ବାଲେଶ୍ୱର:ଓଡ଼ିଶାର ବିଭିନ୍ନ ସ୍ଥାନରେ ଅପମିଶ୍ରିତ ପନିର ନେଇ ଚଢ଼ାଉ ଜାରି ରହିଥିବା ବେଳେ ବାଲେଶ୍ୱରରୁ ସାମ୍ନାକୁ ଆସିଥିବା ଏକ ଭିଡିଓ ଖାଦ୍ୟର ମାନକୁ ନେଇ ଚିନ୍ତା ବଢ଼ାଇଛି। ଅଭିଯୋଗ ଅନୁସାରେ, କିଛି ବ୍ୟବସାୟୀ ଶୁଦ୍ଧ କ୍ଷୀର ବଦଳରେ କ୍ଷୀର ପାଉଡର ବ୍ୟବହାର କରି ପନିର ପ୍ରସ୍ତୁତ କରୁଛନ୍ତି। ଅଧିକ ଲାଭ ପାଇଁ ଅସ୍ୱାସ୍ଥ୍ୟକର ପରିବେଶରେ ପନିର ତିଆରି କରାଯାଉଥିବା ମଧ୍ୟ ଅଭିଯୋଗ ହୋଇଛି।
ବାଲେଶ୍ୱର ଜିଲ୍ଲାର ସିମୁଳିଆ ବ୍ଲକ ଅଧୀନ ଜାମୁଝାଡ଼ି ଓ ଆସ୍ତିଆ ଗାଁରୁ ଏଭଳି ଅଭିଯୋଗ ସାମ୍ନାକୁ ଆସିଛି। ଏହାକୁ ନେଇ ଖାଦ୍ୟ ସୁରକ୍ଷା ଓ ପନିରର ଗୁଣବତ୍ତା ଉପରେ ପ୍ରଶ୍ନ ଉଠିଛି।
ସାମ୍ନାକୁ ଆସିଥିବା ଭିଜୁଆଲ୍ରେ ପନିରକୁ ପୋଖରୀ ପାଣିରେ ଥଣ୍ଡା କରାଯାଉଥିବା ଦେଖାଯାଇଥିବା ଅଭିଯୋଗ ହୋଇଛି। ଏହାସହ ପନିରକୁ ଟ୍ୟୁବୱେଲ୍ ନିକଟରେ ଖୋଲା ଜାଗାରେ ରଖାଯାଉଥିବା ଦେଖାଯାଇଛି। ଫଳରେ ଏହା ମାଛି ଓ ଅନ୍ୟାନ୍ୟ ଦୂଷିତ ଉତ୍ସର ସଂସ୍ପର୍ଶରେ ଆସୁଥିବା ଅଭିଯୋଗ ହୋଇଛି।
କିଛି ବ୍ୟବସାୟୀଙ୍କ ପାଖରେ ବୈଧ ଫୁଡ୍ ଲାଇସେନ୍ସ ନଥିବା ନେଇ ମଧ୍ୟ ଅଭିଯୋଗ ରହିଛି। ଘଟଣାର ତଦନ୍ତ କରି ନିୟମ ଉଲ୍ଲଂଘନ ହୋଇଛି କି ନାହିଁ, ପ୍ରଶାସନ ପକ୍ଷରୁ ଯାଞ୍ଚ କରାଯିବା ସମ୍ଭାବନା ରହିଛି।
ଅପମିଶ୍ରିତ ପନିର, ଛେନା ଓ ମିଠା ବିକ୍ରି ଅଭିଯୋଗ ପରେ ଭୁବନେଶ୍ୱରର ପାହାଳ ଅଞ୍ଚଳରେ ମଧ୍ୟ ଚଢ଼ାଉ ଜୋରଦାର କରାଯାଇଛି।
ବିଭିନ୍ନ ମିଠା ଦୋକାନରେ ଅଧିକାରୀମାନେ ଯାଞ୍ଚ କରୁଛନ୍ତି। ପନିର କିମ୍ବା ଅନ୍ୟ ଖାଦ୍ୟ ସାମଗ୍ରୀରେ କୌଣସି କ୍ଷତିକାରକ ରାସାୟନିକ ପଦାର୍ଥ କିମ୍ବା ଅନ୍ୟ ଅପମିଶ୍ରକ ବ୍ୟବହାର ହୋଇଛି କି ନାହିଁ, ତାହା ଯାଞ୍ଚ କରାଯାଉଥିବା ଜଣାପଡ଼ିଛି।
ଖାଦ୍ୟ ସୁରକ୍ଷା ନିୟମ ଉଲ୍ଲଂଘନ କରୁଥିବା ବ୍ୟବସାୟୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ଅଧିକାରୀମାନେ ଚେତାବନୀ ଦେଇଛନ୍ତି। ସନ୍ଦେହଜନକ ନକଲି ପନିରକୁ ନଷ୍ଟ କରାଯିବା ସହ ବଜାରକୁ ଅପମିଶ୍ରିତ ଖାଦ୍ୟ ସାମଗ୍ରୀ ପ୍ରବେଶ ରୋକିବା ପାଇଁ ଯାଞ୍ଚ ଜାରି ରହିଛି।
ଆମେରିକାର ମାସାଚୁସେଟ୍ସରେ ନିଜ ୩ ଶିଶୁଙ୍କୁ ହତ୍ୟା କରିବା...
କାନାଡାର ଏଡମଣ୍ଟନ୍‌ସ୍ଥିତ ଏକ ଶିଖ୍ ଗୁରୁଦ୍ୱାରରେ ଭୋ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ସ୍ୱିଡେନ୍‌ର ମଧ୍ୟଭାଗରେ ଥିବା ଫାଗେର୍ଷ୍ଟା ସହରର ଏକ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଦକ୍ଷିଣ ଆଫ୍ରିକାରେ ଏକ ବଡ଼ ଧରଣର କ୍ରିଷ୍ଟାଲ୍ ମେଥାମ୍ଫେଟା...
ଆମେରିକାର ନେଭାଡା ରାଜ୍ୟର ରେନୋ ସହର ନିକଟରେ ଭୟଙ୍କର ଜଙ୍ଗ...
ସିଙ୍ଗାପୁରର ଚାଙ୍ଗି ବିମାନବନ୍ଦରରୁ ଡେନିମ୍ ଜ୍ୟାକେଟ୍ ଚୋର...
HBOର ବହୁ ପ୍ରତୀକ୍ଷିତ ‘Harry Potter’ ଟିଭ...
