ମ୍ୟାଲେରିଆ ପ୍ରତିରୋଧ କ୍ଷେତ୍ରରେ ଏକ ବଡ଼ ଅପଡେଟ୍ ଆସିଛି। ଭାରତ ବାୟୋଟେକ୍ ନିଜର ମ୍ୟାଲେରିଆ ଟିକାMOSQIVACର ଦାମ ପ୍ରାୟ ୪୦ ପ୍ରତିଶତ କମାଇବାକୁ ଘୋଷଣା କରିଛି। ଏହି ଟିକାRTS,S/AS01ନାମରେ ମଧ୍ୟ ପରିଚିତ।

UNICEF ଦ୍ୱାରା କାର୍ଯ୍ୟକାରୀ ଏବଂ Gavi, the Vaccine Allianceର ଆର୍ଥିକ ସମର୍ଥନରେ ହୋଇଥିବା ଚୁକ୍ତି ଅନୁସାରେ ଟିକାର ମୂଲ୍ୟ ପ୍ରାୟ ୪୦% କମିବ। ନୂଆ ଦରପ୍ରତି ଡୋଜ୍ €5.50ହେବାକୁ ଥିବାବେଳେ, ଏହା ପୂର୍ବର ଦର ତୁଳନାରେ ପ୍ରାୟ ୪୦% କମ୍। ଏହି ନୂଆ ଦର ୨୦୨୭ ଆରମ୍ଭରୁ ଲାଗୁ ହେବାର ଆଶା ରହିଛି, ଯଦି ସମ୍ପର୍କିତ ନିୟାମକ ଓ ଉତ୍ପାଦନ ସର୍ତ୍ତ ପୂରଣ ହୁଏ।

ଭାରତ ବାୟୋଟେକ୍ ଅନୁସାରେ, ଏହି ମୂଲ୍ୟ ହ୍ରାସ ଫଳରେ ୨୦୨୭ରୁ ୨୦୨୯ ମଧ୍ୟରେ ଶିଶୁ ଟିକାକରଣ କାର୍ଯ୍ୟକ୍ରମରେ ପ୍ରାୟ୫ କୋଟି ଆମେରିକୀୟ ଡଲାରସଞ୍ଚୟ ହୋଇପାରେ। ସେହିପରି ସମ୍ପୂର୍ଣ୍ଣ ଚାରି-ଡୋଜ୍ ଟିକାକରଣ ପାଇଁ ପ୍ରାୟ୧୦ ଲକ୍ଷ ଅଧିକ ଶିଶୁଙ୍କୁ ସୁରକ୍ଷା ଦେବାର ସୁଯୋଗ ସୃଷ୍ଟି ହୋଇପାରେ।

RTS,S/AS01ହେଉଛି ବିଶ୍ୱର ପ୍ରଥମ ମ୍ୟାଲେରିଆ ଟିକା, ଯାହାକୁ ୨୦୨୧ରେ WHO ପ୍ରଥମ ମ୍ୟାଲେରିଆ ଟିକା ଭାବେ ସୁପାରିଶ କରିଥିଲା। GSK ଦ୍ୱାରା ବିକଶିତ ଏହି ଟିକାକୁ ବର୍ତ୍ତମାନ ଭାରତ ବାୟୋଟେକ୍MOSQIVACବ୍ରାଣ୍ଡ ନାମରେ ଉତ୍ପାଦନ କରୁଛି।

ମ୍ୟାଲେରିଆର ଭାର ବିଶେଷକରି ଶିଶୁମାନଙ୍କ ଉପରେ ଅଧିକ ଥିବାରୁ ଟିକାର ମୂଲ୍ୟ କମିବା ଟିକାକରଣର ପହଞ୍ଚ ବଢ଼ାଇବାରେ ସହାୟକ ହୋଇପାରେ। UNICEF ଓ Gavi କହିଛନ୍ତି ଯେ ଏହି ଚୁକ୍ତି ୨୦୨୭-୨୦୨୯ ମଧ୍ୟରେ ପ୍ରାୟ ୫୦ ମିଲିୟନ୍ ଡଲାର ସଞ୍ଚୟ କରିପାରେ।