ଉତ୍ତର ଓଡ଼ିଶାରେ ଲଗାତାର ବର୍ଷା ପ୍ରଭାବରେ ବନ୍ୟା ପରିସ୍ଥିତି ଉଦ୍ବେଗଜନକ ହୋଇଉଠିଛି। ଅନେକ ଜିଲ୍ଲାର ତଳିଆ ଅଞ୍ଚଳ ଜଳମଗ୍ନ ହୋଇଥିବାବେଳେ, ସାଧାରଣ ଜନଜୀବନ ବ୍ୟାହତ ହୋଇଛି।
ବୈତରଣୀ ନଦୀ ଆଖୁଆପଦାଠାରେ ୨୦.୩୨ ମିଟର ଉଚ୍ଚତାରେ ପ୍ରବାହିତ ହେଉଛି, ଯାହା ବିପଦ ସଙ୍କେତ ୧୮.୩୩ ମିଟରଠାରୁ ଅଧିକ। ସେହିପରି ସାଳନ୍ଦୀ ନଦୀର ଜଳସ୍ତର ସକାଳ ୬ଟା ସୁଦ୍ଧା ୧୮.୭୦ ଫୁଟ୍ ରେକର୍ଡ କରାଯାଇଥିଲା।
ବାଲେଶ୍ୱର ଜିଲ୍ଲାର ବସ୍ତା ଅଞ୍ଚଳର ମଥାନୀଠାରେ ଜଳକା ନଦୀର ଜଳସ୍ତର ୬.୫୧ ମିଟରକୁ ପହଞ୍ଚି ବିପଦ ସଙ୍କେତ ୬.୫୦ ମିଟରକୁ ଅତିକ୍ରମ କରିଛି। ଏହାଫଳରେ ନଦୀ କୂଳବର୍ତ୍ତୀ ଅଞ୍ଚଳରେ ବନ୍ୟା ଆଶଙ୍କା ବଢ଼ିଛି।
ଅନୁଗୋଳ ଜିଲ୍ଲାର ପାଲଲହଡ଼ାରେ ସମାକୋଇ ନଦୀର ବନ୍ୟା ସ୍ଥିତି ସବୁଠାରୁ ଅଧିକ ପ୍ରଭାବ ପକାଇଛି। କଣିହା ବ୍ଲକର ବୁରୁକୁଣା ରାସ୍ତା ଉପରେ ପ୍ରାୟ ୬ ଫୁଟ୍ ଉଚ୍ଚରେ ପାଣି ପ୍ରବାହିତ ହେଉଥିବାରୁ ଯୋଗାଯୋଗ ବିଚ୍ଛିନ୍ନ ହୋଇଛି। ଏହା ସହିତ ପ୍ରାୟ ୨୫୦ ପରିବାର ବିସ୍ଥାପିତ ହୋଇଥିବା ସୂଚନା ମିଳିଛି।
ଅନେକ ଗାଁରେ ଜଳ ପ୍ରବେଶ କରିଥିବାରୁ ଲୋକମାନେ ନାନା ସମସ୍ୟାର ସମ୍ମୁଖୀନ ହେଉଛନ୍ତି। ପ୍ରଶାସନ ପକ୍ଷରୁ ନଦୀଗୁଡ଼ିକର ଜଳସ୍ତର ଉପରେ କଡ଼ା ନଜର ରଖାଯାଇଥିବାବେଳେ, ପରିସ୍ଥିତିକୁ ନିରନ୍ତର ମନିଟରିଂ କରାଯାଉଛି।
ବୟସ ମାତ୍ର ୧୭ ବର୍ଷ। ହାତରେ ନଥିଲା କୌଣସି ବଡ଼ ୱାର୍କସପ୍&...
AIର ଭରସା କେବଳ ସଠିକ୍ ଉତ୍ତରରେ ନୁହେଁ, ସୁରକ୍ଷା ଓ ନିରପେ...
ଦୁନିଆରେ ଦିନକୁ ଦିନ ବଢ଼ୁଛି ସାଇବର ଆକ୍ରମଣ। ବ୍ୟାଙ୍କିଂ ବ...
ରାତିରେ ହଠାତ୍ ଥରି ଉଠିଲା ଜମ୍ମୁ-କାଶ୍ମୀର ଓ ଲଦାଖର କିଛି...
ଆମେରିକା ଯାତ୍ରା କରୁଥିବା ଭାରତୀୟ ବିମାନ ଯାତ୍ରୀଙ୍କ ପାଇଁ...
ଦୀପାବଳି ପୂର୍ବରୁ ଦିଲ୍ଲୀବାସୀଙ୍କ ଚିନ୍ତା ବଢ଼ାଇଛି...
ପଶୁଚିକିତ୍ସା ଇଣ୍ଟର୍ନଙ୍କ ଷ୍ଟାଇପେଣ୍ଡ୍ରେ ୭ ହଜାର ଟଙ୍କା...
ସିଭିଲ୍‌ ସର୍ଭିସେସ୍‌ ପରୀକ୍ଷା ଦେଇ ପ୍ରଶାସନିକ...
