NEET ପରୀକ୍ଷା ପ୍ରକ୍ରିୟାକୁ ନେଇ ପୁଣି ଥରେ ବିବାଦ ଦେଖାଦେଇଛି। ଓଡ଼ିଶାର କଟକ ଜିଲ୍ଲା ସାଲେପୁର ଅଞ୍ଚଳର ଜଣେ NEET ପରୀକ୍ଷାର୍ଥୀ ଅଞ୍ଜଳି ପ୍ରଭା ରାଉତରାୟ ନିଜ OMR ଉତ୍ତରପତ୍ର ବଦଳରେ ଅନ୍ୟ ଜଣେ ପରୀକ୍ଷାର୍ଥୀଙ୍କ OMR ସିଟ୍ ମିଳିଥିବା ଅଭିଯୋଗ କରିଛନ୍ତି।
ଅଞ୍ଜଳି ଜୁନ୍ ୨୧ ତାରିଖରେ ରେଭେନ୍ସା କଲେଜରେ ଆୟୋଜିତ NEET ପୁନଃ ପରୀକ୍ଷାରେ ଅଂଶଗ୍ରହଣ କରିଥିଲେ। ପରୀକ୍ଷା ପରେ ନିଜ ଉତ୍ତର ମେଳାଇବା ପାଇଁ ରୋଲ୍ ନମ୍ବର ବ୍ୟବହାର କରି ଅନଲାଇନରୁ OMR ସିଟ୍ ଡାଉନଲୋଡ୍ କରିଥିଲେ।
ତେବେ ତାଙ୍କ ଦାବି ଅନୁସାରେ, ଡାଉନଲୋଡ୍ ହୋଇଥିବା OMR ସିଟ୍ରେ ତାଙ୍କ ରୋଲ୍ ନମ୍ବର ନଥିଲା। ସେଥିରେ ଅନ୍ୟ ଜଣେ ପରୀକ୍ଷାର୍ଥୀଙ୍କ ରୋଲ୍ ନମ୍ବର ଥିବା ସେ କହିଛନ୍ତି।
ଛାତ୍ରୀଙ୍କ କହିବା ଅନୁସାରେ, ଯଦି ତାଙ୍କ ମୂଳ OMR ସିଟ୍ ଆଧାରରେ ମୂଲ୍ୟାୟନ ନହୁଏ, ତେବେ ତାଙ୍କ ଭବିଷ୍ୟତ ପ୍ରଭାବିତ ହୋଇପାରେ। ଏହାକୁ ନେଇ ସେ ଚିନ୍ତିତ ଥିବା କହିଛନ୍ତି।
ଅଞ୍ଜଳି ଏନେଇ NEET କର୍ତ୍ତୃପକ୍ଷଙ୍କୁ ଇମେଲ୍ ମାଧ୍ୟମରେ ଜଣାଇବା ସହ ହେଲ୍ପଲାଇନ୍ରେ ମଧ୍ୟ ଯୋଗାଯୋଗ କରିଥିବା କହିଛନ୍ତି। ତେବେ ଏପର୍ଯ୍ୟନ୍ତ କୌଣସି ସମାଧାନ ମିଳିନଥିବା ତାଙ୍କ ଅଭିଯୋଗ।
ଛାତ୍ରୀଙ୍କ ପରିବାର କହିଛନ୍ତି ଯେ, ଅଞ୍ଜଳି ଜଣେ ମେଧାବୀ ଛାତ୍ରୀ ଏବଂ ଡାକ୍ତରୀ ପ୍ରବେଶିକା ପରୀକ୍ଷା ପାଇଁ ବର୍ଷ ବର୍ଷ ଧରି ପ୍ରସ୍ତୁତି କରୁଥିଲେ। OMR ସିଟ୍ର ଏଭଳି ତ୍ରୁଟି ତାଙ୍କ କ୍ୟାରିୟରକୁ ପ୍ରଭାବିତ କରିପାରେ ବୋଲି ସେମାନେ ଚିନ୍ତା ପ୍ରକାଶ କରିଛନ୍ତି।
ତେବେ ଛାତ୍ରୀଙ୍କ ଅଭିଯୋଗକୁ ନେଇ NEET କର୍ତ୍ତୃପକ୍ଷଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ଅଧିକାରିକ ପ୍ରତିକ୍ରିୟା ମିଳିନାହିଁ।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇସ୍ରାଏଲ ପ୍ରଧାନମନ...
ଫିଫା ବିଶ୍ୱକପ୍‌ର ସେମିଫାଇନାଲରେ ସ୍ପେନ୍ ଚମତ୍କାର ପ...
ଭାରତୀୟ ଟେବୁଲ ଟେନିସ ପାଇଁ ଆସିଛି ଏକ ଗର୍ବର ମୁହୂର୍ତ୍ତ।...
ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ପାକିସ୍ତାନ ସରକାର...
ଫିଫା ବିଶ୍ୱକପ୍ର ଦ୍ୱିତୀୟ ସେମିଫାଇନାଲ୍ରେ ବୁଧବାର ରାତି ୧...
ଆଇସିସି ପକ୍ଷରୁ ୨୦୨୮ ପୁରୁଷ ଟି-୨୦ ବିଶ୍ୱକପ୍ ପାଇଁ ଟୁର୍ଣ...
ଆମେରିକା ଓ ଇରାନ ମଧ୍ୟରେ ଉତ୍ତେଜନା ପୁଣି ଚରମ ସୀମାରେ ପହଞ...
ଇରାନକୁ କେନ୍ଦ୍ର କରି ମଧ୍ୟପ୍ରାଚ୍ୟରେ ବଢ଼ୁଥିବା ଉତ୍ତେଜନା...
