାତ୍ରୀଙ୍କ ପାଇଁ ଓରିଏଣ୍ଟେସନ ପ୍ରୋଗ୍ରାମ, ସଚେତନତା ଅଭିଯାନ ଓ ସେନ୍ସିଟାଇଜେସନ କାର୍ଯ୍ୟକ୍ରମ ଆୟୋଜନ କରିବାକୁ ନିର୍ଦ୍ଦେଶ ରହିଛି। ସେହିପରି ଛାତ୍ରଛାତ୍ରୀଙ୍କ ପାଇଁ କାଉନସେଲିଂ ଓ ମାନସିକ ସ୍ୱାସ୍ଥ୍ୟ ସହାୟତା ବ୍ୟବସ୍ଥା ମଧ୍ୟ ଉପଲବ୍ଧ କରାଇବାକୁ କୁହାଯାଇଛି।
ଉଚ୍ଚଶିକ୍ଷା ବିଭାଗ ପୁନର୍ବାର ସ୍ପଷ୍ଟ କରିଛି ଯେ, UGCର ‘Curbing the Menace of Ragging in Higher Educational Institutions, 2009’ ନିୟମାବଳୀକୁ ସମସ୍ତ ଶିକ୍ଷାନୁଷ୍ଠାନ କଡ଼ାକଡ଼ିର ସହ ପାଳନ କରିବା ଆବଶ୍ୟକ।
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
